മോഹൻലാലിന്റെ രണ്ടാമൂഴത്തിലെ ഗാനങ്ങളുടെ പ്രത്യേകതയെ കുറിച്ച് എ.ആർ റഹ്മാൻ !!

മോഹൻലാലിന്റെ രണ്ടാമൂഴത്തിലെ ഗാനങ്ങളുടെ പ്രത്യേകതയെ കുറിച്ച് എ.ആർ റഹ്മാൻ !!

മോഹൻലാൽ ഭീമനായെത്തുന്ന ‘രണ്ടാമൂഴം’ ലോകം മുഴുവൻ ശ്രദ്ധിക്കുന്ന സിനിമയായി മാറുമെന്ന അഭിപ്രായവുമായി എ.ആർ റഹ്മാൻ. പ്രശസ്ത തമിഴ് ചാനലിലാണ് നൽകിയ അഭിമുഖത്തിലാണ് റഹ്മാൻ ഈ അഭിപ്രായം രേഖപ്പെടുത്തിയത്. തന്റെ വരാൻ പോകുന്ന പ്രോജക്ടുകളെ കുറിച്ച് പറയുമ്പോഴായിരുന്നു രണ്ടാമൂഴത്തെ കുറിച്ചും, മോഹൻലാലിനെ കുറിച്ചും റഹ്മാൻ മനസ്സ് തുറന്നത്.

ലോകപ്രശസ്ത സംഗീത സംവിധായകനും, ഇന്ത്യയുടെ അഭിമാനമായി ഓസ്കാർ പുരസ്‌കാരം കരസ്ഥമാക്കിയ ആളുമാണ് എ.ആർ റഹ്മാൻ. അദ്ദേഹമാണ് രണ്ടാമൂഴത്തിനായി സംഗീതം ഒരുക്കുന്നത്. മലയാളത്തിൽ ഇതിന് മുൻപ് ‘യോദ്ധ’ എന്ന ഒരു സിനിമക്ക് വേണ്ടി മാത്രമേ റഹ്മാൻ സംഗീത സംവിധാനം നിർവഹിച്ചിട്ടുള്ളൂ. അതും മോഹൻലാൽ സിനിമ തന്നെ ആയിരുന്നു.

രണ്ടാമൂഴം തന്റെ ജീവിതത്തിൽ ഏറെ വെല്ലുവിളി ഉയർത്തുന്ന സിനിമയായിരിക്കുമെന്നാണ് എആർ റഹ്മാനും പറയുന്നത്. ഇത്തരമൊരു പ്രൊജക്ടുമായി സഹകരിക്കുമ്പോൾ ഒരുപാട് ഗൃഹപാഠം ആവശ്യമാണ്. ഭീമനെ കുറിച്ചും, അതിൽ പ്രതിപാദിക്കുന്ന കാലഘട്ടത്തെ കുറിച്ചും വ്യക്തമായി പഠിച്ചതിന് ശേഷം മാത്രമേ അനുയോജ്യമായ സംഗീതം നല്കാൻ കഴിയൂ – എ.ആർ റഹ്മാൻ പറയുന്നു.

ചിത്രത്തിന്റെ അണിയറപ്രവർത്തകർ തന്നെ സമീപിച്ചിരുന്നതായി വളരെ മുൻപ് തന്നെ വെളിപ്പെടുത്തിയ എ.ആർ റഹ്മാൻ പക്ഷെ സിനിമയെ കുറിച്ച് ഏറെയൊന്നും വെളിപ്പെടുത്താൻ തയ്യറായില്ല.

A.R Rahman about the music and background score of ‘Randaamoozham’