മലയാളികള്‍ക്കേറെ പ്രിയങ്കരനാണ് സന്തോഷ് പണ്ഡിറ്റ്. പലപ്പോഴും പരിഹാസങ്ങളും അവഹേളനങ്ങളുമൊക്കെ കേട്ടെങ്കിലും സന്തോഷ് തന്റേതായ രീതിയിലുള്ള സിനിമകള്‍ ഇപ്പോഴും ചെയ്യുന്നുണ്ട്. ഇപ്പോഴിതാ തന്റെ 2018 ലെ ചിത്രം ഉരുക്ക് സതീശന് യുട്യൂബിലൂടെ റിലീസ് ചെയ്തിരിക്കുകയാണ് അദ്ദേഹം. സിനിമയുടെ ചിത്രീകരണവേളയില്‍ താന്‍ നേരിട്ട ബുദ്ധിമുട്ടുകളെക്കുറിച്ചും സന്തോഷ് പറഞ്ഞിരുന്നു.
‘ഉരുക്ക് സതീശന് സിനിമ കണ്ടവര്‍ അഭിപ്രായം അറിയിക്കുക. കേരളം (സുല്‍ത്താന്‍ ബത്തേരി, കോഴിക്കോട് ടൗണ്‍, കുറ്റികാട്ടൂര്‍, കുന്നമംഗലം, നരിക്കുനി, ബാലുശ്ശേരി, സിവില്‍ സ്‌റ്റേഷന്‍, എരഞ്ഞിപ്പാലം), രാജസ്ഥാന്‍, മഹാരാഷ്ട്ര, കര്‍ണാടക എന്നിവിടങ്ങളില്‍ വച്ച് ഷൂട്ട് ചെയ്ത സിനിമയാണ് ഉരുക്ക് സതീശന്. നൂറിലധികം പുതുമുഖങ്ങളെ അണിനിരത്തി 5 ലക്ഷം രൂപ ബജറ്റ് കൊണ്ട് 8 പാട്ടും നിരവധി സംഘട്ടനങ്ങളും ഉള്‍പ്പെടുത്തി ഞാന്‍ വളരെ കഷ്ടപ്പെട്ട് ചെയ്ത സിനിമയാണ് ഇത്.
വിശാല്‍ എന്ന കഥാപാത്രം ചെയ്യുവാന്‍ 62 കിലോ ശരീരഭാരം കുറച്ച് 57 ല്‍ എത്തിച്ചു. ആ ഭാഗം പൂര്‍ത്തിയാക്കി. പിന്നീട് 4 മാസം ബ്രേക്ക് എടുത്ത് കുറേ ഭക്ഷണം ഒക്കെ വെട്ടിവിഴുങ്ങി 74 കിലോ ആക്കി മുടിയെല്ലാം മൊട്ട അടിച്ചാണ് ഉരുക്ക് സതീശന് എന്ന കഥാപാത്രം ചെയ്തത്.’
‘ആ ഷൂട്ടിംഗിന് ഇടയില്‍ മറ്റൊരു ചിത്രം അഭിനയിക്കാന്‍ അവസരം കിട്ടിയപ്പോള്‍ സ്വന്തം സിനിമ നിര്‍ത്തി അതില്‍ പോയി മുടി വളര്‍ത്തി അഭിനയിച്ചു. ആ സിനിമ പൂര്‍ത്തിയാക്കി സ്വന്തം സിനിമ വീണ്ടും തുടങ്ങി. അങ്ങനെ വീണ്ടും മൊട്ടയടിച്ച് ഉരുക്ക് സതീശന് കഥാപാത്രം തീര്‍ത്തു. എഡിറ്റിംഗ് തുടങ്ങിയപ്പോള്‍ ഒരു സീന്‍ കൂടി ഉള്‍പ്പെടുത്തേണ്ട ആവശ്യം തോന്നി.
അങ്ങനെ മൂന്നാം തവണയും മുടി മൊട്ട അടിച്ച് ഷൂട്ട് ചെയ്തു (പാവം ഞാന്‍….). ഈ സിനിമ കാണുമ്പോള്‍ എന്റെ കഷ്ടപ്പാട് നിങ്ങള്‍ക്ക് മനസ്സിലാക്കണം എന്നില്ല. അന്ന് കൂടിയ തടി, വയര്‍ എന്നിവ ഞാന്‍ പിന്നീട് 3 മാസം കഷ്ടപ്പെട്ട് ഡയറ്റ് ചെയ്ത് 62 കിലോ ആക്കി മാറ്റി. സിനിമ കാണാത്തവര്‍ യുട്യൂബിലൂടെ കഴിഞ്ഞ ദിവസം അപ്‌ലോഡ് ആയ ഫുള്‍ മൂവി കണ്ട് നിങ്ങളുടെ വിലയേറിയ അഭിപ്രായങ്ങള്‍ അറിയിക്കുക..’, എന്നും സന്തോഷ് പണ്ഡിറ്റ് പറയുന്നു.
അവതാരകനായും ടെലിവിഷന് താരമായുമെല്ലാം ശ്രദ്ധയാകര്ഷിച്ചയാളാണ് ഫിറോസ് ഖാന്‍. റിയാലിറ്റി ഷോ ബിഗ് ബോസിലൂടെയാണ് കൂടുതല്‍ പ്രേക്ഷക ശ്രദ്ധനേടാന് ഫിറോസിനായത്. ഭാര്യ സജ്നയ്ക്കൊപ്പമാണ്...
മലയാളത്തില് നിരവധി ആരാധകരുള്ള സൂപ്പര് താരങ്ങളാണ് മമ്മൂട്ടിയും പൃഥ്വിരാജും. ‘മധുരരാജ’ എന്ന ചിത്രത്തിന് ശേഷം രണ്ടും പേരും വീണ്ടും ഒന്നിക്കുന്നവെന്ന റിപ്പോര്ട്ടുകള്...
രജനികാന്ത്-നെല്‍സല്‍ ദിലീപ്കുമാര്‍ കൂട്ടുക്കെട്ടില് പുറത്തിറങ്ങിയ ബ്ലോക്ക്ബസ്റ്റര് ചിത്രമായിരുന്നു ജയിലര്‍. ഒരിടവേളയ്ക്ക് ശേഷം രജനികാന്തിന്റെ ഏറ്റവും മികച്ച പ്രകടനം കൂടിയായിരുന്നു ചിത്രത്തിലേത്. ഈ...
വിജയ്-തൃഷ എന്നിവര് പ്രധാന വേഷത്തിലെത്തി എക്കാലത്തെയും സൂപ്പര്ഹിറ്റായി മാറിയ ചിത്രമായിരുന്നു ഗില്ലി. ധരണിയുടെ സംവിധാനത്തില് പുറത്തത്തെിയ ചിത്രം ഈ അടുത്താണ് റീറിലീസ്...
മലയാളികളുടെ പ്രിയപ്പെട്ട നടനാണ് ദിലീപ്. വളരെ ചുരുങ്ങിയ കാലം കൊണ്ട് തന്നെ നിരവധി കഥാപാത്രങ്ങളിലൂടെ പ്രേക്ഷകരുടെ ജനപ്രിയ നായകന് ആയി മാറാന്...
