ക്രിക്കറ്റ് താരം സുരേഷ് റെയ്ന സിനിമയിലേയ്ക്ക്

മുൻ ഇന്ത്യൻ ക്രിക്കറ്റ് താരം സുരേഷ് റെയ്ന സിനിമയിലേയ്ക്ക് അരങ്ങേറ്റം കുറിക്കാനൊരുങ്ങുന്നു. തമിഴ് ചിത്രത്തിലൂടെയാണ് അദ്ദേഹം എത്തുന്നത്. ക്രിക്കറ്റ് ആസ്പദമാക്കിയാണ് ചിത്രം തയ്യാറാകുന്നത്. എന്നാൽ ഇത് സുരേഷ് റെയ്നയുടെ ബയോപിക് ആകാനും സാധ്യതയുണ്ടെന്നും വിവരമുണ്ട്.

ലോ​ഗൻ ആണ് ചിത്രത്തിന്റെ സംവിധാനം. ഡ്രീം നൈറ്റ് സ്റ്റോറീസ് എന്ന പ്രൊഡക്ഷൻ ഹൗസിന്റെ ബാനറിൽ ശരവണ കുമാറാണ് ചിത്രത്തിന്റെ നിർമാണം. സന്ദീപ് കെ വിജയ് ആണ് ചിത്രത്തിന്റെ ഛായാഗ്രാഹകൻ, ടി മുത്തുരാജ്- പ്രൊഡക്ഷൻ ഡിസൈനർ, സുപ്രീം സുന്ദർ- സ്റ്റണ്ട് കൊറിയോഗ്രാഫർ. ഓസ്കർ ജേതാവ് റസൂൽ പൂക്കുട്ടിയാണ് സൗണ്ട് ഡിസൈനർ, സന്തോഷ് നാരായണൻ സംഗീതം ഒരുക്കുന്നു.

ചെന്നൈയിൽ വച്ച് വെള്ളിയാഴ്ചയാണ് സിനിമ ഔദ്യോഗികമായി ലോഞ്ച് ചെയ്ത്. 2020ൽ മുൻ ഇന്ത്യൻ ക്യാപ്റ്റൻ എംഎസ് ധോണി വിരമിച്ച അതേ സമയം തന്നെയാണ് റെയ്നയും തന്റെ വിരമിക്കൽ പ്രഖ്യാപിച്ചത്. ക്രിക്കറ്റിൽ നിന്നും വിരമിച്ച ശേഷം കമന്റേറ്ററുടെ റോളിലാണ് സുരേഷ് റെയ്ന എത്തുന്നത്.