രണ്ടാം വരവിൽ ആദ്യ ഭാഗത്തെ വെല്ലുന്ന ആകാശഗംഗയിലെ നാല് കൗതുകങ്ങൾ !

വിനയൻ്റെ കയ്യൊപ്പ് പതിഞ്ഞ ചിത്രം തന്നെയായിരുന്നു ആകാശഗംഗ . രണ്ടാം ഭാഗം എത്തുമ്പോൾ അതുകൊണ്ടു തന്നെ വാനോളം പ്രതീക്ഷകൾ പ്രേക്ഷകർക്കും ഉണ്ട് . മലയാളികളെ ഒരുകാലത്ത് ഭയപ്പെടുത്തിയ ആ കോവിലകവും കുളവും തീക്കണ്ണുകളും മന്ത്രവാദ കളവും മയൂരിയുടെ സാന്നിധ്യവുമെല്ലാം വീണ്ടും എത്തുകയാണ് . രണ്ടാം വരവിൽ ഒരുപാട് കൗതുകങ്ങൾ ചിത്രത്തിനു വിനയൻ ഒരുക്കിയിട്ടുണ്ട് .

ടിക്ക് ടോക്ക് നായിക

ദിവ്യ ഉണ്ണി അഭിനയിച്ചു തകർത്ത വേഷമാണ് വീണ നായർ അവതരിപ്പിക്കുന്നത് . ദിവ്യ ഉണ്ണിയുടെ കഥാപാത്രം പ്രസവത്തോടെ മരണപ്പെടുകയും മകളായെത്തുന്ന വീണയുടെ കഥാപാത്രത്തിലൂടെ കഥ മുന്നേറുകയുമാണ് . ഒഡിഷനിലൂടെയും മറ്റും കണ്ടെത്തുന്ന പഴയ രീതികളെ പൊളിച്ചടുക്കി നവ മാധ്യമമായ ടിക് ടോകിലൂടെയാണ് നായികയെ വിനയൻ കണ്ടെത്തിയത് .

ആകാശ ഗംഗയിലെ ഉണ്ണിയുടെ തിരിച്ചു വരവ്

ആകാശ ഗംഗയിലെ നായകനായാണ് റിയാസ് സിനിമയിലേക്കെത്തുന്നത് . 19 വർഷത്തെ ഇടവേളയ്ക്ക് ശേഷം വീണ്ടും റിയാസ് സിനിമയിലേക്ക് എത്തുന്നത് ആകാശഗംഗ രണ്ടാം ഭാഗത്തിലൂടെയാണ്.

അച്ഛനും മകനും

ഹിസ്റ്ററി ഓഫ് ജോയ് എന്ന ചിത്രത്തിലൂടെയാണ് വിഷ്ണു വിനയ് സിനിമയിൽ അരങ്ങേറിയത് . ഇപ്പോൾ അച്ഛന്റെ സിനിമയിലും മകൻ സാന്നിധ്യം അറിയിക്കുകയാണ് .

മയൂരിയുടെ സാന്നിധ്യം

ആദ്യ ഭാഗത്ത് ആളുകളെ ഭയപ്പെടുത്തിയത് മയൂരിയുടെ സാന്നിധ്യമായിരുന്നു . എന്നാൽ അധികം വൈകാതെ മയൂരി സിനിമ ലോകത്തോടും ജീവിതത്തോടും വിട പറഞ്ഞു. ഇപ്പോൾ മയൂരിയെ ആകാശഗംഗയിൽ റീക്രീയേറ്റ് ചെയ്തിരിക്കുകയാണ് വിനയൻ . അതെങ്ങനെ ആയിരിക്കും എന്ന് കാത്തിരിക്കുകയാണ് പ്രേക്ഷകർ .

4 interesting factors of akashaganga 2