പ്രശസ്ത ഛായാഗ്രാഹകനും സംവിധായകനുമായ ശിവൻ അന്തരിച്ചു

പ്രശസ്ത ഛായാഗ്രാഹകനും സംവിധായകനുമായ ശിവൻ (89) അന്തരിച്ചു. ഹൃദയാഘാതത്തെ തുടർന്ന് തിരുവനന്തപുരത്തെ വീട്ടിലായിരുന്നു അന്ത്യം.. ​ക​ഴി​ഞ്ഞ​ ​ ദിവസം ​അസ്വസ്ഥതകളെ തുടർന്ന് അ​ദ്ദേ​ഹ​ത്തെ ആ​ശു​പ​ത്രി​യി​ൽ​ ​പ്ര​വേ​ശി​പ്പിച്ചിരുന്നു

ദേ​ശീ​യ​ ​അ​ന്ത​ർ​ദ്ദേ​ശീ​യ​ ​അം​ഗീ​കാ​ര​ങ്ങ​ൾ​ ​നേ​ടി​യ​ ​സം​വി​ധാ​യ​ക​നും​ ​കേ​ര​ള​ത്തി​ലെ​ ​ആ​ദ്യ​ത്തെ​ ​പ്രൊ​ഫ​ഷ​ണ​ൽ​ ​പ്ര​സ് ​ഫോ​ട്ടോ​ഗ്രാ​ഫ​റു​മാ​ണ് ശി​വ​ൻ. ഐ​ക്യ​കേ​ര​ള​ത്തി​ന് ​മു​മ്പും​ ​പി​മ്പു​മു​ള്ള​ ​ച​രി​ത്ര​ത്തി​ന്റെ​ ​ദൃ​ക്സാ​ക്ഷി​യാ​യ​ ​ശി​വ​ൻ​ ​ആ​ദ്യ​ത്തെ​ ​കേ​ര​ള​ ​മ​ന്ത്രി​ ​സ​ഭ​യു​ടെ​ ​സ​ത്യ​പ്ര​തി​ജ്ഞ​യ​ട​ക്കം​ ​നി​ര​വ​ധി​ ​അ​മൂ​ല്യ​ ​മു​ഹൂ​ർ​ത്ത​ങ്ങ​ൾ​ ​ഒ​പ്പി​യെ​ടു​ത്ത​ ​പ്ര​സ് ​ഫോ​ട്ടോ​ ​ഗ്രാ​ഫ​റാ​ണ്.​ ​

ചെ​മ്മീ​ന്റെ​ ​സ്റ്റി​ൽ​ ​ഫോ​ട്ടോ​ഗ്രാ​ഫ​റെ​ന്ന​ ​നി​ല​യി​ലാ​ണ് ​ച​ല​ച്ചി​ത്ര​ ​രം​ഗ​ത്ത് ​ശി​വ​ൻ​ ​ശ്ര​ദ്ധേ​യ​നാ​യ​ത്.​ ​തു​ട​ർ​ന്ന് ​സ്വ​പ്നം​ ​എ​ന്ന​ ​ചി​ത്രം​ ​നി​ർ​മ്മി​ക്കു​ക​യും​ ​യാ​ഗം,​ ​അ​ഭ​യം,​കൊ​ച്ചു​ ​കൊ​ച്ചു​ ​മോ​ഹ​ങ്ങ​ൾ,​ ​ഒ​രു​ ​യാ​ത്ര,​ ​കി​ളി​വാ​തി​ൽ,​ ​കേ​ശു​ ​എ​ന്നീ​ ​ചി​ത്ര​ങ്ങ​ൾ​ ​സം​വി​ധാ​നം​ ​ചെ​യ്യു​ക​യും​ ​ചെ​യ്തു.​ ​ഈ​ ​ചി​ത്ര​ങ്ങ​ളെ​ല്ലാം​ ​അ​വാ​ർ​ഡു​ക​ൾ​ ​വാ​രി​ക്കൂ​ട്ടി.​

1932​ ​മേ​യ് 14​ന് ​ഹ​രി​പ്പാ​ട് ​പ​ടീ​റ്റ​തി​ൽ​ ​ഗോ​പാ​ല​ ​പി​ള്ള​യു​ടേ​യും​ ​ഭ​വാ​നി​ ​അ​മ്മ​യു​ടേ​യും​ ​മ​ക​നാ​യി​ട്ടാ​ണ് ​ശി​വ​ശങ്കര​ൻ​ ​നാ​യ​രെ​ന്ന​ ​ശി​വ​ന്റെ​ ​ജ​ന​നം.​ ​പ​രേ​ത​യാ​യ​ ​ച​ന്ദ്ര​മ​ണി​ ​ശി​വ​നാ​ണ് ​ഭാ​ര്യ.​ ​ച​ല​ച്ചി​ത്ര​ ​സം​വി​ധാ​യ​ക​ൻ​ ​സം​ഗീ​ത് ​ശി​വ​ൻ,​ ​സം​വി​ധാ​യ​ക​നും​ ​ഛാ​യ​ഗ്രാ​ഹ​ക​നു​മാ​യ​ ​സ​ന്തോ​ഷ് ​ശി​വ​ൻ,​ ​സം​വി​ധാ​യ​ക​ൻ​ ​സ​‌​ഞ്ജീ​വ് ​ശി​വ​ൻ,​ ​സ​രി​താ​ ​രാ​ജീ​വ് ​എ​ന്നി​വ​ർ​ ​മ​ക്ക​ളും​ ​ജ​യ​ശ്രീ,​ ​ദീ​പ,​ ​ദീ​പ്തി,​രാ​ജീ​വ് ​എ​ന്നി​വ​ർ​ ​മ​രു​മ​ക്ക​ളു​മാ​ണ്.​ ​തി​രു​വ​ന​ന്ത​പു​ര​ത്തെ​ ​പ്ര​ശ​സ്ത​മാ​യ​ ​ശി​വ​ൻ​ ​സ്റ്റു​ഡി​യോ​യു​ടെ​ ​ഉ​ട​മ​യാ​ണ്.​