Malayalam
ആ ദു:ഖത്തില്‍ നിന്നും പതിയെ കരകയറി വരികയാണ് എല്ലാവരും, വിഷമഘട്ടത്തില്‍ കൂടെ നിന്ന് ഞങ്ങളെ ആശ്വസിപ്പിച്ച എല്ലാവരോടും നന്ദി പറയുന്നു; ലക്ഷ്മി ഗോപാലസ്വാമി
ആ ദു:ഖത്തില്‍ നിന്നും പതിയെ കരകയറി വരികയാണ് എല്ലാവരും, വിഷമഘട്ടത്തില്‍ കൂടെ നിന്ന് ഞങ്ങളെ ആശ്വസിപ്പിച്ച എല്ലാവരോടും നന്ദി പറയുന്നു; ലക്ഷ്മി ഗോപാലസ്വാമി
മലയാളികള്‍ക്ക് സുപരിചിതയായ നടിയാണ് ലക്ഷ്മി ഗോപാല സ്വാമി. നര്‍ത്തകി എന്ന നിലയിലും ലക്ഷ്മി ശ്രദ്ധേയയാണ്. അരയന്നങ്ങളുടെ വീട് എന്ന ചിത്രത്തിലൂടെയാണ് നടി അഭിനയ രംഗത്തേയ്ക്ക് എത്തിയത്. പിന്നീട് വളരെ പെട്ടന്ന് മലയാളിത്തമുള്ള, പക്വതയുള്ള സ്ത്രീ കഥാപാത്രമായി പ്രേക്ഷക മനസ്സില്‍ സ്ഥാനം ഉറപ്പിച്ചു. ആദ്യ സിനിമയിലൂടെ തന്നെ മികച്ച രണ്ടാമത്തെ നടിയ്ക്കുള്ള സംസ്ഥാന ചലച്ചിത്ര പുരസ്‌കാരവും ലക്ഷ്മി സ്വന്തമാക്കിയിരുന്നു.
പിന്നീടിങ്ങോട്ട് മോഹന്‍ലാല്‍, ജയറാം, മമ്മൂട്ടി തുടങ്ങി മുന്‍നിര നായകന്മാരുടെ എല്ലാം നായികയായി അഭിനയിച്ചു. ശക്തമായ സ്ത്രീകഥാപാത്രങ്ങളും നടിയെ തേടി എത്തി. ഇപ്പോഴും സിനിമകളില്‍ സജീവമാണ് താരം. സോഷ്യല്‍ മീഡിയയില്‍ വളരെ സജീവമായ താരം ഇടയ്ക്കിടെ തന്റെ ചിത്രങ്ങളും വിശേഷങ്ങളുെ എല്ലാം പങ്കുവെച്ച് എത്താറുണ്ട്. അവയെല്ലാം തന്നെ വളരെപ്പെട്ടെന്നാണ് വൈറലായി മാറുന്നതും.
ജീവിതത്തിലെ വലിയൊരു വിഷമഘട്ടത്തിലൂടെ കടന്നുപോവുകയാണ് ലക്ഷ്മി ഗോപാലസ്വാമി. അടുത്തിടെയായിരുന്നു താരത്തിന്റെ അമ്മയുടെ വിയോഗം. ലക്ഷ്മി തന്നെയാണ് ഈ ദുഃഖവാര്‍ത്ത സോഷ്യല്‍ മീഡിയയിലൂടെ ആരാധകരുമായി പങ്കുവെച്ചത്. അമ്മ പോയെന്നും കര്‍മ്മങ്ങള്‍ നടത്തിയെന്നും, എല്ലാവരും അമ്മയുടെ ആത്മശാന്തിക്കായി പ്രാര്‍ത്ഥിക്കണമെന്നും അറിയിച്ച് എത്തുകയായിരുന്നു താരം.
നവരാത്രി ആഘോഷങ്ങള്‍ക്കായുള്ള ഒരുക്കത്തിനിടയിലാണ് ലക്ഷ്മിക്ക് അമ്മയെ നഷ്ടമായത്. അമ്മ പോയതോടെ ഞങ്ങളെല്ലാം തകര്‍ന്നുവെന്ന് ലക്ഷ്മി അന്ന് കുറിച്ചിരുന്നു. സഹപ്രവര്‍ത്തകരും ആരാധകരുമെല്ലാം താരത്തെയും സഹോദരനെയും ആശ്വസിപ്പിക്കാനെത്തി. ഇപ്പോഴിതാ വലിയൊരു വേദനയെ അതിജീവിക്കുന്ന സമയത്ത് ആശ്വാസമായി നിന്നവരോട് നന്ദി പറഞ്ഞിരിക്കുകയാണ് ലക്ഷ്മി ഗോപാലസ്വാമി.
‘ഞങ്ങളുടെ ലോകം തന്നെ അവസാനിച്ചുവെന്നാണ് കരുതിയത്. നിശ്ചലമായി നില്‍ക്കുന്ന അവസ്ഥ മാറിവരികയാണ്. ആ ദു:ഖത്തില്‍ നിന്നും പതിയെ കരകയറി വരികയാണ് എല്ലാവരും. അമ്മയുടെ ആത്മശാന്തിക്ക് വേണ്ടിയുള്ള പ്രാര്‍ത്ഥന ഇനിയും തുടരണം. വിഷമഘട്ടത്തില്‍ കൂടെ നിന്ന് ഞങ്ങളെ ആശ്വസിപ്പിച്ച എല്ലാവരോടും നന്ദി പറയുന്നു. നല്ല വാക്കുകളും പ്രാര്‍ത്ഥനകളുമെല്ലാം ഞങ്ങള്‍ക്ക് വലിയൊരു ആശ്വാസമായിരുന്നു’ എന്നും എന്ന് ലക്ഷ്മി ഇന്‍സ്റ്റാഗ്രാമില്‍ കുറിച്ചു.
നടിയും നര്‍ത്തകിയുമായ ലക്ഷ്മിയെ കലാരംഗത്തേക്കു കൈപിടിച്ചു നടത്തിയത് കര്‍ണാടക സംഗീതത്തില്‍ പ്രാവീണ്യമുള്ള അമ്മയായിരുന്നു. നൃത്തപരിപാടികള്‍ക്കും ഷൂട്ടിങ്ങിനുമെല്ലാം ലക്ഷ്മിക്കു കൂട്ടുവന്നിരുന്ന അമ്മയെപ്പറ്റി അനുസ്മരണക്കുറിപ്പുകളില്‍ പലരും പറഞ്ഞിരുന്നു. ലക്ഷ്മിയുടെ അമ്മയെ പരിചയമുണ്ടെന്നും, ഈ വിയോഗം വിശ്വസിക്കാനാവുന്നതല്ലെന്നും, ശരിക്കും ഷോക്കായി എന്നുമാണ് നടി ശ്വേത മേനോന്‍ അടക്കമുള്ള താരങ്ങള്‍ കുറിച്ചത്. തന്റെ വളര്‍ച്ചയിലുടനീളം നെടുംതൂണായി നിന്നത് അമ്മയാണെന്ന് ലക്ഷ്മി പലപ്പോഴും പറഞ്ഞിട്ടുണ്ട്.
അടുത്തിടെ നൃത്തത്തിന് തന്റെ ജീവിതത്തിലുള്ള പങ്കിനെ പറ്റിയും ലക്ഷ്മി തുറന്നു പറഞ്ഞിരുന്നു. നൃത്തം ഉള്ളില്‍ തന്നെ ഉള്ളതാണ്. അത് എങ്ങും പോവില്ല. ഇടയ്ക്ക് ചില ഗ്യാപ്പൊക്കെ വന്നിരുന്നുവെങ്കിലും ഡാന്‍സില്ലാത്തൊരു ജീവിതത്തെക്കുറിച്ച് ആലോചിക്കാന്‍ പോലുമാവില്ലെന്ന് ലക്ഷ്മി പറയുന്നു. ഒരുപാട് ഗുരുക്കന്‍മാരുടെ കീഴില്‍ നൃത്തപഠനം നടത്താന്‍ ഭാഗ്യം ലഭിച്ചിട്ടുണ്ട്. വ്യത്യസ്തമായ കാര്യങ്ങളും ശൈലിയുമാണ് ഓരോരുത്തരും പഠിപ്പിച്ചത്. എന്റെ കണ്ണുകള്‍ അഡീഷണല്‍ അഡ്വാന്റേജായി തോന്നിയിട്ടുണ്ട്.
അത് ദൈവത്തിന്റെ സമ്മാനമാണ്. ഞാന്‍ എന്ത് ആലോചിച്ചാലും അത് എന്റെ കണ്ണുകളില്‍ വരും. ചെറിയ എക്‌സ്പ്രഷന്‍സിലൂടെ നമുക്ക് ഈസിയായി കമ്യൂണിക്കേറ്റ് ചെയ്യാന്‍ പറ്റും. വലിയ കണ്ണുകളായത് കൊണ്ട് ഞാന്‍ കുറച്ച് കാണിച്ചാലും സ്‌ക്രീനില്‍ അത് വലുതായി വരും. എക്‌സ്പ്രഷന്‍ ഉള്ളില്‍ നിന്ന് വരണം, അതാണ് കണ്ണുകളില്‍ പ്രതിഫലിക്കുന്നതെന്ന് വിശ്വസിക്കുന്നയാളാണ് ഞാന്‍.
അത് നമുക്ക് റിയലായി ചെയ്യുമ്പോള്‍ ഫീലാവും. ഡാന്‍സും അഭിനയവും പരസ്പരപൂരകങ്ങളാണ്. കുറേ വ്യത്യാസങ്ങളുമുണ്ട്. രണ്ടിലേക്കും ട്വിസ്റ്റ് ചെയ്യാന്‍ പറ്റണം. ഡാന്‍സ് ചെയ്യുമ്പോള്‍ ഓഡിയന്‍സിനെക്കുറിച്ചും പുറത്തേക്കുള്ള വഴികളും അവിടെയുള്ള ലൈറ്റ്, മ്യൂസിക്ക് സിസ്റ്റവുമെല്ലാം നമുക്ക് അറിയാന്‍ പറ്റും. അഭിനയമാവുമ്പോള്‍ കണ്ടിന്യൂറ്റി നിലനിര്‍ത്താന്‍ പറ്റണം.ഡാന്‍സില്‍ എനിക്കൊരു ഡിസിപ്ലിനുണ്ടായിരുന്നു. സിനിമയില്‍ അഭിനയിക്കാന്‍ പോയപ്പോള്‍ അതെനിക്ക് ഗുണകരമായിരുന്നു. കൃത്യസമയം പാലിക്കാനും, വേണ്ടത്ര തയ്യാറെടുപ്പുകള്‍ നടത്താനുമെല്ലാം എനിക്ക് കഴിഞ്ഞു. ഇപ്പോള്‍ വളരെ സന്തോഷത്തോടെയും സമാധാനത്തോടെയുമാണ് ജീവിതം മുന്നോട്ട് പോവുന്നത് എന്നും താരം പറഞ്ഞു.
