എല്ലാ ക്രെഡിറ്റും മമ്മൂട്ടിക്ക് മാത്രമാണ് !! മനസ്സ് തുറന്ന് ഷംന കാസിം…

എല്ലാ ക്രെഡിറ്റും മമ്മൂട്ടിക്ക് മാത്രമാണ് !! മനസ്സ് തുറന്ന് ഷംന കാസിം…

മമ്മൂട്ടിയുടെ പുതിയ ചിത്രമായ ഒരു കുട്ടനാടൻ ബ്ലോഗ് റിലീസിന് ഒരുങ്ങുകയാണ്. ഹരി എന്ന തനി നാടൻ കുട്ടനാട്ടുകാരനായി മമ്മൂക്കയെത്തുന്ന ചിത്രം ഓണത്തിന് തിയ്യേറ്ററുകളിലെത്തും. പ്രശസ്‌ത തിരക്കഥാകൃത്ത് സേതു ആദ്യമായി സംവിധാനം ചെയ്യുന്ന ചിത്രമെന്ന പ്രത്യേകത കൂടി ഇതിനുണ്ട്. അനു സിത്താര, റായി ലക്ഷ്മി എന്നിവർക്കൊപ്പം ഷംന കാസിമും നായികാ പ്രാധാന്യമുള്ള ഒരു കഥാപാത്രത്തെ ഈ ചിത്രത്തിൽ അവതരിപ്പിച്ചിട്ടുണ്ട്.തന്റെ കഥാപാത്രത്തെ കുറിച്ച് പറയവെയാണ് മമ്മൂട്ടിയോട് തനിക്കുള്ള കടപ്പാടിനെ കുറിച്ച് ഷംന മനസ്സ് തുറന്നത്.

ചിത്രത്തിലേക്ക് ഷംന കാസിമിന്റെ പേര് നിർദ്ദേശിച്ചത് മമ്മൂട്ടിയായിരുന്നു. നീന എന്ന പൊലീസ് ഉദ്യോഗസ്ഥയുടെ വേഷത്തിലാണ് ഷംന ചിത്രത്തിലെത്തുന്നത്. വേഷം നിര്‍ദ്ദേശിക്കുക മാത്രമല്ല, നീനയെന്ന കഥാപാത്രത്തെ മനോഹരമാക്കുന്നതിനുള്ള എല്ലാ സഹായവും മമ്മൂട്ടി ചെയ്തിരുന്നു എന്നും ഷംന പറയുന്നു. അതിന്റെ എല്ലാ ക്രെഡിറ്റും മമ്മൂട്ടിക്ക് മാത്രമാണെന്നും താരം അഭിപ്രായപ്പെട്ടു.

മമ്മൂട്ടിയോടൊപ്പം അടുത്ത ചിത്രമായ മധുരരാജയിലും അഭിനയിക്കാൻ അവസരം കിട്ടിയ ത്രില്ലിലാണ് താരമിപ്പോൾ. കൂടെ അഭിനയിക്കുന്നവർക്ക് വലിയ സപ്പോർട്ട് നൽകുന്നയാളാണ് മമ്മൂട്ടിയെന്ന് ഇതിന് മുമ്പും പല നടീ നടന്മാരും പറഞ്ഞിട്ടുണ്ട്.

Actress Shamna Kasim about Mammotty