രാഖി സാവന്തിന്റെ മുന്‍ ഭര്‍ത്താവ് ആദില്‍ ഖാന്‍ ദുറാനി വീണ്ടും വിവാഹിതനായി; വധു ബിഗ് ബോസ് മത്സരാര്‍ത്ഥി

ബോളിവുഡ് നടി രാഖി സാവന്തിന്റെ മുന്‍ ഭര്‍ത്താവ് ആദില്‍ ഖാന്‍ ദുറാനി വീണ്ടും വിവാഹിതനായെന്ന് റിപ്പോര്‍ട്ട്. ബോളിവുഡ് ബിഗ് ബോസ് സീസണ്‍ 12ലെ മത്സരാര്‍ത്ഥിയായിരുന്ന സോമി ഖാനാണ് വധുവെന്നാണ് റിപ്പോര്‍ട്ടുകള്‍.

ജയ്പൂരിലാണ് ഇരുവരും വിവാഹിതരായത്. അതേസമയം സോമി ഖാനും സഹോദരി സബാ ഖാനും ബിഗ്‌ബോസ് 12 സീസണില്‍ ഒരുമിച്ച് പങ്കെടുത്തിരുന്നു. മാര്‍ച്ച് 2നായിരുന്നു വിവാഹമെന്നാണ് സൂചന. രഹസ്യമായ ചടങ്ങ് പെട്ടെന്നാണ് നടത്തിയതെന്നാണ് വിവരം.

നേരത്തെ ആദില്‍ ഖാനുമായി രഹസ്യമായി വിവാഹം കഴിച്ച് മതം മാറിയ രാഖി സാവന്ത് പിന്നീട് ഭര്‍ത്താവ് തന്നെ സാമ്പത്തികമായും അല്ലാതെയും വഞ്ചിച്ചെന്നും കാട്ടി രംഗത്തുവന്നിരുന്നു. പിന്നാലെ ഭര്‍ത്താവിനെതിരെ പീ ഡന പരാതിയും നല്‍കി. ആദിലിനെ പോലീസ് അറസ്റ്റ് ചെയ്ത് ജയിലിലാക്കിയിരുന്നു. ഈ കേസ് പുരോഗമിക്കുകയാണ്.