Connect with us

ഓരോ ചിത്രത്തിലും വസ്ത്രം മാറുന്നതേയുള്ളൂ, വേറെ മാറ്റമൊന്നും ഇല്ല; വേദനപ്പെടുത്തിയ കമന്റിന് പ്രതികരണവുമായി തപ്‌സി പന്നു !

Malayalam

ഓരോ ചിത്രത്തിലും വസ്ത്രം മാറുന്നതേയുള്ളൂ, വേറെ മാറ്റമൊന്നും ഇല്ല; വേദനപ്പെടുത്തിയ കമന്റിന് പ്രതികരണവുമായി തപ്‌സി പന്നു !

ഓരോ ചിത്രത്തിലും വസ്ത്രം മാറുന്നതേയുള്ളൂ, വേറെ മാറ്റമൊന്നും ഇല്ല; വേദനപ്പെടുത്തിയ കമന്റിന് പ്രതികരണവുമായി തപ്‌സി പന്നു !

തപ്‌സി പന്നു നായികയാകുന്ന ഹസീന്‍ ദില്‍റുപ എന്ന ചിത്രം വളരെ അധികം പ്രതീക്ഷയോടെയാണ് ഒ ടി ടിയില്‍ റിലീസ് ചെയ്തത്. എന്നാല്‍ പ്രതീക്ഷയ്ക്ക് വിപരീതമായി ചിത്രത്തിന് ചില നെഗറ്റീവ് റിവ്യു കിട്ടി. അത് തപ്‌സിയെ വല്ലാതെ അസ്വസ്തയാക്കുകയും ചെയ്തു . പൊതുവെ ഇത്തരത്തില്‍ മോശം റിവ്യുകള്‍ വരുന്നത് സ്വാഭാവികമാണ്. താരങ്ങള്‍ പലരും അതിനോട് പ്രതികരിക്കാറില്ല. എന്നാല്‍ ഹസീന്‍ ദില്‍റുപ എന്ന ചിത്രത്തിന് ലഭിച്ച നെഗറ്റീവ് കമന്റിനോട് തപ്‌സി പ്രതികരിക്കുകയുണ്ടായി.

സോഷ്യല്‍ മീഡിയയിലൂടെയായിരുന്നു നടിയുടെ പ്രതികരണം. സിനിമ നിരൂപണം സ്വാഭാവികമാണെന്നും എന്നാല്‍ വ്യക്തിപരം ആയിരിക്കരുത് എന്നും തപ്‌സി പറയുന്നു. ഒരു പ്രമുഖ ചാനലിന് നല്‍കിയ പ്രത്യേക അഭിമുഖത്തില്‍ സംസാരിക്കവെയാണ് ഇക്കാര്യത്തെ കുറിച്ച് നടി വ്യക്തമാക്കുകയുണ്ടായത്.

“വളരെ വ്യക്തിപരമായിട്ടാണ് ആ നിരൂപണങ്ങള്‍ ഉണ്ടായിരുന്നത്. എന്നാല്‍ ഞാനത് വ്യക്തിപരമായി എടുത്തിട്ടില്ല. എന്നെ വിമര്‍ശിക്കുന്നവര്‍ക്ക് എന്റെ സിനിമാ ജീവിതത്തെ കുറിച്ച് വ്യക്തമായ ധാരണ ഉണ്ടായിരിക്കണം. എന്റെ തുടക്കകാലത്ത് ലഭിച്ച ചില അവലോകനങ്ങള്‍ എന്നെ സിനിമ വിട്ട് പോകാന്‍ തന്നെ പ്രേരിപ്പിയ്ക്കും വിധമായിരുന്നു”

‘ഞാന്‍ എപ്പോഴും പറയാറുള്ളത് പോലെ, കൃത്യമായ അഭിനയ പരിശീലനം ലഭിച്ചിട്ടോ പാരമ്പര്യം ഉണ്ടായിട്ടോ സിനിമയില്‍ എത്തിയ ആളല്ല ഞാന്‍. അതുപോലെ ഞാന്‍ ഒരിക്കലും ഒരു മികച്ച അഭിനേത്രിയാണ് എന്ന് അവകാശപ്പെടുന്നും ഇല്ല. ഒരു സിനിമ ചെയ്യുമ്പോള്‍ ആ സിനിമയ്ക്ക് ഞാനാണ് ഏറ്റവും മികച്ച ചോയിസ് എന്നും പറയുന്നില്ല. സിനിമയില്‍ എത്തി, എന്റെ തെറ്റുകുറ്റങ്ങളോടെ തന്നെയാണ് പലതും പഠിച്ചത്”

എന്റെ സിനിമയെ കുറിച്ച് നിങ്ങള്‍ നിരൂപണം എഴുതുന്നത് തെറ്റല്ല. സിനിമയെ കുറിച്ച് നിങ്ങള്‍ക്ക് അഭിപ്രായം പറയാം. അതേ സമയം ഞാന്‍ എന്ന വ്യക്തിയെ കേന്ദ്രീകരിച്ച് പറയുമ്പോള്‍, അതും ഒരു ദേശീയ മാധ്യമത്തിലൂടെ പറയുമ്പോള്‍ അത് തീര്‍ത്തും വ്യക്തിപരം തന്നെയാണ്. അല്ലെങ്കില്‍ ആ നിരൂപണം അയാള്‍ക്ക് സ്വന്തം ബ്ലോഗിലൂടെ പറയാമായിരുന്നു.

നിങ്ങള്‍ക്ക് വേണമെങ്കില്‍ എന്റെ പെര്‍ഫോമന്‍സിനെ കുറിച്ച് വിമര്‍ശിക്കാം. അങ്ങനെ വിമര്‍ശിക്കപ്പെട്ട ചില പെര്‍ഫോമന്‍സില്‍ നിന്ന് ഒരു കരിയര്‍ ഉണ്ടാക്കി എടുത്ത ആളാണ് ഞാന്‍. എന്നാല്‍ തപ്‌സി ഓരോ ചിത്രത്തിലും വസ്ത്രം മാറുന്നതേയുള്ളൂ, വേറെ മാറ്റമൊന്നും ഇല്ല എന്ന് പറഞ്ഞത് വ്യക്തിപരമായ കുറ്റപ്പെടുത്തലാണ്. അതാണ് എന്നെ ആ സോഷ്യല്‍ മീഡിയ പോസ്റ്റ് ഇടാന്‍ പ്രേരിപ്പിച്ചത്. എന്നെ കുറിച്ച് സംസാരിക്കാന്‍ എനിക്ക് മാത്രമേ കഴിയൂ എന്ന് തോന്നി.

എന്നെ കുറിച്ചുള്ള അവലോകനങ്ങള്‍, അത് നല്ലത് ആയാലും ചീത്തയായാലും ഉള്‍ക്കൊള്ളാന്‍ ഞാന്‍ ശ്രമിച്ചിട്ടില്ല എന്ന് പറയരുത്. അങ്ങനെ അഭിപ്രായമുള്ളവര്‍ എന്റെ മുന്‍കാല സിനിമകള്‍ക്ക് വന്ന അഭിപ്രായങ്ങള്‍ കൂടെ നോക്കണം. വളരെ മോശം അഭിപ്രായങ്ങളാണ് വന്നിരുന്നത്. അതൊന്നും ഞാന്‍ ഉള്‍കൊണ്ടിരുന്നില്ല എങ്കില്‍ ഒരിക്കലും ഇന്ന് ഉള്ള നിലയില്‍ ഞാന്‍ എത്തുമായിരന്നില്ല. ഓരോ സിനിമ ചെയ്തു കഴിയുമ്പോഴും ഉള്ള വിമര്‍ശനങ്ങളില്‍ നിന്ന് പാഠങ്ങള്‍ പഠിച്ചാണ് ഞാന്‍ മുന്നോട്ട് പോകുന്നത്. ആ ഞാന്‍ എല്ലാ സിനിമകളിലും ഒരുപോലെയാണെന്നും തുണി മാറുന്നത് മാത്രമേ ഉള്ളൂ എന്നും പറഞ്ഞത് വേദനിപ്പിച്ചു- തപ്‌സി പറഞ്ഞു.

അതേസമയം തപ്പഡ് എന്ന സിനിമയിൽ മികച്ച അഭിനയം കാഴ്ച വെച്ച നായികയാണ് തപ്‌സി. ഒരു നായിക എന്ന ലേബലിൽ ഒതുങ്ങാതെ സമൂഹത്തിലെ പ്രശ്നങ്ങൾ ഗൗരവത്തോടെ വീക്ഷിക്കുകയും പലതിനും പ്രതികരണങ്ങൾ അറിയിച്ച് രംഗത്തുവരികയും ചെയ്യാറുണ്ട്. അതിനാൽ തന്നെ തപ്‍സിയ്ക്ക് നിരവധി എതിർപ്പുകളും സോഷ്യൽ മീഡിയയിൽ നിന്നും ഉണ്ടാകാറുമുണ്ട്.

about thapsi pannu

More in Malayalam

Trending

Recent

To Top