Malayalam
“ഇത് നേരത്തെ വന്നിരുന്നെങ്കില്‍ അന്ന് ഒരു അടി കുറഞ്ഞു കിട്ടിയേനെ” ,’റൂണി വര്‍ഗീസ് ഫ്രം പ്രേമം; ആ മൊബൈല്‍ ആപ്പ് വന്നപ്പോൾ പണ്ട് കിട്ടിയ അടി ഓർത്ത് അല്‍ഫോണ്‍സ് പുത്രന്‍!
“ഇത് നേരത്തെ വന്നിരുന്നെങ്കില്‍ അന്ന് ഒരു അടി കുറഞ്ഞു കിട്ടിയേനെ” ,’റൂണി വര്‍ഗീസ് ഫ്രം പ്രേമം; ആ മൊബൈല്‍ ആപ്പ് വന്നപ്പോൾ പണ്ട് കിട്ടിയ അടി ഓർത്ത് അല്‍ഫോണ്‍സ് പുത്രന്‍!
റോഡുകളെ പറ്റി പൊതുജനങ്ങള്‍ക്ക് പരാതി അറിയിക്കാനുള്ള മൊബൈല്‍ ആപ്പ് ശ്രദ്ധ നേടിയിരിക്കുകയാണ്. ഇതിനിടയിൽ ആപ്പിനെ പ്രശംസിച്ച് സംവിധായകന്‍ അല്‍ഫോണ്‍സ് പുത്രനും രംഗത്തുവന്നു . ‘ഇത് നേരത്തെ വന്നിരുന്നെങ്കില്‍ അന്ന് ഒരു അടി കുറഞ്ഞു കിട്ടിയേനെ, റൂണി ഫ്രം പ്രേമം,’ എന്ന് എഴുതി പൊതുമരാമത്ത് മന്ത്രി പി.എ മുഹമ്മദ് റിയാസിന്റെ ഫേസ്ബുക്ക് പോസ്റ്റ് അദ്ദേഹം പങ്കുവച്ചു . പുതിയ പദ്ധതിക്ക് എല്ലാവിധ ആശംസകള്‍ നേരുന്നതായും അദ്ദേഹം പറഞ്ഞു. നർമ്മത്തോടെയായാലും സർക്കാരിന്റെ പുതിയ സംവിധാനത്തെ പ്രശംസിക്കുകയാണ് അൽഫോൻസ് പുത്രൻ.
അല്‍ഫോണ്‍സ് പുത്രന്‍ സംവിധാനം ചെയ്ത പ്രേമം എന്ന സിനിമയില്‍ അദ്ദേഹം ചെയ്ത കഥാപാത്രത്തിന്റെ പേരാണ് റൂണി വര്‍ഗീസ്. സിനിമയില്‍ ഒരു രംഗത്തില്‍ ‘നീ റോഡ് നന്നാക്കേില്ലേ ഡാ’ എന്ന് പറഞ്ഞ് തല്ല് കിട്ടുന്ന രസകരമായ സംഭവത്തെയാണ് അദ്ദേഹം പോസ്റ്റില്‍ കോണ്ടുവന്നത്.
സംസ്ഥാനത്ത് പൊതുജനങ്ങള്‍ക്ക് റോഡുകളെ പറ്റി പരാതി അറിയിക്കാനുള്ള മൊബൈല്‍ സംസ്ഥാന സര്‍ക്കാര്‍ പ്രഖ്യാപിച്ചിരുന്നു. പൊതുമരാമത്ത് മന്ത്രി പി.എ മുഹമ്മദ് റിയാസ് ആണ് ഇക്കാര്യം അറിയിച്ചത്.
ജൂണ്‍ 7 മുതല്‍ ആപ്പ് ഗൂഗിള്‍ പ്ലേ സ്റ്റോറിലും ആപ്പിള്‍ സ്റ്റോറിലും ലഭ്യമാവുമെന്നും പൊതുമരാമത്ത് റോഡുകളുടെയും ആസ്തികളുടെയും ശാസ്ത്രീയമായ സംരക്ഷണത്തിനും കൃത്യമായ ധനവിനിയോഗത്തിനും വേണ്ടി നടപ്പിലാക്കുന്ന റോഡ് മെയെിന്റനന്‍സ് മാനേജ്‌മെന്റ് സിസ്റ്റത്തിന്റെ (ആര്.എം.എം.എസ്)ഭാഗമായാണ് പൊതുജനങ്ങള്‍ക്ക് പരാതി അറിയിക്കാനുള്ള ആപ്പ് ഒരുങ്ങുന്നതെന്നും മന്ത്രി പറഞ്ഞു.
‘റോഡുകളെ പറ്റിയുള്ള പരാതി ഇനിമുതല്‍ ആപ്പിലൂടെ അറിയിക്കാം. ആപ്പ് വഴി ലഭിക്കുന്ന പരാതികള്‍ എസ്.എം.എസ് വഴിയും ഇമെയില്‍ വഴിയും ബന്ധപ്പെട്ട റോഡ്‌സ് വിഭാഗം എഞ്ചിനീയര്‍മാരെ അറിയിക്കും. പരാതി പരിഹരിച്ചതിന് ശേഷം വിവരം ആപ്പില്‍ അപ്‌ഡേറ്റ് ചെയ്യും.
പരാതി നല്‍കിയവര്‍ക്ക് ആപ്പിലൂടെ തന്നെ തുടര്‍വിവരങ്ങള്‍ അറിയാന്‍ സാധിക്കും. റോഡുകളുടെ പരിപാലനം കൂടുതല്‍ ജനകീയമാക്കാന്‍ മൊബൈല്‍ ആപ്പിലൂടെ സാധിക്കുമെന്നാണ് പ്രതീക്ഷിക്കുന്നത്,’ റിയാസ് ഫേസ്ബുക്കില്‍ പറഞ്ഞു.
about alphons puthran
