കുറച്ചധികം കാലം കാത്തിരുന്നു ഇതൊന്നു കേൾക്കാൻ .. ഇരുപത്തഞ്ചുകാരനെ പോലെ തോന്നുന്നു – പിറന്നാൾ സർപ്രൈസിൽ മനം നിറഞ്ഞു കുഞ്ചാക്കോ ബോബൻ

മലയാള സിനിമയുടെ ചോക്ലേറ്റ് ഹീറോ ആണ് കുഞ്ചാക്കോ ബോബൻ . തന്റെ നാല്പത്തിമൂന്നാം പിറന്നാൾ വളരെ ആഘോഷപൂർവമാണ് കുഞ്ചാക്കോ കൊണ്ടാടിയത് . കാരണം കുഞ്ഞു പിറന്നതിന് ശേഷമുള്ള ആദ്യ പിറന്നാൾ ആയിരുന്നു ഇത്തവണ .

ഹാപ്പി ബര്‍ത്ത്‌ഡേ മൈ അപ്പാ എന്നെഴുതിയ കേക്കിന്റെ ചിത്രം പങ്കുവച്ചുകൊണ്ട് തന്റെ സന്തോഷം ആരാധകരുമായി പങ്കുവയ്ക്കുകയാണ് ചാക്കോച്ചന്‍. കുറച്ചധികം കാലം ഈ വാക്കുകള്‍ കേള്‍ക്കാനായി കാത്തിരുന്നു എന്നാണ് ചിത്രത്തോടൊപ്പം താരം കുറിച്ചിരിക്കുന്നത്.

പിറന്നാള്‍ ആശംസകള്‍ നേരുകയും പ്രാര്‍ത്ഥിക്കുകയും ചെയ്ത ആരാധകര്‍ക്ക് നന്ദിപറഞ്ഞ താരം 25കാരനെപ്പോലെ തോന്നുന്നു എന്ന ഹാഷ്ടാഗും ചേര്‍ത്തിട്ടുണ്ട്.

പതിനാല് വര്‍ഷത്തെ കാത്തിരിപ്പിനൊടുവിലാണ് കുഞ്ചാക്കോ ബോബനും പ്രിയയ്ക്കും ആണ്‍കുഞ്ഞ് പിറക്കുന്നത്. കുഞ്ഞില്ലാതിരുന്ന ഈ വര്‍ഷങ്ങളിലെല്ലാം തങ്ങള്‍ അനുഭവിച്ച മാനസിക പ്രയാസം എത്ര വലുതാണെന്ന് പ്രിയയും ചാക്കോച്ചനും പല അഭിമുഖങ്ങളിലും വ്യക്തമാക്കിയിരുന്നു.

kunjacko boban about birthday celebration