മതപരിവര്‍ത്തനങ്ങളുടെ അവിശുദ്ധകൂട്ടുകെട്ടിനെ തുറന്നുകാട്ടുന്ന ചിത്രമാണ് ‘കേരള സ്റ്റോറി’യെന്ന് കേന്ദ്ര വാര്‍ത്താവിതരണ പ്രക്ഷേപണമന്ത്രി അനുരാഗ് ഠാക്കൂര്‍. ആഗോളഭീകരതയുടെ അപകടകരമായ ഗൂഢാലോചന ഒഴിവാക്കാന്‍ ഓരോ സഹോദരിമാരും ഈ സിനിമ കാണണമെന്നും സിനിമ കണ്ടശേഷം അദ്ദേഹം പ്രതികരിച്ചു.
സത്യത്തെ അവതരിപ്പിക്കാനുള്ള ശ്രമമാണ് കേരള സ്‌റ്റോറിയെന്നും ചിത്രം ഭീകരതയ്‌ക്കെതിരായ പോരാട്ടത്തില്‍ ഇന്ത്യയില്‍ അനുകൂലതരംഗം സൃഷ്ടിക്കുമെന്നും മന്ത്രി പറഞ്ഞു. സിനിമ നിരോധിച്ചതിലൂടെ ബംഗാളിലെ സഹോദരിമാരോടും പെണ്‍മക്കളോടും മമത അനീതികാണിച്ചെന്നും അനുരാഗ് ഠാക്കൂര്‍ ആരോപിച്ചു.
വിവാദമായ ‘ദി കേരള സ്റ്റോറി’ യുടെ പ്രദര്‍ശനം പശ്ചിമബംഗാള്‍ സര്‍ക്കാര്‍ കഴിഞ്ഞ ദിവസം നിരോധിച്ചിരുന്നു. മുഖ്യമന്ത്രി മമതാ ബാനര്‍ജിയാണ് ഇതുസംബന്ധിച്ച് ഉത്തരവിറക്കിയത്. ഏതെങ്കിലും തിയേറ്ററുകള്‍ ചലച്ചിത്രം പ്രദര്‍ശിപ്പിച്ചാല്‍ കര്‍ശനനടപടിയുണ്ടാകുമെന്ന് അധികൃതര്‍ അറിയിച്ചു. കേരളത്തെ മോശമായി കാണിക്കാന്‍ ഗൂഢോദ്ദേശ്യത്തോടെ ചിത്രീകരിച്ചതാണ് ഈ സിനിമയെന്ന് മുഖ്യമന്ത്രി മമതാ ബാനര്‍ജി അഭിപ്രായപ്പെട്ടു.
‘അവര്‍ എന്തിനാണ് കശ്മീര്‍ ഫയല്‍സ് എന്ന സിനിമ ഒരുക്കിയത്? ഒരുവിഭാഗത്തെ അപമാനിക്കാന്‍… എന്താണ് ഈ കേരള ഫയലുകള്‍? കശ്മീരികളെ അപലപിക്കാന്‍ അവര്‍ കശ്മീര്‍ ഫയല്‍സ് തയ്യാറാക്കി, ഇപ്പോഴിതാ കേരളത്തെയും അപകീര്‍ത്തിപ്പെടുത്തുന്നു. ഓരോദിവസവും പുതിയ വ്യാഖ്യാനത്തിലൂടെ അവര്‍ ദിവസവും അപമാനിക്കുന്നു” മമതാ ബാനര്‍ജി പറഞ്ഞു.
ഇനി ബംഗാളിനെയും അപകീര്‍ത്തിപ്പെടുത്താനാണ് നീക്കം. ‘സേവ് ബംഗാള്‍’ എന്നെഴുതി പോസ്റ്ററുകള്‍ പതിച്ചതായി അറിഞ്ഞു. ബംഗാളില്‍ എന്താണ് സംഭവിച്ചത്? ഇത് സമാധാനം പുലരുന്ന, സമാധാനം ഇഷ്ടപ്പെടുന്ന സംസ്ഥാനമാണ്. എന്തിനാണ് ബി.ജെ.പി. വര്‍ഗീയരാഷ്ട്രീയം പിന്തുടര്‍ന്ന് രാജ്യത്ത് അശാന്തി പടര്‍ത്തുന്നതെന്നും മമത ചോദിച്ചു.
മാളികപ്പുറം സിനിമയെ കുറിച്ചുള്ള സംവിധായിക വിധു വിൻസന്റിന്റെ വിമർശനം സമൂഹമാദ്ധ്യമങ്ങളിൽ ചർച്ചയാകുന്നു. മാളികപ്പുറം പോലൊരു സിനിമ ഇവിടെ വരാനും ആഘോഷിക്കപ്പെടാനും കാരണമായത്...
മമ്മൂട്ടിയുടെ പുഴു എന്ന ചിത്രവും അതിലെ കഥാപാത്രങ്ങളുമൊക്കെ സോഷ്യല്‍ മീഡിയയില് പുതിയ ചര്ച്ചകള്ക്കും വിവാദങ്ങള്ക്കും വഴിയൊരുക്കിയിരിക്കുകയാണ്. 2022-ല് പുറത്തിറങ്ങിയ മമ്മൂട്ടി ചിത്രമാണ്...
ബിഗ് ബോസ് മലയാളം സീസൺ ആറ് പത്താമത്തെ ആഴ്ചയിലേക്കു കടന്നിരിക്കുകയാണ്. ബിഗ് ബോസ് മലയാളം സീസണ് 6 ലെ പ്രധാനപ്പട്ടതും ശക്തരുമായ...
അഭിനയത്തിന്റെ കാര്യത്തില് ഇന്ത്യയില്‍ തന്നെ ശ്രദ്ധേയമായ നേട്ടങ്ങള് കൈവരിച്ചിട്ടുള്ള നടിമാരുള്ള നാടാണ് നമ്മുടേത്. തമിഴും തെലുങ്കും കന്നഡയും ഉള്പ്പെടുന്ന തെന്നിന്ത്യന് ഭാഷകളില്...
അനുഷ്‌ക ഷെട്ടി ഒരു സിനിമ നിര്മാതാവിനെ വിവാഹം ചെയ്യാന് പോവുകയാണെന്ന തരത്തിലുള്ള വാര്ത്തകളാണ് ഇപ്പോൾ പുറത്തുവരുന്നത്. കന്നട സിനിമ ഇന്ഡസ്ട്രിയില് നിന്നുള്ള...
