യുവതിയോട് ഫോണിൽ അശ്ലീലപരാമർശം നടത്തിയ കേസിൽ നടൻ വിനായകൻ കോടതിയിൽ ഹാജരായി!

യുവതിയോട് ഫോണിൽ അശ്ലീലപരാമർശം നടത്തിയ കേസിൽ നടൻ വിനായകൻ കോടതിയിൽ ഹാജരായി. ഇന്നുരാവിലെയാണ് അദ്ദേഹം കൽപ്പറ്റ ജില്ലാ സെഷൻസ് കോടതിയിൽ ജാമ്യമെടുക്കാനായി എത്തിയത്.കോട്ടയം പാമ്പാടി സ്വദേശിയായ യുവതിയാണ് വിനായകനെതിരെ പരാതി നൽകിയത്.

കൽപ്പറ്റയിൽ വച്ച് വിനായകനെ ഫോണിൽ വിളിച്ചപ്പോൾ നടൻ അപമാനിക്കുകയും അശ്ളീലം പറയുകയും ചെയ്തുവെന്നായിരുന്നു പരാതി. സംഭവം നടന്ന സ്ഥലമായതിനാലാണ് കൽപ്പറ്റ പൊലീസ് കേസെടുത്തത്. തുടർന്ന് കൽപ്പറ്റ പൊലീസ് സ്റ്റേഷനിൽ നേരിട്ട് ഹാജരായ വിനായകനെ അറസ്റ്റുചെയ്തശേഷം ജാമ്യത്തിൽ വിട്ടിരുന്നു.

നാലുമാസത്തോളം നീണ്ട അന്വേഷണത്തിനുശേഷം അന്വേഷണസംഘം കോടതിയിൽ കുറ്റപത്രം സമർപ്പിക്കുകയും ചെയ്തു. യുവതിയോട് താൻ മോശമായി സംസാരിച്ചെന്ന് നടൻ സമ്മതിച്ചെന്ന് കുറ്റപത്രത്തിൽ വ്യക്തമാക്കിയിട്ടുണ്ട്. വിനായകനെതിരെ ഒരു വർഷം വരെ തടവുശിക്ഷ ലഭിക്കാവുന്ന കുറ്റങ്ങളാണ് ചുമത്തിയിരിക്കുന്നത്.

about Vinayakan