ബിഗ് ബോസ് മലയാളം സീസണ്‍ ഫൈവിലെ ശക്തയായ മത്സരാര്‍ഥിയാണ് റെനീഷ റഹിമാനും. ബിഗ് ബോസ് ഹൗസിലെ നിരവധി ടാസ്‍കുകളില്‍ മികച്ച പ്രകടനം നടത്തിയിരുന്നു റെനീഷ റഹിമാൻ ഇപ്പോഴിതാ ലാലേട്ടന്റെ ഒരു കൈയ്യിൽ എന്റെ കൈ പിടിച്ച നിമിഷമാണ് ജീവിതത്തിലെ ഏറ്റവും ഭാഗ്യമേറിയ നിമിഷമെന്ന് റെനീഷ. ബിഗ് ബോസിലെ ഫസ്റ്റ് റണ്ണർ അപ്പുകൂടിയായ റെനീഷ ഷോയിൽ നിന്നും ഇറങ്ങിയ ശേഷം പ്രതികരിക്കുകയായിരുന്നു. ഷോയ്ക്കുള്ളിൽ സൗഹൃദം വിനയായോ എന്ന ചോദ്യത്തിനോടും,അഞ്ചു റോഷിന്റെ പ്രണയാഭ്യര്ഥനയെ കുറിച്ചും റെനീഷ പറയുന്നു.
എവിടെ പോയാലും നല്ല സൗഹൃദങ്ങൾ കിട്ടാറുണ്ട്. അതേപോലെ തന്നെ ബിഗ് ബോസിൽ പോയപ്പോഴും എനിക്ക് സൗഹൃദങ്ങൾ കിട്ടി. അവിടെ ഒറ്റക്ക് നിന്നും മത്സരിക്കണം എന്ന് അറിയാമായിരുന്നു എങ്കിലും നമ്മളൊക്കെ മനുഷ്യർ അല്ലെ, നമ്മൾ കണക്ട് ആയി പോയി. അങ്ങനെ ആണ് കൂടുതൽ സൗഹൃദങ്ങൾ ഉണ്ടാകുന്നത്.
അഞ്ജുവിനുള്ളത് ഒരു ഗേൾ ഫ്രണ്ടാണ്. എന്റെ ഫ്രണ്ട്സ് സർക്കിളിൽ അങ്ങനെ ഉള്ള ആരും ഇല്ല. അപ്പോൾ എങ്ങനെ ഡീൽ ചെയ്യണം എന്ന് അറിയില്ലായിരുന്നു. അഞ്ജുവിനു അത് മനസ്സിലാവുകയും ചെയ്തു. ഇത് എങ്ങനെ ആകും പുറത്തേക്ക് പോവുക, വീട്ടുകാർ എങ്ങനെ ആകും ഇതിനെ ഉൾക്കൊള്ളുക എന്നൊക്കെയുള്ള ഒരുപാട് ചിന്തകൾ മനസ്സിലേക്ക് വന്നു.അവിടെ ഉള്ളവർ എല്ലാവരും കാലത്തിനൊത്ത് സഞ്ചരിക്കുന്നവരാണ്. എനിക്ക് അത് അറിയില്ലായിരുന്നു. അഞ്ജു എപ്പോഴും പാർട്ണറിനെ കുറിച്ച് പറയുമായിരുന്നു. എന്റെ സ്വഭാവം ആണ് അവൾക്കെന്നും പറഞ്ഞിരുന്നു. അതൊക്കെ കൊണ്ട് ഇഷ്ടം തോന്നി.
ഞാൻ ആഗ്രഹിക്കുന്നത് ഇവിടെ നിന്നും കിട്ടുന്ന സൗഹൃദങ്ങൾ ജീവിതത്തിലേക്കും പകർത്തണം എന്നായിരുന്നു എന്റെ ആഗ്രഹം. എന്നാൽ അഞ്ജുവിന് അങ്ങനെ ആയിരുന്നില്ല- ബിഹൈൻഡ് വുഡ്സിനോട് റെനീഷ പറഞ്ഞു.
നൂറുദിവസം മാത്രമേ ഈ ബന്ധം ഉണ്ടാകൂ എന്ന് അഞ്ചൂസ് പറഞ്ഞപ്പോൾ ഇത് വെറും സ്ട്രാറ്റജി ആണോ എന്ന് എനിക്ക് തോന്നി. അത് ഞാൻ അഞ്ജുവിനോട് പറയുകയും ചെയ്തു.
എനിക്ക് ട്രാൻസ് പേഴ്സൺ ഫ്രണ്ടായി കിട്ടിയത് നാദിറയെ ആണ്. എങ്ങനെയാണ് അവരെ ഡീൽ ചെയ്യുന്നത് എന്ന് എനിക്ക് അറിയില്ലായിരുന്നു.എനിക്ക് ഒരു ഇഷ്ടം ഉണ്ടെന്ന് അഞ്ജുവിനു അറിയുകയും ചെയ്യാം. പിന്നെയും ഇഷ്ടം പറയുമ്പോൾ അത് എന്താണ് എന്ന് അറിയില്ലായിരുന്നു. എന്തിഷ്ട്ടം ആണെന്ന് തിരിച്ചറിഞ്ഞില്ലെന്നും റെനീഷ പറയുന്നു
