വിഷമഘട്ടങ്ങളിലെല്ലാം എന്നെ പിന്തുണച്ച വ്യക്തിയാണ് ജീജാന്റി, ഒരുപാട് ചാരിറ്റി പ്രവര്‍ത്തനളൊക്കെ നടത്തുന്നുണ്ട്; അമ്പിളി ദേവി പറയുന്നു

മലയാളികളുടെ ഇഷ്ടതാരമാണ് അമ്പിളി ദേവി. നടൻ ആദിത്യൻ ജയനുമായുള്ള ദാമ്പത്യജീവിതവും വേർപിരിയലുമെല്ലാം വലിയ വിവാദങ്ങൾ സൃഷ്ടിച്ചിരുന്നു. ഇപ്പോൾ തന്റെ രണ്ട് മക്കൾക്കൊപ്പം ജീവിതത്തിലേക്ക് തിരിച്ചുവരികയാണ് താരം. യൂട്യൂബ് ചാനലിലൂടെയും താരം വിശേഷങ്ങള്‍ പങ്കിടാറുണ്ട്. ഇപ്പോഴിതാ 2023 ലെ ആദ്യ അവാര്‍ഡിന്റെ വിശേഷങ്ങള്‍ പങ്കിട്ടെത്തിയിരിക്കുകയാണ് താരം.

എനിക്കൊരുപാട് സന്തോഷമുള്ള ദിവസമാണ്. നമ്മുടെയെല്ലാം പ്രിയങ്കരനായ കലാഭവന്‍ മണിച്ചേട്ടന്റെ പേരിലുള്ള അവാര്‍ഡ് എനിക്ക് ലഭിച്ചു. സൂര്യ ടിവിയില്‍ സംപ്രേഷണം ചെയ്തുവരുന്ന കനല്‍പ്പൂവിലെ കാവേരിയെന്ന കഥാപാത്രത്തിലൂടെയായാണ് ഈ അംഗീകാരം തേടിയെത്തിയത്. ജനപ്രിയ നായികയ്ക്കുള്ള പുരസ്‌കാരമാണ് ലഭിച്ചിട്ടുള്ളത്. ഈയൊരു നേട്ടത്തിലേക്ക് എന്നെ എത്തിച്ച എല്ലാ പ്രേക്ഷകര്‍ക്കും നന്ദി.

മക്കള്‍ക്കും അച്ഛനും അമ്മയ്ക്കുമൊപ്പമായാണ് അമ്പിളി ദേവി അവാര്‍ഡ് സ്വീകരിക്കാനായെത്തിയത്. മണിച്ചേട്ടന്റെ പേരിലുള്ള പുരസ്‌കാരം ലഭിച്ചതിലും ഇതിനായി തന്നെ നിര്‍ദേശിച്ചവര്‍ക്കും നന്ദി പറയുന്നു. വിഷമഘട്ടങ്ങളിലെല്ലാം എന്നെ പിന്തുണച്ച വ്യക്തിയാണ് ജീജാന്റി. ഒരുപാട് ചാരിറ്റി പ്രവര്‍ത്തനങ്ങള1ക്കെ നടത്തുന്നുണ്ട്. കനല്‍പ്പൂവിലെ കഥാപാത്രത്തെ വിശ്വസിച്ച് എന്നെ ഏല്‍പ്പിച്ച അണിയറപ്രവര്‍ത്തകരോടെല്ലാം നന്ദി അറിയിക്കുന്നു. ഒരുപാട് കാലങ്ങള്‍ക്ക് ശേഷം ലഭിച്ച പുരസ്‌കാരമാണ് ഇതെന്നും അമ്പിളി ദേവി പറഞ്ഞിരുന്നു. എന്റെ മക്കളും അച്ഛനും അമ്മയുമൊന്നും സപ്പോര്‍ട്ട് ചെയ്തില്ലെങ്കില്‍ എനിക്കീയൊരു കഥാപാത്രത്തെ അവതരിപ്പിക്കാനാവില്ല. ഇനിയും എല്ലാവരുടേയും പിന്തുണ കൂടെയുണ്ടാവണമെന്നുമായിരുന്നു അമ്പിളി പറഞ്ഞത്.

നിരവധി പേരായിരുന്നു വീഡിയോയ്ക്ക് താഴെയായി കമന്റുകളുമായെത്തിയത്. ഇനിയും ഉയരങ്ങളില്‍ എത്തട്ടെ. അമ്പിളി മോളും കുടുംബവും നന്നായി വരും. ജീവിതത്തില്‍ എന്നും ഉയര്‍ച്ചകള്‍ ഉണ്ടാവട്ടെ. ഇടയ്ക്ക് ഡേ ഇന്‍ മൈ ലൈഫ് വീഡിയോ ഒക്കെ ചെയ്തൂടേ തുടങ്ങി നിരവധി കമന്റുകളാണ് വീഡിയോയ്ക്ക് താഴെയുള്ളത്.