എല്ലാ മുന്‍കരുതലുകള്‍ സ്വീകരിച്ചിട്ടും തനിക്ക് പോസിറ്റീവ് ആയി; ശ്രുതി ഹാസന് കൊവിഡ് 19 സ്ഥിരീകരിച്ചു

കമല്‍ ഹാസന്റെ മകളും നടിയുമായ ശ്രുതി ഹാസന് കൊവിഡ് 19 സ്ഥിരീകരിച്ചു. എല്ലാ സുരക്ഷാ നടപടികളും പാലിച്ചിട്ടും തനിക്ക് കോവിഡ് പിടിപ്പെട്ട വിവരം താരം തന്നെയാണ് ആരാധകരെ അറിയിച്ചത്. നടി ഇന്‍സ്റ്റാഗ്രാമില്‍ എത്തിയായിരുന്നു ഈ വിവരം അറിയിച്ചത്. തിരിച്ചുവരാന്‍ ഒരുപാട് കാത്തിരിക്കാനാവില്ലെന്നും നടി എഴുതി.

സോഷ്യല്‍ മീഡിയയില്‍ വളരെ സജീവമായ താരം ഇടയ്ക്കിടെ തന്റെ ചിത്രങ്ങളും വിശേഷങ്ങളും എല്ലാം തന്നെ പങ്കുവെച്ച് എത്താറുണ്ടായിരുന്നു. അവയെല്ലാം തന്നെ വളരെപ്പെട്ടെന്നുമാണ് വൈറലായി മാറുന്നതും. നിരവധി പേരാണ് താരത്തെ പിന്തുടരുന്നത്. ഇന്നാണ് താരം കോവിഡ് പോസിറ്റീവായ വവിരം അറിയിച്ചത്.

ആമസോണ്‍ പ്രൈം വീഡിയോ സീരീസായ ബെസ്റ്റ് സെല്ലറിലാണ് ശ്രുതി ഹാസന്‍ അവസാനമായി അഭിനയിച്ചത്. മിഥുന്‍ ചക്രവര്‍ത്തി, ശ്രുതി ഹാസന്‍, അര്‍ജന്‍ ബജ്വ, ഗൗഹര്‍ ഖാന്‍, സത്യജീത് ദുബെ, സൊനാലി കുല്‍ക്കര്‍ണി എന്നിവരും അഭിനയിച്ചു.

സിനിമകളെ സംബന്ധിച്ചിടത്തോളം, പ്രഭാസിനൊപ്പം സലാറിലാണ് ശ്രുതി അടുത്തതായി അഭിനയിക്കുന്നത്. സംവിധായകന്‍ പ്രശാന്ത് നീല്‍ സംവിധാനം ചെയ്യുന്ന ചിത്രത്തില്‍ ജഗപതി ബാപ്പുവും അഭിനയിക്കുന്നു. സംവിധായകന്‍ ഗോപിചന്ദ് മലിനേനിക്കൊപ്പം നന്ദമുരി ബാലകൃഷ്ണയുടെ വരാനിരിക്കുന്ന ചിത്രത്തിലും ശ്രുതി ഉണ്ട്.