പുതിയ ലുക്കിനായുള്ള ശ്രമം; സ്വാസികയുടെ ചിത്രങ്ങൾ വൈറലാകുന്നു

നാടൻ ലുക്ക് മാറ്റിപ്പിടിച്ച് നടി സ്വാസിക. താരത്തിന്റെ പുതിയ ഫോട്ടോ ഷൂട്ട് ചിത്രങ്ങൾ വൈറലാകുന്നു. പ്രമുഖ ഫാഷൻ ഫോട്ടോഗ്രാഫർ അർഷലാണ് ചിത്രം പകർത്തിയത് .പുതിയ ലുക്കിനായുള്ള ശ്രമം’ എന്ന ക്യാപ്ഷനോടെയാണ് താരം ചിത്രങ്ങൾ സമൂഹമാധ്യമങ്ങളിൽ പങ്കു വച്ചിരിക്കുന്നത്.

സാരിയണിഞ്ഞാണ് പുതിയ ഫോട്ടോഷൂട്ടിൽ സ്വാസിക എത്തുന്നതെങ്കിലും നാടൻ ലുക്ക് വിട്ട് മോഡേൺ ആയിട്ടുണ്ട് താരം എന്നാണ് ആരാധകർ പറയുന്നത്.

സിനിമയിലൂടെയാണ് അഭിനയരംഗത്തെത്തിയതെങ്കിലും ടെലിവിഷൻ പരമ്പരകളാണ് സ്വാസികയ്ക്ക് ജനപ്രീതി നേടിക്കൊടുത്തത്. പൊറിഞ്ചു മറിയം ജോസ്, ഇട്ടിമാണി മെയ്ഡ് ഇൻ ചൈന തുടങ്ങിയ വിജയചിത്രങ്ങളിലും സ്വാസിക പ്രധാന കഥാപാത്രങ്ങളെ അവതരിപ്പിച്ചിട്ടുണ്ട്.