Connect with us

തലയിൽ എണ്ണയൊക്കെ ഇട്ട് മസാജ് ചെയ്ത് തരും, രാത്രിയിൽ ഞങ്ങളിങ്ങനെ കെട്ടിപ്പിടിച്ച് കിടക്കും, ഭയങ്കരമായിട്ട് അമ്മയെ ഞാൻ മിസ് ചെയ്യുന്നുണ്ട്; സ്വാസിക വിജയ്

Malayalam

തലയിൽ എണ്ണയൊക്കെ ഇട്ട് മസാജ് ചെയ്ത് തരും, രാത്രിയിൽ ഞങ്ങളിങ്ങനെ കെട്ടിപ്പിടിച്ച് കിടക്കും, ഭയങ്കരമായിട്ട് അമ്മയെ ഞാൻ മിസ് ചെയ്യുന്നുണ്ട്; സ്വാസിക വിജയ്

തലയിൽ എണ്ണയൊക്കെ ഇട്ട് മസാജ് ചെയ്ത് തരും, രാത്രിയിൽ ഞങ്ങളിങ്ങനെ കെട്ടിപ്പിടിച്ച് കിടക്കും, ഭയങ്കരമായിട്ട് അമ്മയെ ഞാൻ മിസ് ചെയ്യുന്നുണ്ട്; സ്വാസിക വിജയ്

മലയാളികൾക്കേറെ സുപരിചിതയാണ് സ്വാസിക വിജയ്. ഇപ്പോൾ മിനിസ്‌ക്രീനിലും ബിഗ്‌സ്‌ക്രീനിലും തിളങ്ങി നിൽക്കുകയാണ് താരം. സോഷ്യൽ മീഡിയയിൽ വളരെ സജീവമായ താരം പങ്കുവെയ്ക്കാറുള്ള വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്. ഇപ്പോഴിതാ ഇത്തരത്തിൽ താരം പങ്കുവെച്ച വീഡിയോയാണ് വൈറലായി മാറുന്നത്.

തമിഴ് സിനിമയുടെ ഷൂട്ടിംഗിന്റെ ഭാഗമായി കോയമ്പത്തൂരിലാണ് നടി സ്വാസിക ഇപ്പോഴുള്ളത്. അമ്മയില്ലാതെ ഒറ്റയ്ക്ക് ഷൂട്ടിന് എത്തിയപ്പോഴുള്ള അനുഭവത്തെ കുറിച്ചാണ് സ്വാസിക പറയുന്നത്. സ്വന്തം യൂട്യൂബ് ചാനലിലൂടെയാണ് സ്വാസിക സംസാരിച്ചത്. അമ്മയെ ഭയങ്കരമായി മിസ് ചെയ്യുന്നുണ്ട്. എല്ലാ ലൊക്കേഷനുകളിലും യാത്രകളിലും അമ്മ ഒപ്പം ഉണ്ടാവാറുണ്ട്. പക്ഷെ അമ്മയ്ക്ക് കാലിന് പരിക്കുപറ്റിയതിനാൽ വിശ്രമത്തിലാണ് എന്നാണ് സ്വാസിക പറയുന്നത്.

ഷൂട്ടില്ലാതെ റൂമിൽ ഇരിക്കുന്ന സമയത്ത് എനിക്ക് അമ്മയെ ഭയങ്കരമായി മിസ് ചെയ്യുന്നുണ്ട്. എത്രയോ വർഷമായി യാത്രകളിലും ലൊക്കേഷനിലുമെല്ലാം അമ്മ എനിക്കൊപ്പമുണ്ടായിരുന്നു. ഒറ്റയ്ക്കിരിക്കുമ്പോൾ അമ്മയും കൂടെ ഉണ്ടായിരുന്നുവെങ്കിൽ എന്ന് തോന്നാറുണ്ട്. രാവിലെ തന്നെ എണീക്കുമ്പോൾ ഭക്തിഗാനമൊക്കെ കേൾക്കാം. എനിക്ക് വേണ്ട ചായയൊക്കെ റെഡിയാക്കി തരും.

പിന്നെ ഞങ്ങളൊന്നിച്ച് ടിവി കാണും. ഞങ്ങൾ രണ്ടാൾക്കും ഒരുപോലെ ഇഷ്ടമുള്ള ചില പരിപാടികളുണ്ട്. അതൊക്കെ ഞങ്ങളൊന്നിച്ച് കാണും. മെനു നോക്കി വെറൈറ്റി ഫുഡ് ഓർഡർ ചെയ്യും. ഞാൻ ജിമ്മിൽ പോയാലും അമ്മ റൂമിൽ തന്നെയായിരിക്കും. തലയിൽ എണ്ണയൊക്കെ ഇട്ട് മസാജ് ചെയ്ത് തരും. രാത്രിയിൽ ഞങ്ങളിങ്ങനെ കെട്ടിപ്പിടിച്ച് കിടക്കും.

ഭയങ്കരമായിട്ട് അമ്മയെ ഞാൻ മിസ് ചെയ്യുന്നുണ്ട്. പക്ഷേ, ഞാൻ ഇതേ കുറിച്ച് അമ്മയോട് പറഞ്ഞിട്ടില്ല. കാലിനൊരു പരുക്കുപറ്റി വിശ്രമത്തിലാണ് അമ്മ. ഒരു വർഷം മുമ്പായിരുന്നു പരുക്കുപറ്റിയത്. അതേത്തുടർന്ന് സർജറി ചെയ്തു, കമ്പിയിട്ടു, ഇപ്പോൾ അത് മാറ്റി. യാത്ര ചെയ്യാൻ തീരെ പറ്റാത്തത് കൊണ്ടാണ് എന്റെ കൂടെ വരാത്തത്. അല്ലെങ്കിൽ അമ്മ കൂടെ വന്നേനെ. മറ്റെന്ത് പ്രശ്നമുണ്ടെങ്കിലും അമ്മ എന്റെ കൂടെ വരുന്നതാണ്.

ഞാൻ അമ്മയോട് പറഞ്ഞാൽ ഈ അവസ്ഥയിൽ കൂടുതൽ വിഷമമാകും. അമ്മയുടെ മുമ്പിൽ ചിൽ വൈബ് എന്നൊക്കെ പറഞ്ഞാലും പക്ഷേ അങ്ങനെയല്ല. അമ്മ എല്ലാത്തിനും കട്ടയ്ക്ക് കൂടെ നിൽക്കും. ഗിരിജാമ്മ എന്റെ മുത്ത് ആണ്. അമ്മ അടുത്തുള്ള സമയങ്ങളിൽ ഈ സ്‌നേഹം പ്രകടിപ്പിക്കാനോ പറയാനോ എനിക്ക് അറിയില്ല. പക്ഷേ അത് വേണമെന്നേ ഞാൻ പറയൂ എന്നാണ് സ്വാസിക പറയുന്നത്.

അതേസമയം, അടുത്തിടെ ഒരു അഭിമുഖത്തിൽ നടി പറഞ്ഞ വാക്കുകളും ശ്രദ്ധിക്കപ്പെട്ടിരുന്നു. ഭർത്താവിന്റെ കാൽ തൊട്ട് തൊഴുന്ന താൻ ഭർത്താവിന്റെ കീഴിൽ ജീവിക്കാൻ ആഗ്രഹിക്കുന്നയാളാണെന്ന് നടി സ്വാസിക പറഞ്ഞത് ഏറെ ചർച്ചയായിരുന്നു. സ്വാസികയുടെ വാക്കുകൾ ട്രോൾ ചെയ്യപ്പെടുകയും ചെയ്തിരുന്നു.

ഞാൻ എന്റെ അഭിപ്രായമാണ് പറഞ്ഞത്. എന്റെ സ്വകാര്യ ജീവിതം ഇങ്ങനെ ജീവിക്കാനാണ് തീരുമാനിച്ചത്. ഭർത്താവിന്റെ താഴെ ജീവിക്കാനാണ് ഞാൻ തീരുമാനിച്ചത്. ടീനേജ് പ്രായത്തിലേ തീരുമാനിച്ചതാണ്. എന്തുകൊണ്ടാണെന്ന് ചോദിച്ചാൽ എനിക്കറിയില്ല. എന്റെ അച്ഛനും അമ്മയും അങ്ങനെയാണോ എന്ന് ചോദിച്ചാൽ അല്ല. അമ്മൂമ്മയും അങ്ങനെയല്ല.

ഞാൻ എന്തുകൊണ്ടോ അങ്ങനെ തീരുമാനിച്ചു. അങ്ങനെ ജീവിക്കാനാണ് പോകുന്നതെന്നേ എനിക്കറിയൂ. അത് കൊണ്ടാണ് കാല് പിടിക്കുന്നതും പാത്രം കഴുകുന്നതുമൊക്കെ. നിങ്ങൾക്ക് അത് തെറ്റായിരിക്കും. ഇതാണ് ഉത്തമ സ്ത്രീയെന്ന് ഞാനൊരിക്കലും പറയില്ല. സ്ത്രീകൾ എപ്പോഴും സ്വതന്ത്ര്യരായിരിക്കണം. അവർ തുല്യതയിൽ വിശ്വസിക്കണം.പക്ഷെ എനിക്ക് ഈ പറഞ്ഞ തുല്യത കുടുംബ ജീവിതത്തിൽ എനിക്ക് വേണ്ടെന്നുമാണ് സ്വാസിക പറഞ്ഞിരുന്നത്.

Continue Reading
You may also like...

More in Malayalam

Trending