ജാതിയും മതവുമൊന്നും ഇല്ലാതെ വളരട്ടെ, നമ്മുടെ അടുത്ത തലമുറയെങ്കിലും; ജിഷിന്റെ കുറിപ്പ് വൈറലാകുന്നു
മിനിസ്ക്രീൻ പ്രേക്ഷകരുടെ പ്രിയ താരമാണ് ജിഷിൻ മോഹൻ . താരം സോഷ്യൽ മീഡിയയിലൂടെ പങ്കിടുന്ന മിക്ക വിശേഷങ്ങളും വൈറൽ ആകാറുണ്ട് . ഇപ്പോൾ ഇതാ ജിഷിൻ പങ്ക് വച്ച ഒരു പുതിയ പോസ്റ്റിനു ആണ് ആരാധകർ കൈ അടിക്കുന്നത്.
സരസമായ ഭാഷയിൽ ആണ് ജിഷിൻ കാര്യം അവതരിപ്പിക്കുന്നത് എങ്കിലും വളരെ അർത്ഥവത്തായ ഒരു സന്ദേശം ആണ് അദ്ദേഹം പങ്കിട്ടത്. “എന്ത് പേരിട്ടു വിളിച്ചാലും, ദൈവങ്ങളെല്ലാം ഒന്ന് തന്നെ. അല്ലേ? പ്രാർത്ഥനകൾ കേട്ടാൽ മാത്രം മതി. ജാതിയും മതവുമൊന്നും ഇല്ലാതെ തന്നെ വളരട്ടെ, നമ്മുടെ അടുത്ത തലമുറയെങ്കിലും” എന്നാണ് ജിഷിൻ പറയുന്നത്.
ജിഷിന്റെ വാക്കുകൾ!
പ്രാർത്ഥിക്കാൻ എല്ലാവർക്കും ഓരോരോ കാരണങ്ങൾ കാണും. ഇവനെന്താണോ എന്തോ പ്രാർത്ഥിക്കുന്നത്.
അംബലത്തിൽ പോകുമ്പോൾ, കൃഷ്ണാ.. ഭഗവാനേ.. രച്ചിച്ചനേ.. വാവക്ക് ഉവ്വാവു ഒന്നും വരുത്തല്ലേ.. വാവ നല്ല കുട്ടിയാണേ.. കുരുത്തക്കേട് ഒന്നും കാട്ടൂലേ.
എന്നും, പള്ളിയിൽ പോകുമ്പോൾ, പിതാവിനും പുത്രനും പരിശുദ്ധാത്മാവിനും( ഈ വാക്ക് വായിൽ കൊള്ളാത്തത് കൊണ്ട് അവന്റെ രീതിയിൽ ‘പച്ചിച്ചുച്ചനും’) ആമേൻ എന്നും പ്രാർത്ഥിക്കണം എന്നാ പറഞ്ഞു കൊടുത്തിരിക്കുന്നത്.
പക്ഷെ, അംബലത്തിൽ ചെല്ലുമ്പോൾ പിതാവിനും പുത്രനും.. എന്നും, പള്ളിയിൽ ചെല്ലുമ്പോൾ യേശുവിനെ കേറി കൃഷ്ണാ.. എന്നും വിളിക്കുന്ന വിത്താണിവൻ.
എന്ത് പേരിട്ടു വിളിച്ചാലും, ദൈവങ്ങളെല്ലാം ഒന്ന് തന്നെ. അല്ലേ? പ്രാർത്ഥനകൾ കേട്ടാൽ മാത്രം മതി.
ജാതിയും മതവുമൊന്നും ഇല്ലാതെ തന്നെ വളരട്ടെ, നമ്മുടെ അടുത്ത തലമുറയെങ്കിലും.
