Malayalam
സിത്താര കൃഷ്ണ കുമാറിന് യുഎഇ ഗോള്ഡന് വിസ
സിത്താര കൃഷ്ണ കുമാറിന് യുഎഇ ഗോള്ഡന് വിസ
നിരവധി മനോഹര ചിത്രങ്ങളിലൂടെ മലയാളികള്ക്കേറെ പ്രിയങ്കരിയായി മാറിയ ഗായക സിത്താര കൃഷ്ണ കുമാറിന് യുഎഇ ഗോള്ഡന് വിസ. ദുബായിലെ മുന്നിര സര്ക്കാര് സേവന ദാതാക്കളായ ഇ.സി.എച്ച് ഡിജിറ്റല് ആസ്ഥാനത്ത് എത്തി ഇ.സി.എച്ച് ഡിജിറ്റല് സി.ഇ.ഓ ഇഖ്ബാല് മാര്ക്കോണിയില് നിന്നും താരം വിസ പതിച്ച പാസ്പോര്ട്ട് ഏറ്റുവാങ്ങി.
വിവിധ രംഗങ്ങളില് മികവ് തെളിയിച്ചവര്ക്കും നിക്ഷേപകര്ക്കും ബിസിനസുകാര്ക്കുമൊക്കെ യുഎഇ ഭരണകൂടം അനുവദിക്കുന്നതാണ് ഗോള്ഡന് വിസകള്. പത്ത് വര്ഷത്തെ കാലാവധിയുള്ള ഈ വിസകള്, കാലാവധി പൂര്ത്തിയാവുമ്പോള് പുതുക്കി നല്കുകയും ചെയ്യും. പ്രമുഖ നടന്മാരടക്കം നിരവധി മലയാളികള്ക്ക് ഇതിനോടകം തന്നെ ഗോള്ഡന് വിസ ലഭ്യമായിട്ടുണ്ട്.
പ്രണവ് മോഹന്ലാല്, മമ്മൂട്ടി, മോഹന്ലാല്, പൃഥ്വിരാജ്, ദുല്ഖര് സല്മാന്, നൈല ഉഷ, ടൊവിനോ തോമസ്, ആശാ ശരത്, ആസിഫ് അലി, മിഥുന് രമേശ്, ലാല് ജോസ്, മീര ജാസ്മിന്, സംവിധായകന് സലീം അഹമ്മദ്, സിദ്ദിഖ്, ഗായിക കെ എസ് ചിത്ര, സുരാജ് വെഞ്ഞാറമൂട്, നിര്മ്മാതാവ് ആന്റോ ജോസഫ്, മീന, ദിലീപ് തുടങ്ങിയവര് ഗോള്ഡന് വിസ സ്വീകരിച്ചിരുന്നു.
വേറിട്ട ശബ്ദത്തിലൂടെ മലയാളികള്ക്ക് മുന്നിലേക്ക് എത്തിയ സിത്താര ഇതിനോടകം സമ്മാനിച്ചത് ഒട്ടനവധി ഗാനങ്ങളാണ്. ടെലിവിഷന് ചാനലുകളിലെ സംഗീത പരിപാടികളിലൂടെയും റിയാലിറ്റിഷോകളിലൂടെയുമാണ് സിത്താര ചലച്ചിത്രലോകത്തേക്ക് എത്തുന്നത്. മികച്ച പിന്നണിഗായികയ്ക്കുള്ള 2012ലെ കേരളസംസ്ഥാന ചലച്ചിത്രപുരസ്കാരവും സിത്താരയെ തേടി എത്തിയിരുന്നു.
