അങ്ങയുടെ കാലത്ത് ജീവിച്ച് ഒരുനോക്ക് കാണുവാൻ ഞാൻ ആഗ്രഹിച്ചുപോകുന്നു; പ്രിയ വാരിയർ

ഋഷി കപൂറിനെ അനുസ്മരിച്ച് നടി പ്രിയ പി. വാരിയർ. തന്നെ പ്രശംസിച്ച് 2018ൽ ഋഷി കപൂർ എഴുതിയ ട്വീറ്റ് പങ്കുവച്ചായിരുന്നു പ്രിയയുടെ വാക്കുകൾ. അഡാറ് ലൗവ് സിനിമയിലെ ഗാനവും ടീസറും തരംഗമാകുന്ന സമയത്താണ് പ്രിയ പി. വാരിയറെ അഭിനന്ദിച്ച് ഋഷി കപൂർ രംഗത്തെത്തുന്ന്.

നാളത്തെ വലിയൊരു നായികയാകും ഈ പെൺകുട്ടി എന്ന് ചൂണ്ടിക്കാട്ടിയായിരുന്നു അദ്ദേഹത്തിന്റെ ട്വീറ്റ്. മനോഹരമായ മുഖഭാവങ്ങും കളങ്കമില്ലാത്ത പുഞ്ചിരിയുമാണ് പ്രിയയുടെ പ്രത്യേകതയെന്ന് ഋഷി കപൂർ പറയുന്നു. എന്റെ കാലത്ത് എന്തുകൊണ്ട് നീ വന്നില്ലെന്നും തമാശരൂപേണ അദ്ദേഹം ചോദിക്കുന്നുണ്ട്.

ആ വാക്കുകൾക്ക് തന്റെ ജീവിതത്തിൽ ഒരുപാട് വില ഉണ്ടെന്നും എന്നിൽ തന്നെ വിശ്വാസമില്ലാതിരുന്ന സമയങ്ങളിൽ അത് തനിക്ക് പ്രചോദനമായിട്ടുണ്ടെന്നും നടി പറഞ്ഞു.

‘അങ്ങയുടെ കാലത്ത് ജീവിച്ച് ഒരുനോക്ക് കാണുവാൻ ഞാൻ ആഗ്രഹിച്ചുപോകുന്നു. ആദരാഞ്ജലികൾ.’–നടി പറയുന്നു.

rishi kapoor