റൊമാന്റിക് ഹിറ്റുമായി പ്രഭാസിന്റെ രാധേശ്യാം; ഫസ്റ്റ്‌ലുക്ക് പോസ്റ്റര്‍ പുറത്ത്

പ്രഭാസിന്റെ ‘രാധേ ശ്യാം’ എന്ന് പേരിട്ടിരിക്കുന്ന പുതിയ ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്ത്. ഒരു റൊമാന്റിക് ഹിറ്റ് ആയിട്ടാണ് ചിത്രം ഒരുക്കുന്നത് . നടി പൂജ ഹെഗ്‌ഡെയാണ് നായിക. പ്രഭാസും പൂജയും ഒന്നിച്ചു നില്‍ക്കുന്ന ചിത്രമാണ് ഫസ്റ്റ്‌ലുക്കായി റിലീസ് ചെയ്തിരിക്കുന്നത്.

നിമിഷങ്ങൾക്കകമാണ് ചിത്രം വൈറലായത്.
രാധാകൃഷ്ണ കുമാര്‍ സംവിധാനം ചെയ്യുന്ന ഈ ചിത്രം പ്രഭാസിന്റെ ഇരുപതാമത്തെ സിനിമയാണ്. ഭാവി പ്രവാചകനായാണ് പ്രഭാസ് ചിത്രത്തില്‍ വേഷമിടുന്നതെന്നും റിപ്പോര്‍ട്ടുകളുണ്ട്.

തെലുങ്ക്, ഹിന്ദി, തമിഴ്, മലയാളം എന്നീ നാല് ഭാഷകളിലാണ് ചിത്രം ഒരുക്കുന്നത്. കൂടാതെ, മറ്റു ഭാഷകളിലേക്ക് മൊഴിമാറ്റം ചെയ്യുമെന്ന് അണിയറപ്രവര്‍ത്തകര്‍ നേരത്തെ വ്യക്തമാക്കിയിരുന്നു. അടുത്ത വര്‍ഷമാണ് ചിത്രം റിലീസിനെത്തുക