സ്ത്രീകള്‍ക്ക് കാലുകള്‍ മാത്രമല്ല തലച്ചോറും ഉണ്ട്; നടി അഭിജ പോസ്റ്റ് ചെയ്ത ചിത്രം വൈറലാകുന്നു

നടി അനശ്വര രാജന് നേരിടേണ്ടി വന്ന സൈബര്‍ ആക്രമണത്തെ എതിര്‍ത്തു കൊണ്ടും നടിയെ പിന്തുണച്ചു കൊണ്ടും നിരവധി ആളുകളാണ് രംഗത്ത് എത്തിയത്. ഇപ്പോഴിതാ നടിഅഭിജ ഇതുമായി ബന്ധപ്പെട്ട് സമൂഹമാധ്യമങ്ങളില്‍ പോസ്റ്റ് ചെയ്തൊരു ചിത്രം ഏറെ ശ്രദ്ധ നേടുന്നു . സ്ത്രീകള്‍ക്ക് കാലുകള്‍ മാത്രമല്ല തലച്ചോറും ഉണ്ടെന്നാണ് ചിത്രത്തിന് അഭിജ അടിക്കുറിപ്പായി നല്‍കിയത്.

അനശ്വര രാജന് പിന്തുണയുമായി ആദ്യം എത്തിയത് നടി റിമയാണ്. സര്‍പ്രൈസ്, സര്‍പ്രൈസ്… സ്ത്രീകള്‍ക്ക് കാലുകളുണ്ട്’ എന്ന അടിക്കുറിപ്പോടു കൂടിയാണ് ചിത്രം പോസ്റ്റ് ചെയ്തത്. ലേഡീസ്, ഷോ ദെം ഹൗ ഇറ്റ്സ് ഡണ്‍ എന്ന ഹാഷ് ടാഗുകളും റിമ തന്റെ കുറിപ്പിനൊപ്പം ചേര്‍ത്തിരുന്നു.

കാല്‍മുട്ട് വരെ ഇറക്കമുള്ള വസ്ത്രം ധരിച്ചു കൊണ്ടാണ് ഇവര്‍ സോഷ്യല്‍ മീഡിയയിലെ സദാചാരവാദികള്‍ക്കും ഓണ്‍ലൈന്‍ ആങ്ങളമാര്‍ക്കും മറുപടി നല്‍കിത്.