സിനിമാസെറ്റില്‍ നായികയ്ക്ക് കിടുന്ന പരിഗണന മറ്റൊരിടത്തും ലഭിക്കില്ലെന്ന് മനസിലാക്കിയിരുന്നു; സെലിബ്രിറ്റിയില്‍ നിന്നും കുടുംബിനിയിലേക്കുള്ള മാറ്റത്തെക്കുറിച്ച് നവ്യ നായർ പറഞ്ഞത് !
പ്രേക്ഷകരുടെ പ്രിയപ്പെട്ട നടിയാണ് നവ്യ നായർ. ഒരിടവേളയ്ക്ക് ശേഷം വീണ്ടും സിനിമാ രംഗത്ത് സജീവമാകുകയാണ് നവ്യ.
ഇഷ്ടത്തിലൂടെ തുടക്കം കുറിച്ച് മലയാളികളുടെ ഇഷ്ട നായികയായി മാറിയ താരമാണ് നവ്യ നായര്‍. യുവജനോത്സവ വേദിയിലൂടെയായി അഭിനയ ലോകത്തേക്കെത്തിയ നവ്യയ്ക്ക് നിരവധി മികച്ച അവസരങ്ങളാണ് ലഭിച്ചത്.
നായികയായി തിളങ്ങി നിന്ന സമയത്തായിരുന്നു നവ്യയുടെ വിവാഹം. ബിസിനസുകാരനായ സന്തോഷ് മേനോനാണ് നവ്യയെ വിവാഹം ചെയ്തത്. സെലിബ്രിറ്റിയില്‍ നിന്നും കുടുംബിനിയിലേക്കുള്ള മാറ്റത്തെക്കുറിച്ച് വ്യക്തമായി മനസിലാക്കിയാണ് താന്‍ വിവാഹജീവിതത്തിലേക്ക് പ്രവേശിച്ചതെന്ന് നവ്യ പറയുന്നു. പ്രിയപ്പെട്ടവരുടെ ചോദ്യങ്ങള്‍ക്ക് മറുപടിയേകുന്നതിനിടയിലായിരുന്നു നവ്യ ഇതേക്കുറിച്ച് പറഞ്ഞത്.
സിനിമാതിരക്കുകളില്‍ നിന്നും മാറി കുടുംബിനിയാവുമ്പോള്‍ ആ മാറ്റം പെട്ടെന്ന് ഉള്‍ക്കൊള്ളാന്‍ പറ്റിയിരുന്നു. സിനിമാസെറ്റില്‍ നായികയ്ക്ക് കിടുന്ന പരിഗണന മറ്റൊരിടത്തും ലഭിക്കില്ലെന്ന് മനസിലാക്കിയിരുന്നു. വിവാഹശേഷമുള്ള മാറ്റങ്ങളെ പോസിറ്റീവായി തന്നെയാണ് കണ്ടത്. പെട്ടെന്ന് മുംബൈയിലേക്ക് പറിച്ച് നട്ടപ്പോള്‍ ഒരു ഒറ്റപ്പെടലുണ്ടായിരുന്നു. ആദ്യം അതൊരു ബുദ്ധിമുട്ടായി തോന്നിയിരുന്നു. പിന്നെ മകന്റെ വരവൊക്കെയായി തിരക്കിലായിരുന്നു.
അഭിനയത്തില്‍ നിന്നും മാറി നിന്ന സമയത്താണ് എന്‍ഗേജ്ഡായി നിന്നില്ലെങ്കില്‍ മനസ് മരവിച്ച് പോകുമെന്ന് മനസിലാക്കിയത്. അപ്പോഴാണ് ഡാന്‍സിലേക്ക് വീണ്ടും തിരിഞ്ഞത്. പ്രസവ ശേഷം മാനസികമായും ശാരീരികമായുമൊക്കെ ഒരുപാട് മാറ്റങ്ങള്‍ വന്നിരുന്നു. ആത്മവിശ്വാസം പോലും കുറവായിരുന്നു. ആ അവസ്ഥയില്‍ നിന്നും മാറിയത് നൃത്തത്തില്‍ സജീവമായതോടെയാണ്.
നൃത്ത വിദ്യാലയം എന്നതിലുപരി കലകളുടെ സമന്വയമായി മാതംഗി മാറണമെന്നാണ് ആഗ്രഹിക്കുന്നത്.അഭിനയവും ഡാന്‍സ് സ്‌കൂളുമൊക്കെയായി തിരക്കുകളുണ്ട്. അതേ സമയം തന്നെ കുടുംബത്തിലെ കാര്യങ്ങളും ശ്രദ്ധിക്കാറുണ്ട്. മോന്റെ കാര്യവും സന്തോഷേട്ടന്റെ കാര്യങ്ങളുമെല്ലാം നോക്കുന്നുണ്ട്. ഏറ്റവും പ്രിയപ്പെട്ട കാര്യം ചെയ്യുന്നതിനാല്‍ തിരക്കുകളൊന്നും പ്രശ്‌നമേയല്ല. സംവിധാനത്തെക്കുറിച്ചൊന്നും ഇപ്പോള്‍ ആലോചിക്കുന്നില്ലെന്നുമായിരുന്നു നവ്യ പറഞ്ഞത്.
സിനിമയില്‍ നിരവധി മാറ്റങ്ങള്‍ സംഭവിച്ചിട്ടുണ്ട്. റിയലിസ്റ്റിക് സിനിമകളുടെ കൂടി കാലമാണ് ഇപ്പോള്‍. തികച്ചും നാച്ചുറലായി ചെയ്തുവെന്നായിരുന്നു ഒരുത്തിയെക്കുറിച്ച് എല്ലാവരും പറഞ്ഞത്. അതൊക്കെ കേള്‍ക്കുമ്പോള്‍ ഒരുപാട് സന്തോഷമുണ്ട്. മികച്ച കഥാപാത്രങ്ങള്‍ക്ക് വേണ്ടിയാണ് കാത്തിരിക്കുന്നത്. നായകന്‍ പുതുമുഖമാണെന്നതൊന്നും താനൊരു വിഷമായി കാണുന്നില്ലെന്നുമായിരുന്നു താരത്തിന്റെ മറുപടി.
