ബോളിവുഡ് പിന്നണിയിൽ അരങ്ങേറ്റം കുറിച്ച് മഞ്ജരി…

മലയാളത്തിൻ്റെ പ്രിയ ഗായിക മഞ്ജരി ബോളിവുഡ് പിന്നണി ഗാനരംഗത്തേക്ക് ചുവടുവെയ്ക്കുകയാണ് നടി ആദ്യമായി ബോളിവുഡ് ചിത്രത്തിനായി ആലപിച്ച ഗാനം പുറത്തുവിട്ടു. അരുണ്‍ ദേവ് എന്ന ഗായകനൊപ്പമാണ് മഞ്ജരി ബോളിവുഡിലെ ആദ്യ ഡ്യൂയറ്റ് ഗാനം പാടിയത്. 

ഖഡ്കേ കമാൽ ഹേ എന്ന ചിത്രത്തിലെ ഗാനമാണ് പുറത്ത് വിട്ടിരിക്കുന്നത്. വിനോദ് സോളാങ്കിയാണ് ഗാനത്തിന് സംഗീതം ഒരുക്കിയിരിക്കുന്നത്. ലക്ഷ്മൺ സിങാണ് ഗാനത്തിന് വരികൾ ഒരുക്കിയിരിക്കുന്നത്. 

ആര്യൻ അധികാരി, നിത ദുങ്കണ എന്നിവരാണ് ഗാനരംഗത്തിൽ പ്രത്യക്ഷപ്പെടുന്നത്. ജാനേ യേ ക്യാഹുവാ ഹേ എന്ന് തുടങ്ങുന്ന പ്രണയ യുഗ്മ ഗാനമാണ് മഞ്ജരി ആലപിച്ചിരിക്കുന്നത്. രാജ്പാൽ യാദവ്, ഏഞ്ചൽ ശ്രേഷ്ഠ എന്നിവരാണ് ചിത്രത്തിലെ മറ്റു താരങ്ങൾ. ചിത്രം ഈ മാസം 24ന് റിലീസാകും. സീ മ്യൂസിക്കാണ് ഗാനം പുറത്ത് വിട്ടിരിക്കുന്നത്. 

Manjari Sing a song for a Bollywood movie…