Connect with us

മാമാങ്കത്തിന് ആശംസയുമായി മോഹൻലാലിന്റെ ഫേസ്ബുക്ക് പോസ്റ്റ്!

Malayalam Breaking News

മാമാങ്കത്തിന് ആശംസയുമായി മോഹൻലാലിന്റെ ഫേസ്ബുക്ക് പോസ്റ്റ്!

മാമാങ്കത്തിന് ആശംസയുമായി മോഹൻലാലിന്റെ ഫേസ്ബുക്ക് പോസ്റ്റ്!

മമ്മൂട്ടിയുടെ ബ്രഹ്മാണ്ഡ ചിത്രമായൊരുങ്ങുന്ന മാമാങ്കത്തിന് ആശംസകളുമായി നടൻ മോഹൻലാൽ. ഫേസ്ബുക്കിൽ പങ്കുവെച്ചിരിക്കുന്ന കുറിപ്പിലൂടെയാണ് അദ്ദേഹം ആശംസകള്‍ നേര്‍ന്നിരിക്കുന്നത്.

ലോകരാജ്യങ്ങൾ നമ്മുടെ കേരളത്തിലേക്കൊഴുകിയെത്തിയ ഒരു മാമാങ്കകാലമുണ്ടായിരുന്നു, പറഞ്ഞും പറയാതെയും നിറം മങ്ങിപ്പോയ പഴമയിലേക്ക് വെളിച്ചം വീശുന്ന ഒരു ദേശത്തിൻ്റെ വീരചരിത്രകഥകൾ വെള്ളിത്തിരയിലെത്തുകയാണ് ഡിസംബർ 12ന്. മാമാങ്കം മലയാളത്തിൻ്റെ ഉത്സവമായിത്തീരാൻ എല്ലാവിധ ആശംസകളും നേരുന്നു എന്നാണ് അദ്ദേഹം ഫേസ്ബുക്കിൽ പങ്കുവെച്ചിരിക്കുന്നത്.

അതോടൊപ്പം മാമാങ്കത്തിന്‍റെ പോസ്റ്ററും താരം പങ്കുവെച്ചിട്ടുണ്ട്. മമ്മൂട്ടിയുടെ തീക്ഷണമായ നോട്ടവുമായുള്ള മമ്മൂട്ടിയുടെ കണ്ണുകളാണ് പോസ്റ്ററിലുള്ളത്. മുമ്പ് മാമാങ്കം നിര്‍മ്മാതാവായ വേണു കുന്നപ്പിള്ളിയോടൊപ്പം നിൽക്കുന്ന മോഹൻലാലിന്‍റെ ചിത്രങ്ങളും ഏറെ വൈറലായിരുന്നതാണ്. മോഹൻലാൽ നായകനാകുന്ന ബിഗ് ബ്രദർ എന്ന ചിത്രം ക്രിസ്മസ് റിലീസായി ഇറക്കുമെന്ന് ആദ്യം പറഞ്ഞിരുന്നുവെങ്കിലും പിന്നീട് ജനുവരിയിലേക്ക് മാറ്റി. മാമാങ്കത്തിൽ വിവരണവുമായി മോഹൻലാലിന്‍റെ ശബ്ദവുമുണ്ടെന്ന് സൂചനയുണ്ട്.

മലയാളത്തിന് പുറമെ ഹിന്ദി, തമിഴ്, തെലുങ്ക് ഭാഷകളിലും മാമാങ്കം റിലീസിനെത്തുന്നുണ്ട്. ഉണ്ണി മുകുന്ദൻ, അച്യുതൻ, അനു സിത്താര, പ്രാചി തെഹ്ലാൻ, ഇനിയ, കനിഹ, സിദ്ദിഖ് തുടങ്ങി നിരവധി താരങ്ങൾ അണിനിരക്കുന്ന മാമാങ്കം സംവിധാനം ചെയ്യുന്നത് എം.പത്മകുമാറാണ്. തിരക്കഥയൊരുക്കുന്നത് ശങ്കർ രാമകൃഷ്ണനുമാണ്. ഒരിടവേളയ്ക്ക് ശേഷം മമ്മൂട്ടി വീണ്ടും ചരിത്ര കഥാപാത്രമായി എത്തുന്ന സിനിമയാണ് മാമാങ്കം.

ചരിത്ര പശ്ചാത്തലത്തില്ൻ്റെ അണിയറയില്‍ ഒരുങ്ങുന്ന സിനിമ എം. പദ്‌മകുമാറാണ് സംവിധാനം ചെയ്യുന്നത്. പന്ത്രണ്ട് വര്‍ഷത്തിലൊരിക്കല്‍ തിരുനാവായ മണപ്പുറത്ത് വച്ച് നടക്കാറുളള മാമാങ്കം പ്രമേയമാക്കി കൊണ്ടാണ് സിനിമ ഒരുക്കിയിരിക്കുന്നത്.
ചിത്രത്തില്‍ ചാവേറായിട്ടാണ് മമ്മൂട്ടി എത്തുന്നതെന്ന് നേരത്തെ തന്നെ റിപ്പോര്‍ട്ടുകളുണ്ടായിരുന്നു. മമ്മൂക്കയ്‌ക്കൊപ്പം പ്രാധാന്യമുളള വേഷത്തിലാണ് ചിത്രത്തില്‍ ഉണ്ണി മുകുന്ദനും എത്തുന്നത്.

കേരളത്തിനൊപ്പം ലോകമെമ്പാടുമുളള തിയ്യേറ്ററുകളിലേക്കും മാമാങ്കം റിലീസിംഗിനുള്ള ഒരുക്കത്തിലാണ് . 55 കോടിയിലേറെ രൂപ ചെലവിട്ട് പ്രവാസി മലയാളിയായ വേണു കുന്നപ്പള്ളി കാവ്യ ഫിലിം കമ്പനിയുടെ ബാനറിലാണ് ‘മാമാങ്കം’ നിർമ്മിക്കുന്നത്. ചിത്രത്തിന്റെ ക്യാമറ മനോജ് പിള്ളയാണ്. റഫീഖ് അഹമ്മദും അജയ് ഗോപാലും എഴുതിയ ഗാനങ്ങൾ ചിട്ടപ്പെടുത്തിയത് എം. ജയചന്ദ്രനാണ്.

mamankam

Continue Reading

More in Malayalam Breaking News

Trending

Recent

To Top