എല്ലാവർക്കും മറുപടി നൽകാൻ സാധിക്കുന്നില്ല… അതുകൊണ്ടാണ് ഇങ്ങനെ ഒരു മെസ്സേജ് ഇട്ടത്, എനിക്ക് ചാനൽ തുടങ്ങാനുള്ള ക്യാമറ മേടിച്ചു തന്നത് പപ്പയാണ്… ചാനൽ നിർത്തില്ലെന്ന് ജിനി

അടുത്തിടെയായിരുന്നു നടി മിയ ജോര്‍ജിന്റെ പിതാവ് മരണമടഞ്ഞത്. ഒരാഴ്ച്ചയായി ആശുപത്രിയിൽ ചികിത്സയിലായിരുന്നു അദ്ദേഹം. അപ്രതീക്ഷിതമായിട്ടായിരുന്നു മരണം സംഭവിച്ചത്.

അദ്ദേഹത്തിന് ആദരാഞ്ജലി നേര്‍ന്ന് പ്രിയപ്പെട്ടവര്‍ എത്തിയിരുന്നു. ആദ്യ വിവാഹ വാര്‍ഷികം ആഘോഷിച്ചതിന് പിന്നാലെയായാണ് മിയയെ തേടി ദു:ഖവാര്‍ത്ത എത്തിയത്. അച്ഛനെ കുറിച്ച് പറയുമ്പോൾ മിയയ്ക്ക് നൂറ് നാവായിരുന്നു. പിതാവിന്റെ അപ്രതീക്ഷിത വിയോഗം മിയയ്ക്ക് താങ്ങനായില്ല

ജോർജ് ജോസഫിനും മിനിയ്ക്കും മിയയെ കൂടാതെ ഒരു മകൾ കൂടിയുണ്ട്. ജിനി. യൂട്യൂബ് ചാനലുമായി ജിനിയും പ്രേക്ഷകര്‍ക്ക് സുപരിചിതയാണ്. ജിനിയുടെ കുടുംബ വിശേഷങ്ങളും യാത്രയും ഷോപ്പിംഗും പാചക പരീക്ഷണങ്ങളുമൊക്കെയാണ് ചാനലിലൂട കാണിക്കാറുള്ളത്. ഇപ്പോഴിതാ വിഷമ സമയത്ത് കൂടെ നിന്നവര്‍ക്ക് സ്‌നേഹം അറിയിച്ച് ജിനി എത്തിയിരിക്കുകയാണ്

യൂട്യൂബ് ചാനല്‍ നിര്‍ത്തില്ലെന്നും വൈകാതെ തന്നെ വീഡിയോയുമായെത്തുമെന്നും ജിനി അറിയിച്ചിട്ടുണ്ട്.’ആശ്വാസവും ശക്തിയും നൽകുന്നുണ്ട്‌. എല്ലാവർക്കും മറുപടി നൽകാൻ സാധിക്കുന്നില്ല. അതുകൊണ്ടാണ് ഇങ്ങനെ ഒരു മെസ്സേജ് ഇടുന്നത്. കുറച്ചുനാൾ യൂട്യൂബ് വീഡിയോസ് ഉണ്ടായിരിക്കുകയില്ല. തീർച്ചയായും പുതിയ വീഡിയോ ആയിട്ട് വരുന്നതായിരിക്കും. എനിക്ക് ചാനൽ തുടങ്ങാനുള്ള ക്യാമറ മേടിച്ചു തന്നത് പപ്പയാണ്. അതുകൊണ്ട് തന്നെ ചാനൽ നിർത്തുല്ല ഉടനെ വരുന്നതായിരിക്കും. താങ്ക് യൂ ഫോർ യുവർ ലവ് ആൻഡ് പ്രയേർസ്’ എന്നുമായിരുന്നു ജിനി കുറിച്ചത്.