News
യഥാര്ത്ഥത്തിലുള്ള ആര്യയും ബഡായി ആര്യയും തമ്മില് ഒരു ബന്ധവുമില്ല; എനിക്കത് ചെയ്യാനാവില്ലെന്ന് ഞാൻ പറഞ്ഞപ്പോൾ ഭർത്താവാണ് ഉന്തിത്തള്ളി വിട്ടത്; ബിഗ് ബോസ് താരം ആര്യ പറയുന്നു !
യഥാര്ത്ഥത്തിലുള്ള ആര്യയും ബഡായി ആര്യയും തമ്മില് ഒരു ബന്ധവുമില്ല; എനിക്കത് ചെയ്യാനാവില്ലെന്ന് ഞാൻ പറഞ്ഞപ്പോൾ ഭർത്താവാണ് ഉന്തിത്തള്ളി വിട്ടത്; ബിഗ് ബോസ് താരം ആര്യ പറയുന്നു !
ബഡായി ബംഗ്ലാവിലൂടെ പ്രിയങ്കരിയായ ആര്യ, ബിഗ് ബോസിലൂടെയാണ് ,മലയാളികളുടെ ഇടയിൽ അധികം ശ്രദ്ധിക്കപ്പെടുന്നത്. ആര്യയുടെ യഥാർത്ഥ സ്വഭാവം എന്തെന്ന് അറിഞ്ഞത് അങ്ങനെയാണ്. ആര്യയായാണ് പ്രേക്ഷകർ ഇപ്പോഴും ആര്യയെ വിശേഷിപ്പിക്കുന്നത്.
രമേഷ് പിഷാരടിയും ആര്യയും ഭാര്യയും ഭർത്താവുമാണെന്ന് തെറ്റിദ്ധരിച്ചവരുമുണ്ടായിരുന്നു. പിഷാരടി ഭാര്യക്കൊപ്പം പുറത്ത് പോയാൽ ആര്യയെവിടെ എന്ന് പലരും ചോദിച്ച സംഭവങ്ങളുമുണ്ടായിട്ടുണ്ട്. കരിയർ തന്നെ മാറ്റിമറിച്ച ആ ക്യാരക്ടറിനോട് ആദ്യം താൻ നോ പറഞ്ഞിരുന്നുവെന്ന് ആര്യ പറയുന്നു.
ഒരു യൂട്യൂബ് ചാനലിലൂടെയായാണ് ഇരുവരും വിശേഷങ്ങൾ പങ്കുവെച്ചത്. മുൻഭർത്താവായിരുന്ന രോഹിത്താണ് അന്ന് തന്നോട് അത് ട്രൈ ചെയ്ത് നോക്കാനായി പറഞ്ഞതെന്നും ആര്യ വ്യക്തമാക്കിയിരുന്നു.
അവതാരകയായാണ് ഞാന് തുടക്കം കുറിച്ചത്. അതില് നിന്നാണ് സീരിയലിലേക്കെത്തിയത്. അവിടെ നിന്നും എനിക്കൊരു വളര്ച്ചയുണ്ടാവുമെന്ന് അന്ന് ഞാന് പ്രതീക്ഷിച്ചിരുന്നില്ല. സിനിമയില് അഭിനയിക്കണമെന്നായിരുന്നു ചെറുപ്പം മുതലേ ആഗ്രഹിച്ചത്. സീരിയല് ചെയ്താല് സിനിമ കിട്ടില്ലെന്നൊക്കെയായിരുന്നു അന്ന് കരുതിയത്. സീരിയല് ഇഷ്ടമുള്ളവരാണ് മലയാളികള്. സീരിയലില് പ്രധാന ക്യാരക്ടര് ചെയ്യുന്നവര് സിനിമയില് വന്നാലും ഇത് ആ സീരിയലിലെ ആളല്ലേയെന്നാണ് പ്രേക്ഷകര് ചോദിക്കുക. ഞാന് ക്യാരക്ടര് റോളായിരുന്നു സീരിയലില് ചെയ്തത്.
ബഡായി ബംഗ്ലാവിലേക്ക് അവസരം ലഭിപ്പോള് ഞാന് ആദ്യം നോ പറഞ്ഞതാണ്. എനിക്കിത് ചെയ്യാനാവില്ലെന്ന് പറഞ്ഞിരുന്നു. അതിന്റെ ഹിന്ദി ഷോ ഞാന് കാണാറുണ്ടായിരുന്നു. അന്ന് ഭര്ത്താവിനും കുടുംബത്തിനുമൊപ്പമായിരുന്നു ഞാന്. അവര് ഹിന്ദി പരിപാടികളാണ് കണ്ടിരുന്നത്. അര്ച്ചനയുടെ സീരിയല് മാത്രമാണ് മലയാളത്തില് ആകെ കാണുന്നത്.
രോഹിത് നല്ല സപ്പോര്ട്ടീവാണ്, നീ ട്രൈ ചെയ്യൂ എന്ന് പറഞ്ഞ് എന്ന ഉന്തിത്തള്ളി വിട്ടത് രോഹിതാണ്. അതിലുള്ളവര് ആരൊക്കെയാണെന്ന് ചോദിച്ചപ്പോഴേ എന്റെ കിളി പോയിരുന്നു. ചാനലിലുള്ളവരും കൂടെയുള്ളവര്ക്കുമെല്ലാം നല്ല ആത്മവിശ്വാസമായിരുന്നു. ചെയ്തിട്ട് ശരിയായില്ലെങ്കില് മാറ്റാമെന്ന് പറഞ്ഞായിരുന്നു ആദ്യ എപ്പിസോഡ് ഷൂട്ട് ചെയ്തത്.
സ്ത്രീധനത്തില് ഞാന് ബോള്ഡ് മരുമകളായിരുന്നു. കരാട്ടെ പഠിപ്പിക്കുന്ന ക്യാരക്ടറായിരുന്നു. ഞാന് പുറത്തൊക്കെ പോവുമ്പോള് കരാട്ടെ പഠിപ്പിക്കുന്ന മരുമോളല്ലേ എന്നൊക്കെ ചോദിച്ചിരുന്നു. അമ്മായിഅമ്മയ്ക്ക് ഒന്ന് കൊടുക്കണം കേട്ടോ എന്നെല്ലാവരും പറയാറുണ്ടായിരുന്നു. സ്ത്രീധനം നടക്കുന്ന സമയത്തായിരുന്നു ബഡായി ബംഗ്ലാവ് ചെയ്തത്. തുടക്കത്തില് തന്നെ അത് ക്ലിക്കായിരുന്നു. പിഷാരടിയും ഞാനും റിയല് കപ്പിളാണെന്നായിരുന്നു ചിലരുടെ ധാരണ, പിഷുവിനെ മിസ് ചെയ്യുന്നില്ലേ എന്നൊക്കെ ചിലര് ചോദിക്കാറുണ്ട്.
യഥാര്ത്ഥത്തിലുള്ള ആര്യയും ബഡായി ആര്യയും തമ്മില് ഒരു ബന്ധവുമില്ല. അതിന്റെയെല്ലാം ക്രഡിറ്റ് സ്ക്രിപ്റ്റ് റൈറ്റേഴ്സിനാണ്. കിടിലന് സ്ക്രിപ്റ്റുകളായിരുന്നു അവരുടേത്. ഡയാന ചേച്ചിയായിരുന്നു ഞങ്ങളുടെ ക്യാപ്റ്റന്. പിന്നെ മുകേഷേട്ടനും പിഷാരടിയും. അവരുടെ ഇടയില് വരുമ്പോള് നമ്മളും ഓട്ടോമാറ്റിക്കലി അങ്ങനെയായിപ്പോവുമെന്നായിരുന്നു ആര്യ ബഡായി ബംഗ്ലാവിന്റെ വിജയത്തെക്കുറിച്ച് പറഞ്ഞത്.
about arya