ബിടിഎസ് അംഗമെന്ന വ്യാജേന സംഘത്തിന്റെ റിലീസ് ചെയ്യാത്ത ഗാനം ചോര്‍ത്തി; യുവാവ് അറസ്റ്റില്‍

ലോകമെമ്പാടും നിരവധി ആരാധകരുള്ള സൗത്ത് കൊറിയന്‍ മ്യൂസിക്കല്‍ ബാന്‍ഡാണ് ബിടിഎസ്. നിരവധി വാര്‍ത്തകളാണ് മ്യൂസിക് ബാന്റുമായി ബന്ധപ്പെട്ട് പുറത്ത് വരാറുള്ളത്. ഇപ്പോഴിതാ ബിടിഎസ് അംഗമായി ആള്‍മാറാട്ടം നടത്തിയ യുവാവ് പിടിയിലായതിനെ കുറിച്ചുള്ള പുതിയ വിവരങ്ങളാണ് പുറത്ത് വരുന്നത്.

ബിടിഎസ് അംഗമാണെന്ന വ്യാജേന സംഘത്തിന്റെ റിലീസ് ചെയ്യാത്ത ഗാനം ചോര്‍ത്തിയെന്ന കേസിലാണ് പോലീസ് യുവാവിനെ അറസ്റ്റ് ചെയ്തിരിക്കുന്നത്.

ബിടിഎസ് ഏജന്‍സിയായ ബിഗ്ഹിറ്റ് മ്യൂസിക് തങ്ങളുടെ വേവേഴ്‌സ് അക്കൗണ്ടിലൂടെയാണ് ഇക്കാര്യം പുറത്തുവിട്ടത്. കൂടാതെ ഏജന്‍സി അംഗങ്ങള്‍ക്കെതിരായി അപകീര്‍ത്തിപ്പെടുത്തുന്ന രീതിയിലുള്ള പ്രവര്‍ത്തനങ്ങള്‍ നടത്തുന്നവര്‍ക്കെതിരെ കടുത്ത നിയമനടപടി സ്വീകരിക്കുമെന്നും ബിഗ്ഹിറ്റ് മ്യൂസിക് അറിയിച്ചു.