Location Photos
മമ്മൂട്ടി ചിത്രം കാതൽ സെറ്റിൽ ജോയിൻ ചെയ്ത് ജ്യോതിക; ചിത്രങ്ങൾ കാണാം
മമ്മൂട്ടി ചിത്രം കാതൽ സെറ്റിൽ ജോയിൻ ചെയ്ത് ജ്യോതിക; ചിത്രങ്ങൾ കാണാം
മമ്മൂട്ടിയെ നായകനാക്കി ജിയോ ബേബി സംവിധാനം ചെയ്യുന്ന പുതിയ സിനിമയാണ് കാതൽ. ജ്യോതികയാണ് ചിത്രത്തില് മമ്മൂട്ടിയുടെ നായികയായി എത്തുന്നത്. 12 വര്ഷങ്ങള്ക്കിപ്പുറം ജ്യോതിക മലയാളത്തിലേക്ക് തിരിച്ചെത്തുന്ന ചിത്രം കൂടിയാണ് ഇത്. ‘കാതൽ’ സെറ്റിൽ എത്തിയിരിക്കുകയാണ് ഇപ്പോൾ ജ്യോതിക. ചിത്രങ്ങളും വീഡിയോയും സോഷ്യൽ മീഡിയയിൽ ശ്രദ്ധ നേടുകയാണ്
ഒക്ടോബർ 20നാണ് ജ്യോതിക- മമ്മൂട്ടി ചിത്രത്തിന് തുടക്കം കുറിച്ചത്. ആദർഷ് സുകുമാരനും പോൾസൺ സ്കറിയയും ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ജിയോ ബേബി സംവിധാനം ചെയ്യുന്ന എഴാമത്തെ ചിത്രം കൂടിയാണ് കാതൽ.
ജ്യോതികയുടെ പിറന്നാള് ദിനത്തിലാണ് ടൈറ്റില് പോസ്റ്ററിനൊപ്പം ചിത്രം പ്രഖ്യാപിച്ചിരിക്കുന്നത്. ഒരു പഴയ ആല്ബത്തില് നിന്നുള്ള ഇരുവരുടെയും പഴയ ഫോട്ടോ കണക്കെയാണ് മനോഹരമായ പോസ്റ്റര് ഡിസൈന് ചെയ്തിരിക്കുന്നത്. ആന്റണി സ്റ്റീഫന് ആണ് പോസ്റ്റര് ഡിസൈനര്.
തിയറ്ററുകളില് വലിയ രീതിയില് ശ്രദ്ധിക്കപ്പെട്ട റോഷാക്കിനു ശേഷം മമ്മൂട്ടി കമ്പനിയുടെ ബാനറില് മമ്മൂട്ടി നിര്മ്മിക്കുന്ന ചിത്രം എന്ന പ്രത്യേകതയും ഈ ചിത്രത്തിന് ഉണ്ട്. മമ്മൂട്ടി കമ്പനി നിര്മ്മിക്കുന്ന മൂന്നാമത്തെ ചിത്രമാണ് ഇത്. ലിജോ ജോസ് പെല്ലിശ്ശേരിയുടെ നന്പകല് നേരത്ത് മയക്കം ആയിരുന്നു ആദ്യ ചിത്രം. വരുന്ന ഐഎഫ്എഫ്കെയിലാണ് ഇതിന്റെ പ്രീമിയര്. അതേസമയം ജിയോ ബേബി സംവിധാനം ചെയ്യുന്ന എഴാമത്തെ ചിത്രമാണ് കാതൽ. ദുൽഖർ സൽമാന്റെ വേഫെറെർ ഫിലിംസ് ആണ് ചിത്രത്തിന്റെ വിതരണം നിർവഹിക്കുന്നത്.
