കത്തനാരെ കാണാൻ എമ്പുരാൻ എത്തി..! ജയസൂര്യ ചിത്രത്തിന്റെ സെറ്റ് സന്ദർശിച്ച് മോഹൻലാൽ;സെറ്റ് ഗംഭീരമായിട്ടുണ്ടെന്നും സിനിമ അതിഗംഭീരമാവട്ടെ എന്നുമുള്ള ആശംസയും അറിയിച്ചു!!
By
റോജിൻ തോമസ് സംവിധാനം ചെയ്ത് എഡിറ്റ് ചെയ്തത്ആർ. രാമാനന്ദ് എഴുതിയഒരു വരാനിരിക്കുന്ന ഇന്ത്യൻ മലയാളം കാലഘട്ടത്തിലെ ഫാന്റസി ത്രില്ലർ ചിത്രമാണ് കത്തനാർ. രണ്ട് സിനിമാറ്റിക് ഭാഗങ്ങളിൽ ആദ്യത്തേതാണ് ഇത്. എന്നാൽ ‘കത്തനാർ’ സിനിമയുടെ സെറ്റ് സന്ദർശിച്ച് എത്തിയ മോഹൻലാലിന്റെ ചിത്രങ്ങളാണ് ഇപ്പോൾ സോഷ്യൽ മീഡിയയിൽ വൈറലായി മാറുന്നത്. സെറ്റിലെത്തിയ മോഹൻലാൽ ഓരോരുത്തരോടും വിശേഷങ്ങൾ പങ്കുവെക്കുകയും സിനിമയ്ക്ക് ആശംസകൾ അറിയിക്കുകയും ചെയ്തു.
കത്തനാർ സിനിമയ്ക്ക് വേണ്ടി കൊച്ചിയിലാണ് പ്രത്യേകം സെറ്റ് തയ്യാറാക്കിയിരിക്കുന്നത്. സെറ്റ് ഗംഭീരമായിട്ടുണ്ടെന്നും സിനിമ അതിഗംഭീരമാവട്ടെ എന്നുമാണ് മോഹൻലാൽ അറിയിച്ചത്. നൂതന സാങ്കേതികവിദ്യയായ വിഎഫ്എക്സ് ആൻഡ് വെര്‍ച്വല്‍ പ്രൊഡക്ഷൻസിലൂടെയാണ് അവതരണം. അതുകൊണ്ട് തന്നെ വലിയ സെറ്റാണ് ചിത്രത്തിന് വേണ്ടി ഒരുക്കിയിരിക്കുന്നത്.
എമ്പുരാൻ ഷൂട്ടിംഗ് പുരോഗമിച്ചുകൊണ്ടിരിക്കുന്നതിനിടയിലാണ് മോഹൻലാലിന്റെ സെറ്റ് സന്ദർശനം. കത്തനാരിൽ മോഹൻലാൽ കാമിയോ റോളിൽ എത്തുമോ എന്നാണ് ചില പ്രേക്ഷകർ ചോദിക്കുന്നത്. അണിയറ പ്രവർത്തകർക്കൊപ്പം ഏറെ നേരം സമയം പങ്കിട്ടശേഷമാണ് അദ്ദേഹം മടങ്ങിയത്. ജയസൂര്യക്കും സംവിധായകൻ റോജിൻ തോമസ് എന്നിവരുമായി മോഹൻലാൽ കൂടിക്കാഴ്ച നടത്തി മടങ്ങാൻ നേരം ചിത്രത്തിന്റെ അണിയറ പ്രവർത്തകർ മോഹൻലാലിന് ഒരു ഗണേശ വിഗ്രഹം സമ്മാനിച്ചു.
‘ഫിലിപ്സ് ആൻഡ് ദ മങ്കിപെൻ’, ‘ജോ ആൻഡ് ദ് ബോയ്’, ‘ഹോം’ എന്നീ സിനിമകള്‍ക്ക് ശേഷം റോജിൻ തോമസ് സംവിധാനം ചെയ്യുന്ന ചിത്രമാണ് ഇത്. കത്തനാരിന്റെ മൂന്നാം ഷെഡ്യൂൾ ആരംഭിച്ചിരിക്കുകയാണ്. ഇനിയും 150 ദിവസത്തെ ഷൂട്ടിംഗ് കൂടി ചിത്രത്തിന് ബാക്കിയുണ്ട്. ജയസൂര്യയുടെ കരിയറിലെ വ്യത്യസ്തമായ വേഷം തന്നെയാവും കത്തനാരിലേത്.
ബോളിവുഡ് താരം അനുഷ്ക ഷെട്ടിയാണ് ചിത്രത്തിൽ നായികയായി എത്തുന്നത്. കൊറിയൻ വംശജനും കനേഡിയൻ പൗരനുമായ ജെ ജെ പാര്‍ക്ക് ആണ് കത്തനാരിൽ സ്റ്റണ്ട് കൊറിയോഗ്രാഫി നിര്‍വഹിക്കുന്നത്. എന്നാൽ ഇതിനോടകം സിനിമയുടേതായി എത്തിയിരിക്കുന്ന ആദ്യ ദൃശ്യങ്ങൾ പ്രേക്ഷകരിൽ ഏറെ ആകാംക്ഷ ജനിപ്പിക്കുന്നതായിരുന്നു.
ഇന്ത്യൻ സിനിമയിൽ നാഴികകല്ലായി മാറാൻ ‘കത്തനാർക്ക് കഴിയുമെന്നാണ് പ്രേക്ഷകാരുടെ പ്രതികരണങ്ങൾ. ഫാന്‍റസിയും ആക്‌ഷനും ഹൊററും ഉദ്വേഗജനകമായ ഒട്ടേറെ മുഹൂർത്തങ്ങളും അത്ഭുതം ജനിപ്പിക്കുന്ന ഐതിഹ്യ കഥകളും എല്ലാം ചേർന്ന ഒരു ഗംഭീര വിഷ്വൽ ട്രീറ്റായിരിക്കും ചിത്രമെന്നാണ് സൂചന.
ഇന്ത്യൻ സിനിമാചരിത്രത്തിൽ തന്നെ വിര്‍ച്വല്‍ പ്രൊഡക്ഷന്‍ ഉപയോഗിച്ച് ചിത്രീകരിക്കുന്ന ആദ്യ സിനിമ കൂടിയാണിത്. ‘ജംഗിൾ ബുക്ക്’, ‘ലയൺ കിങ്’ തുടങ്ങിയ വിദേശ സിനിമകളിള്‍ ഉള്‍പ്പെടെ ഉപയോഗിച്ച വിർച്വൽ പ്രൊഡക്ഷനിലൂടെയാണ് ജയസൂര്യയുടെ ‘കത്തനാര്‍’ ഒരുങ്ങുന്നത്. ചെന്നൈയിലും റോമിലും കൊച്ചിയിലുമായാണ് സിനിമയുടെ ചിത്രീകരണം നടന്നുകൊണ്ടിരിക്കുന്നത്.
മലയാളം, ഹിന്ദി, തമിഴ്, തെലുങ്ക്, കന്നഡ, ഇംഗ്ലിഷ്, ബംഗാളി, ചൈനീസ്, ഫ്രഞ്ച്, കൊറിയൻ, ഇറ്റാലിയൻ, റഷ്യൻ, ഇൻഡോനേഷ്യൻ, ജാപ്പനീസ്, ജര്‍മൻ തുടങ്ങി ഒട്ടേറെ ഭാഷകളിലാണ് സിനിമയുടെ വേൾഡ് വൈഡ് റിലീസ് റിലീസ്. സിനിമയുടെ ഒന്നാം ഭാഗം 2024-ൽ തിയറ്ററുകളിലെത്തുമെന്നാണ് റിപ്പോർട്ട്.
ശ്രീ ഗോകുലം മൂവീസിന്‍റെ ബാനറിൽ ഗോകുലം ഗോപാലൻ ആണ് ചിത്രം നിർമ്മിക്കുന്നത്. ആർ.രാമാനന്ദ് ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ക്യാമറ കൈകാര്യം ചെയ്യുന്നത് നീൽ ഡിക്കൂഞ്ഞയാണ്. സംഗീതം: രാഹുൽ സുബ്രഹ്മണ്യം, എക്സിക്യൂട്ടീവ് പ്രൊഡ്യൂസര്‍: കൃഷ്ണമൂർത്തി, കോ പ്രൊഡ്യൂസേഴ്സ്: വി.സി പ്രവീൺ, ബൈജു ഗോപാലൻ,
പ്രൊഡക്ഷൻ ഡിസൈനർ: രാജീവൻ, വിഎഫ്എക്സ് സൂപ്പർവൈസര്‍: വിഷ്ണുരാജ്, വിർച്വൽ പ്രൊഡക്ഷൻ ഹെഡ്: സെന്തിൽ നാഥൻ, കോസ്റ്റ്യും ഡിസൈനര്‍: ഉത്തര മേനോൻ, മേക്കപ്പ്: റോണക്സ് സേവ്യർ, ആക്ഷൻ ഡയറക്ടര്‍: ജെജെ പാർക്ക്, പ്രൊഡക്ഷൻ കൺട്രോളർ: സിദ്ധു പനക്കൽ, കലാസംവിധാനം അജി കുട്ട്യാനി, റാം പ്രസാദ്, സൗണ്ട് മിക്സിങ് അജിത് എ ജോര്‍ജ്ജ്, ചീഫ് അസോഷ്യേറ്റ് ഡയറക്ടേഴ്സ്: ഗോപേഷ് ശരത്, ഷാലം,
ഗാനരചന: അരുൺ ആലാട്ട്, വിനായക് ശശികുമാര്‍, സച്ചിൻ എസ് കുമാര്‍, കളറിസ്റ്റ്: ശ്രീക് വാര്യര്‍, സൗണ്ട് ഡിസൈനര്‍: അനക്സ് കുര്യൻ, അലീൻ ജോണി, സ്പെൽസ്: ഭാവദാസ്, സ്റ്റിൽസ്: റിഷ്‍ലാൽ ഉണ്ണികൃഷ്ണൻ, വിഎഫ്ക്സ്, വെര്‍ച്വൽ പ്രൊഡക്ഷൻ, ഡിഐ സ്റ്റുഡിയോ: പോയെറ്റിക്, മാർക്കറ്റിങ്: സ്നേക്ക്പ്ലാന്‍റ്.
