താരവും താരപുത്രനും നേർക്കുനേർ വരുമ്പോൾ !

ഇന്ന് രണ്ടു ചിത്രങ്ങളാണ് പ്രതീക്ഷകൾ ഉയർത്തി തിയേറ്ററുകൾ എത്തുന്നത് . ഗാനഗന്ധർവനും മനോഹരവും. ഒരു അവകാശ വാദവുമില്ലാതെയുമാണ് ഇരു ചിത്രങ്ങളും തിയേറ്ററിൽ എത്തുന്നത് . കലാസദൻ ഉല്ലാസായി മമ്മൂട്ടി ഗാനഗന്ധർവനിൽ എത്തുമ്പോൾ മനുവെന്ന കഥാപാത്രമായാണ് വിനീത് ശ്രീനിവാസൻ മനോഹരത്തിൽ അവതരിപ്പിക്കുന്നത് .

താരവും താര പുത്രനും നേർക്കുനേർ എത്തുമ്പോൾ ആര് നേടും എന്ന് കാത്തിരിക്കുകയാണ് പ്രേക്ഷകർ . ഗാനഗന്ധർവൻ
രമേശ് പിഷാരടി സംവിധാനം ചെയ്യുന്ന രണ്ടാമത്തെ ചിത്രമാണിത് .ഗാനമേള ഗായകനായ കലാസദന്‍ ഉല്ലാസ് എന്ന കഥാപാത്രത്തെയാണ് ‘ഗാനഗന്ധര്‍വ്വനി’ല്‍ മമ്മൂട്ടി അവതരിപ്പിക്കുന്നത്. പുതുമുഖം വന്ദിതയാണ് ചിത്രത്തിലെ നായിക.

പോസ്റ്റർ ഡിസൈൻ കലാകാരനായ തനി നാട്ടിന്പുറത്തുകാരനായി വിനീത് ശ്രീനിവാസൻ എത്തുന്ന ചിത്രമാണ് മനോഹരം . പാലക്കാടൻ ഗ്രാമ ഭംഗിയിൽ അതി മനോഹരമായി കഥപറയാൻ ഒരുങ്ങുകയാണ് മനോഹരം .

അന്‍വര്‍ സാദിക്ക് സംവിധാനം നിര്‍വ്വഹിക്കുന്ന ചിത്രത്തില്‍ അപര്‍ണ ദാസ് ആണ് നായികയായെത്തുന്നത്. ‘ഓര്‍മ്മയുണ്ടോ ഈ മുഖം’ എന്ന ചിത്രത്തിന് ശേഷം വിനീത് ശ്രീനിവാസനും അന്‍വര്‍ സാദിഖും വീണ്ടും ഒന്നിക്കുന്ന ചിത്രം എന്ന സവിശേഷതയും ചിത്രത്തിനുണ്ട്. ജെബിന്‍ ജേക്കബാണ് ചിത്രത്തിന് ഛായാഗ്രഹണം നിര്‍വ്വഹിച്ചിരിക്കുന്നത്.

പതിനെട്ടാം പടി , ഉണ്ട , യാത്ര , പേരന്പ് , മധുരരാജാ തുടങ്ങിയ ചിത്രങ്ങൾക്ക് ശേഷം എത്തുന്ന മമ്മൂട്ടി ചിത്രമാണ് ഗാനഗന്ധർവൻ . അരവിന്ദന്റെ അതിഥികൾ , തണ്ണീർമത്തൻ ദിനങ്ങൾ തുടങ്ങിയ ഹിറ്റ് ചിത്രങ്ങളുടെ പിന്ബലത്തോടെയാണ് വിനീത് ശ്രീനിവാസൻ എത്തുന്നത് . എന്തായാലും കാതർക്കം പ്രേക്ഷക വിധിക്കായി !

ganagandhavan and manoharam releasing today