കുമ്മനത്തേക്കാള്‍ പ്രായക്കൂടുതൽ മമ്മൂട്ടിക്കാണ്; എത്ര വയസ്സിനെന്നറിയുമോ ?

മലയാളത്തിന്‍റെ മഹാനടൻ മമ്മൂട്ടി അദ്ദേഹത്തിന്‍റെ ആരാധകര്‍ക്ക് മാത്രമല്ല ഏവര്‍ക്കും വിസ്മയമാണ്. 67 വയസ്സുണ്ട് അദ്ദേഹത്തിനെന്ന് അദ്ദേഹത്തെ കണ്ടാൽ ആര്‍ക്കും പറയാനാകില്ല. തന്‍റെ ശരീരത്തെ അത്ര മനോഹരമായാണ് അദ്ദേഹം മറ്റുള്ളവര്‍ക്ക് മുമ്പിൽ അവതരിപ്പിക്കുന്നത്. ഏറെ സ്റ്റൈലിഷ് വേഷങ്ങളും തനി നാടൻ വേഷങ്ങളും അതിനാൽ തന്നെ അദ്ദേഹത്തിന് പുഷ്പം പോലെ വഴങ്ങും. 

ഇപ്പോള്‍ സോഷ്യൽമീഡിയയിൽ പുതിയ ചര്‍ച്ചാ വിഷയമായിരിക്കുന്നത് മമ്മൂട്ടിയുടേയും എൻഡിഎയുടെ തിരുവനന്തപുരം ലോക്സഭ സ്ഥാനാര്‍ഥിയും മുൻ ബിജെപി സംസ്ഥാന അധ്യക്ഷനുമായ കുമ്മനം രാജശേഖരന്‍റെയും പ്രായമാണ്. മമ്മൂട്ടിക്ക് കുമ്മനത്തേക്കാള്‍ പ്രായക്കൂടുതലുണ്ടെന്ന് കാണിച്ചാണ് വാര്‍ത്തകള്‍ പ്രചരിക്കുന്നത്. ശരിക്കും ഇത് വാസ്തവവുമാണ്. 
വീക്കിപീഡിയ പ്രകാരം മമ്മൂട്ടിയുടെ ജന്മദിനവും വര്‍ഷവുമായി രേഖപ്പെടുത്തിയിരിക്കുന്നത് 1951 സെപ്റ്റംബര്‍ 7 ആണ്. അതു പ്രകാരം അദ്ദേഹത്തിനിപ്പോള്‍ 67 വയസ്സ്. കുമ്മനം രാജശേഖരന്‍റെ ജന്മദിനവും വര്‍ഷവുമായി വിക്കീപീഡിയയിൽ കാണിച്ചിരിക്കുന്നത് 1952 ഡിസംബര്‍ 23 ആണ്. അത് പ്രകാരം അദ്ദേഹത്തിനിപ്പോള്‍ 66 വയസ്സ്. അങ്ങനെ നോക്കുമ്പോള്‍ കുമ്മനം രാജശേഖരനേക്കാള്‍ ഒരു വയസ്സിനും മൂന്ന് മാസത്തിനും പ്രായക്കൂടുതലുണ്ട് മമ്മൂട്ടിക്ക്. 

Kummanam rajashearan and mammootty age difference…