സംവിധായകനാവാനൊരുങ്ങി റസൂൽ പൂക്കുട്ടി

മലയാളികളുടെ അഭിമാനമാണ് റസൂൽ പൂക്കുട്ടി.ചലച്ചിത്ര മേഖലയിലെ ഏറ്റവും വലിയ പുരസ്‌ക്കാരമായ ഓസ്‌കര്‍ നേടി മലയാളികളുടെ അഭിമാനം വനോളമുയര്‍ത്തിയ കലാകാരൻ. പുതിയൊരു ചുവട് വയ്ക്കാനൊരുങ്ങുകയാണ് റസൂൽ പൂക്കുട്ടി ഇപ്പോൾ. സംവിധായകനാകാനുള്ള ഒരുക്കത്തിലാണ് താരം.

ശബ്ദമിശ്രണത്തിനും അഭിനയത്തിനും പുറമെ സംവിധായകനായും കൂടി തിളങ്ങാൻ ഒരുങ്ങുകയാണ് റസൂല്‍ പൂക്കുട്ടി.’സര്‍പകല്‍’ എന്നാണ് ചിത്രത്തിന് പേരു നല്‍കിയിരിക്കുന്നത്.രംഗ് ദേ ബസന്തിയുടെ തിരക്കഥ ഒരുക്കിയ കമലേഷ് പാണ്ഡെ യാണ് സര്‍പകല്‍ എന്ന ബോളിവുഡ് ചിത്രത്തിനായി തിരക്കഥ ഒരുക്കുന്നത്.

ദേശീയ, അന്തര്‍ ദേശീയ തലത്തിലെ താരങ്ങളാണ് ചിത്രത്തിലുണ്ടാവുക.വി എഫ് എക്‌സിന് ഏറെ പ്രാധാന്യമുള്ള ചിത്രം ഒരു ഹോളിവുഡ് സ്റ്റുഡിയോയുമായി ചേര്‍ന്ന് റസൂല്‍ തന്നെയാണ് നിര്‍മ്മിക്കുന്നത്.ഇന്ത്യയിലും വിദേശത്തുമായിട്ടാണ് ചിത്രത്തിന്റെ ഷൂട്ടിങ്ങ് നടക്കുന്നത്.ചിത്രത്തിനായി കാത്തിരിക്കുകയാണ് പ്രേക്ഷകര്‍.

rasool pookutti first directing filim