പത്മരാജന്റെ സ്വന്തം എഡിറ്റർ മധു കൈനകരി അന്തരിച്ചു

ദൂരദർശനിൽ ഫിലിം എഡിറ്റർ ആയിരുന്ന മധു കൈനകരി അന്തരിച്ചു. 71 വയസായിരുന്നു. ഹൃദയാഘാതത്തെ തുടർന്ന് അമ്പലപ്പുഴയിലുള്ള വസതിയിൽ വെച്ച്‌ ഇന്ന് രാവിലെ ആയിരുന്നു അന്ത്യം. ഹൃദയ സംബന്ധമായ അസുഖത്തിന് ചികിത്സയിലാരുന്നു അദ്ദേഹം. എന്നാൽ ഇന്നലെ വരെയും അസ്വസ്ഥതകൾ പ്രകടിപ്പിച്ചിരുന്നില്ല എന്നും ഉന്മേഷവാനായിരുന്നു എന്നും മകൾ പറഞ്ഞു.

പത്മരാജന്റെ സുഹൃത്തും, അദ്ദേഹത്തിന്റെ നിരവധി സിനിമകൾക്ക് ചിത്രസംയോജനം നിർവഹിച്ചിട്ടുണ്ട്. തിരുവനന്തപുരം ദൂരദർശനിൽ ഉൾപ്പടെ മറ്റ് ദൂരദർശൻ കേന്ദ്രങ്ങളിൽ മധു സേവനം അനുഷ്ഠിച്ചിട്ടുണ്ട്. ‘കള്ളൻ പവിത്രൻ’, ‘നവംബറിന്റെ നഷ്ടം’, ‘കൂടെവിടെ’, ‘ഒരിടത്തൊരുരു ഫയൽവാൻ’, ‘പറന്ന് പറന്ന് പറന്ന്’ തുടങ്ങിയ നിരവധി മലയാളം സിനിമകൾക്ക് വേണ്ടി മധു കൈനകരി എഡിറ്റ് ചെയ്തിട്ടുണ്ട്.
അടയാർ ഫിലിം ഇൻസ്റ്റിറ്റ്യൂട്ടിൽ നിന്നും എഡിറ്റിംഗിൽ ബിരുദം നേടിയിട്ടുണ്ട്. ഋദ്ധി, സിദ്ധി എന്നിവരാണ് മക്കൾ.സഹധർമ്മിണി ഓമനാമധു.