ട്രാഫിക് പൊലീസായി സൂപ്പർ താരം – തരംഗമാകുന്ന വീഡിയോക്ക് പിന്നിൽ !!!

ട്രാഫിക് പൊലീസായി സൂപ്പർ താരം – തരംഗമാകുന്ന വീഡിയോക്ക് പിന്നിൽ !!!

ലക്നവിലെ റോഡിലൂടെ യാത്ര ചെയ്യുന്നവർ ചിലപ്പോൾ ബോളിവുഡ് സൂപ്പർസ്റ്റാറിനെ ട്രാഫിക് പോലീസായി കണ്ട അമ്പരപ്പിലായിരിക്കും. കാരണം കഴിഞ്ഞ ദിവസം തിരക്കേറിയ റോഡില്‍ ജനങ്ങളെ വലച്ച രൂക്ഷ ട്രാഫിക് ബ്ലോകില്‍ രക്ഷകനായത് ബോളിവുഡ് താരം ജാക്കി ഷ്‌റോഫ് ആണ് . സ്വയം ട്രാഫിക് പോലീസിന്റെ ജോലിയേറ്റെടുത്തതോടെ ബ്ലോകില്‍ കുടുങ്ങി കിടന്ന വാഹനങ്ങള്‍ക്ക് വഴിയൊരുങ്ങി. . ട്രാഫിക് നിയന്ത്രിക്കുന്ന വീഡിയോ തന്റെ ഫെയ്‌സ്ബുക്ക് ഇന്‍സ്റ്റഗ്രാം അക്കൗണ്ടിലൂടെ പങ്കുവെച്ചു.

ജാക്കിയെ അഭിനന്ദിച്ചും ട്രാഫിക് സംവിധാനത്തെ പഴിച്ചും നിരവധി പേരാണ് രംഗത്തെത്തിയത്. ട്വിറ്ററില്‍ ലൈക്കുകള്‍ വാരിക്കൂട്ടുകയാണ് വിഡിയോ. ഇന്‍സ്റ്റഗ്രാമില്‍ 85000 ല്‍ അധികം പേരാണ് വീഡിയോ കണ്ടത്. സിനിമയില്‍ കൂടുതലും വില്ലന്‍ വേഷങ്ങളാണ് ചെയ്യുന്നതെങ്കിലും ജാക്കി യഥാര്‍ത്ഥ ജീവിതത്തില്‍ നായകനാണെന്നും സത്യത്തിന്റെയും നീതിയുടെയും പാതയിലാണ് അദ്ദേഹമെന്നുമാണ് ആരാധകര്‍ കുറിക്കുന്നത്. താങ്കള്‍ ഒരിക്കലും സിറ്റിയുടെ നടുവില്‍ എത്തരുതായിരുന്നു. ഇവിടെ നടക്കാന്‍ പോലും പ്രയാസമാണെന്നാണ് മറ്റൊരാള്‍ കുറിച്ചത്.

സഞ്ജയ് ദത്തിന്റെ പ്രസ്ഥാനം എന്ന ചിത്രത്തിന്റെ ഷൂട്ടിങ്ങിനായാണ് ജാക്കി ലക്‌നൗവിലെത്തിയത്. തെലുങ്ക് ചിത്രത്തിന്റെ റിമേക്കാണ് ഇത്. മനീഷാ കൊയ്!രാളയും ചിത്രത്തില്‍ പ്രധാന വേഷത്തിലെത്തുന്നുണ്ട്.

jacky shroff viral video