സത്യയുടെ അമ്മ സീരിയലിൽ നിന്ന് പിൻവാങ്ങി; വിമലയായി യമുന എത്തുന്നു

സീ കേരളത്തിൽ സംപ്രേക്ഷണം ചെയ്യുന്ന സത്യ എന്ന പെൺകുട്ടി വിജയകരമായി മുന്നേറുകയാണ്. സത്യയായി മെർഷീനയും, നായക കഥാപാത്രമായി ശ്രീനിഷ് അരവിന്ദുമാണ് പരമ്പരയിൽ. സത്യയുടെ വിവാഹ ശേഷം നടക്കുന്ന സംഭവവികാസങ്ങളാണ് ഇപ്പോൾ പരമ്പരയിൽ

സത്യയുടെ അമ്മ വിമല എന്ന കഥാപാത്രത്തെ അവതരിപ്പിച്ചിരുന്നത് അനില ശ്രീകുമാർ ആയിരുന്നു. എന്നാൽ ഇപ്പോൾ അനില പരമ്പരയിൽ നിന്നും പിന്മാറുകയും വിമലയായി എത്തുന്നത് യമുനയാണ്. യമുന തന്നെയാണ് ഇക്കാര്യം സോഷ്യൽ മീഡിയ വഴി അറിയിച്ചത്. കരിയർ തുടങ്ങിയപ്പോൾ മുതൽ ഇന്ന് വരെ തന്ന പിന്തുണ ഇനിയും ഉണ്ടാകണം എന്നഅഭ്യർത്ഥനയോടെയാണ് യമുന വിശേഷം പങ്ക് വച്ചത്.

അടുത്തിടെ ആയിരുന്നു യമുനയുടെ രണ്ടാം വിവാഹം നടന്നത്. ‘എന്റെ ഭർത്താവിന്റെ പേര് ദേവൻ അയ്യങ്കേരിൽ. അദ്ദേഹം യുഎസ്എയിൽ സൈക്കോതെറാപ്പിസ്റ്റായി ജോലി ചെയ്യുന്നു. എന്റെ ഭർത്താവ് നല്ലൊരു മനുഷ്യനാകണം എന്ന എന്റെ പ്രാർത്ഥന ശ്രീ പത്മനാഭ സ്വാമി കേട്ടുവെന്നും ഡിസംബർ 7 ന് കൊല്ലൂർമൂകാമ്പിക ക്ഷേത്രത്തിൽ അത് നടപ്പായി എന്നും ഞാൻ ശക്തമായി വിശ്വസിക്കുന്നു എന്നായിരുന്നു ആദ്യമായി ഭർത്താവിന് ഒപ്പമുള്ള ചിത്രം പങ്കിട്ട് യമുന പങ്കിട്ടത്

വിവാഹത്തോടെ അഭിനയത്തിൽ നിന്നും പിന്മാറുമോ എന്ന് സംശയിച്ചവർക്കുള്ള മറുപടി കൂടിയാണ് യമുനയുടെ പുതിയ വിശേഷം.