ഡിആര്‍ഐ ഓഫീസില്‍ കവര്‍ച്ചാ ശ്രമം!മോഷണശ്രമത്തിന് ബാലഭാസ്കറിൻറെ മരണവുമായി ബന്ധം?

തിരുവനന്തപുരം ഡിആര്‍ഐ ഓഫീസില്‍ കവര്‍ച്ചാ ശ്രമം നടന്നതായി റിപ്പോര്‍ട്ട്. ഇന്നലെ ഉച്ചയ്ക്ക് ഉദ്യോഗസ്ഥര്‍ ഓഫീസില്‍ എത്തിയപ്പോഴാണ് കവര്‍ച്ചാ ശ്രമം ശ്രദ്ധയില്‍പ്പെട്ടത്.

ഉടന്‍ തന്നെ ഉദ്യോഗസ്ഥര്‍ പൊലീസില്‍ വിവരം അറിയിച്ചു. ഓഫീസിലെ സ്‌ട്രോംഗ് റൂം തുറക്കാന്‍ ശ്രമം നടന്നെന്നാണ് വിലയിരുത്തല്‍. കമ്ബി ഉപയോഗിച്ച്‌ തുറക്കാന്‍ ശ്രമിച്ചതിന്റെ അടയാളങ്ങള്‍ പൊലീസ് കണ്ടെത്തി.

സാധാരണ മോഷണ ശ്രമമല്ലെന്നാണ് പോലീസിന്റെ പ്രാഥമിക വിലയിരുത്തല്‍. സംഭവത്തില്‍ പൊലീസ് അന്വേഷണം ഊര്‍ജിതമാക്കി. അതേസമയം ബാലഭാസ്‌കറിന്റെ സുഹൃത്തുക്കളായ പ്രകാശ് തമ്ബി, വിഷ്ണു സോമസുന്ദരം കസ്റ്റംസ് ഉദ്യോഗസ്ഥനായ രാധാകൃഷ്ണ പിള്ള എന്നിവരുള്‍പ്പെട്ട 2019-ലെ സ്വര്‍ണക്കടത്ത് കേസ് അന്വേഷിച്ചത് തിരുവനന്തപുരം ഡിആര്‍ഐ യൂണിറ്റ് ആയിരുന്നു.
ദിവസങ്ങള്‍ക്ക് മുമ്ബാണ് ബാലഭാസ്‌കറിന്റെ മരണവുമായി ബന്ധപ്പെട്ട കേസ് സിബിഐ ഏറ്റെടുത്തത്. ഇതുമായി മോഷണശ്രമത്തിന് ബന്ധമുണ്ടോയെന്ന് പൊലീസ് അന്വേഷിക്കും.

about bala bhaskar