മമ്മൂട്ടി ചിത്രമായ ‘സിബിഐ 5’ സിനിമയുടെ ചിത്രീകരണം ഉടൻ!

മലയാള സിനിമ ലോകം കാത്തിരിക്കുന്ന മമ്മൂട്ടി ചിത്രമാണ് ‘സിബിഐ 5’. മമ്മൂട്ടിയും കെ മധുവും എസ്‌എന്‍ സ്വാമിയും വീണ്ടും ഒന്നിക്കുന്ന ചിത്രം. ഇതുവരെ പുറത്തുവന്നസിബിഐ പതിപ്പുകളില്‍ വെച്ച്‌ മികച്ചതായിരിക്കുമെന്നാണ് അണിയറ പ്രവര്‍ത്തകര്‍ പറയുന്നത്. കോവിഡ് -19 സ്ഥിതി മെച്ചപ്പെട്ടുകഴിഞ്ഞാല്‍ സിനിമയുടെ ചിത്രീകരണം ആരംഭിക്കും.

അതേസമയം ചിത്രത്തിന്റെ പ്രീപ്രൊഡക്ഷന്‍ ജോലികള്‍ ആരംഭിച്ചു. സംഗീതസംവിധായകനായി ജെയ്‌ക്‍സ് ബിജോയ് കരാര്‍ ഒപ്പ് വെച്ചിരിക്കുകയാണ് എന്നാണ് പുതിയ റിപ്പോര്‍ട്ട്. സിബിഐ സീരീസിലെ നാല് ചിത്രങ്ങളുടെയും ഭാഗമായിരുന്നു മുതിര്‍ന്ന സംഗീത സംവിധായകന്‍ ശ്യാം. വളരെ അധികം പ്രചാരമുള്ള സി‌ബി‌ഐ സിനിമകളുടെ ബിജിഎം സ്‌കോറിന്റെ അപ്‌ഗ്രേഡുചെയ്‌ത പതിപ്പ് ജെയ്‌ക്‍സ് ബിജോയില്‍ നിന്ന് നമുക്ക് പ്രതീക്ഷിക്കാം.
മലയാള സിനിമയിലെ മുന്‍നിര സംഗീതജ്ഞരില്‍ ഒരാളാണ് ജെയ്‌ക്‍സ്. രണം, അയ്യപ്പനും കോശിയും, ഫോറന്‍സിക് തുടങ്ങിയ സിനിമകള്‍ക്ക് സംഗീതം ഒരുക്കിയത്
ജെയ്‌ക്‍സ് ആണ്. സിബിഐ പരമ്ബരയിലെ അവസാന ഭാഗമായ ഈ സിനിമയിലൂടെ മമ്മൂട്ടിയുടെ സേതുരാമയ്യരെ വീണ്ടും കാണുവാനായി കാത്തിരിക്കുകയാണ് ആരാധകര്‍.

about cbi 5