പൃഥ്വിയുമായി നവ്യ ഇഴുകിചേര്ന്ന് നിന്നതെന്തിന്? ചോദ്യത്തിൽ ഞെട്ടി; പിന്നാലെ ആ വിയോഗവർത്ത; ഷൂട്ടിനിടെ പൊട്ടിക്കരഞ്ഞ് നവ്യനായർ!!
By
മഞ്ജു വാര്യർക്ക് ശേഷം തിരിച്ച് വരവിൽ മികച്ച സ്വീകാര്യത ലഭിച്ച നടിയാണ് നവ്യ നായർ. രണ്ടാം വരവ് ഇപ്പോള് നായികമാര്ക്കൊരു രാശിയാണെന്നാണ് പൊതുവെ പറയുന്നത്. അതിനുദാഹാരണമാണ് മഞ്ജു വാര്യരും നവ്യ നായരും ഒക്കെ. മഞ്ജു വിവാഹ മോചനത്തിന് ശേഷമാണ് വന്നത് എങ്കില്, നവ്യ ഭര്ത്താവിന്റെ സപ്പോർട്ടോടു കൂടെയാണ് തിരിച്ചെത്തിയത് എന്ന് മാത്രം.
‘നന്ദനം’ എന്ന ഒരു സിനിമ മതി നവ്യ നായരുടെ അഭിനയ മികവ് ഓർക്കാൻ. ഗുരുവായൂരപ്പൻ്റെ സ്വന്തം ബാലാമണിയായി സ്ക്രീനിൽ തിളങ്ങിയ താരം ഇന്നും മലയാളിക്ക് ആ നാടൻ ചേലുള്ള പെൺകുട്ടി തന്നെയാണ്. അഭിനയവും നൃത്തവും ഒരേപോലെ കൊണ്ടു നടന്ന നവ്യ വിവാഹ ശേഷം ഇവയിൽ നിന്നും വിട്ടു നിൽക്കുകയായിരുന്നു.
അതേസമയം നവ്യ മാത്രമല്ല പൃഥ്വിരാജ് നന്ദനത്തിലൂടെ മലയാളികളുടെ ഹൃദയത്തിൽ ചേക്കേറി. നന്ദനം സിനിമയിലെ ബാലാമണിയും മനുവുമാണ് മലയാളികളുടെ മനസ്സില് ഇപ്പോഴും നവ്യ നായരും പൃഥ്വിരാജ് സുകുമാരനും. ആദ്യമായി പൃഥ്വി നായകനായി അഭിനയിച്ച സിനിമ എന്ന പ്രത്യേകതയും നന്ദനത്തിനുണ്ടായിരുന്നു.
ചിത്രത്തിലെ നവ്യയുടെ പ്രകടനവും ഏറെ ശ്രദ്ധിക്കപ്പെട്ടു. ഇന്നും ബാലാമണിയായിട്ടാണ് നവ്യ അറിയപ്പെടാറുള്ളത്. നന്ദനത്തിന് ശേഷം പല സിനിമകളിലും നവ്യയും പൃഥ്വിയും ഒന്നിച്ച് അഭിനയിച്ചു. എന്നാല് ഇടയ്ക്ക് വെച്ച് ചില വിവാദങ്ങളും താരങ്ങള്ക്ക് നേരിടേണ്ടി വന്നിരുന്നു.
ഇപ്പോഴിതാ പൃഥ്വിരാജിന്റെ പേരിനൊപ്പം ഉണ്ടായ വിമര്ശനങ്ങളെ കുറിച്ച് നവ്യ തന്നെ പറഞ്ഞ വാക്കുകളാണിപ്പോൾ സോഷ്യൽ മീഡിയയിൽ വൈറല് ആകുന്നത്. ഭദ്രന് സംവിധാനം ചെയ്ത വെള്ളിത്തിര എന്ന സിനിമയെ കുറിച്ചായിരുന്നു നവ്യ നായര് പറഞ്ഞത്.
നന്ദനത്തിന്റെ വിജയത്തിന് ശേഷം പൃഥ്വിരാജും നവ്യ നായരും നായിക, നായകന്മാരായി അഭിനയിച്ച സിനിമയായിരുന്നു വെള്ളിത്തിര. ചിത്രത്തിലെ ഇരുവരുടെയും പ്രണയനിമിഷങ്ങള് പങ്കുവെച്ച പാട്ട് രംഗത്തില് ഇഴുകി ചേര്ന്ന് അഭിനയിച്ചുവെന്നാണ് അന്ന് വിമര്ശനമായി ചിലര് പറഞ്ഞത്.
വര്ഷങ്ങള്ക്കു മുന്പ് ജെബി ജംഗ്ഷനില് സംസാരിച്ച നവ്യയുടെ വീഡിയോ വീണ്ടും പ്രചരിച്ചതോടെയാണ് ഈ വിഷയം ഇപ്പോള് ചര്ച്ചയായത്. പൃഥ്വിരാജും ഞാനും ഭയങ്കര ഹോട്ടായി അഭിനയിച്ചു എന്ന് പറഞ്ഞാണ് വിവാദങ്ങള് ഉണ്ടായത്. ഇന്ന് പറഞ്ഞതുപോലെ അന്നത് പറയാന് പറ്റിയില്ല.
കാരണം അതിനുള്ള ധൈര്യം അന്ന് ഉണ്ടായിരുന്നില്ല. പിന്നെ അതിങ്ങനെ ആവും എന്ന് ഒരിക്കലും കരുതിയിരുന്നില്ല. ഇപ്പോഴും അതില് എന്തെങ്കിലും വൃത്തികേട് ഉണ്ടോ എന്ന് എനിക്ക് അറിയില്ല. പക്ഷേ എന്തുകൊണ്ടാണ് അത് അങ്ങനെ ആയതെന്ന് മനസ്സിലാകുന്നില്ല. ഒരുപക്ഷേ നന്ദനം കഴിഞ്ഞത് കൊണ്ട് ആളുകള്ക്ക് ഉള്ക്കൊള്ളാന് കഴിയാത്തത് ആവാം.
ഭയങ്കര ഹോട്ട് സീന് ആണ്, ഇഴുകിച്ചേര്ന്ന് അഭിനയിച്ചു എന്നൊക്കെ പറഞ്ഞാണ് അന്ന് പ്രചരിച്ചത്. ആ സമയത്ത് അമ്മയുടെ ചേച്ചിയുടെ മകളുടെ ഭര്ത്താവ് മരിച്ചിരുന്നു. അവരുടെ കല്യാണം കഴിഞ്ഞിട്ട് 11 മാസമേ ആയിട്ടുള്ളൂ. ചേച്ചി 9 മാസം ഗര്ഭിണിയുമായിരുന്നു. ആ സമയത്താണ് ചേട്ടന്റെ മരണം. സിനിമ വേഗം പൂര്ത്തിയാക്കേണ്ടത് കൊണ്ട് എന്നെ മാത്രം വിട്ടില്ല. ഞാനവിടെ ഓരോ സീന് കഴിയുമ്പോഴും ഇരുന്ന് കരയുകയായിരുന്നു. ആ സമയത്താണ് ഈ രംഗങ്ങളൊക്കെ ചിത്രീകരിച്ചത്.
സിനിമയില് കാണുന്ന ഒരു ഫ്ലോ ഒരിക്കലും നേരിട്ട് ചിത്രീകരിക്കുമ്പോള് ഉണ്ടാവില്ല. ചെറിയ ചെറിയ ഷോട്ടുകള് കൂട്ടിച്ചേര്ത്താണ് അങ്ങനെയൊരു സീന് ഉണ്ടാക്കുന്നത്. പക്ഷേ അത് ആളുകള്ക്ക് ഇത്രയധികം ഫീല് ഉണ്ടാക്കുമെന്ന് എനിക്കറിയില്ലായിരുന്നു. ഞാനൊരു അഭിനേത്രി എന്ന നിലയില് അഭിനയിച്ചു എന്നേയുള്ളൂ. പക്ഷേ ആളുകള് എന്നെ മകളെ പോലെയോ അനിയത്തിയെ പോലെയോ ആണ് കണ്ടിരുന്നത്. അതുകൊണ്ട് അവര്ക്ക് അത് ഉള്ക്കൊള്ളാന് ആയിരുന്നില്ല. എനിക്ക് അതിൽ നല്ല വിഷമം തോന്നിയിരുന്നു.
അന്ന് ഞാന് ഒരു മാഗസിന് അഭിമുഖം കൊടുത്തപ്പോള് അവര് ഒരുപാട് മാറ്റിയാണ് അത് എഴുതിയത്. എന്തിനാണ് അങ്ങനെ മാറ്റി കൊടുത്തതെന്ന് മനസ്സിലായിട്ടില്ല. ഇന്റര്വ്യൂവിന് വന്നിട്ട് വളരെ കാര്യമായി എന്നോട് ചോദിക്കും, പക്ഷേ എഴുതി വരുമ്പോള് വേറെ ആംഗിള് ആവും. അതുപോലെ വേറെയും ആളുകള് ചെയ്യാറുണ്ട്.
