ഇന്ത്യൻ 2 വിൽ എ ആർ റഹ്മാൻ വേണമെന്ന് കമൽഹാസന് നിർബന്ധമുണ്ടായിരുന്നു ; എന്നാൽ ശങ്കർ അനിരുദ്ധിനെ തിരഞ്ഞെടുത്തതിന് കാരണമുണ്ട് !

ഇന്ത്യ ഒട്ടാകെ ആകാംക്ഷയോടെ കാത്തിരിക്കുന്ന ചിത്രമാണ് ശങ്കർ – കമൽഹാസൻ കൂട്ടുകെട്ടിൽ ഒരുങ്ങുന്ന ഇന്ത്യൻ 2 . മുൻനിര താരങ്ങൾ അണിനിരക്കുന്ന ചിത്രത്തിൽ ഒന്നാം ഭാഗത്തെ ചില താരങ്ങളുമുണ്ട്. പക്ഷെ സംഗീതം മാത്രം വേറെയാണ്. ഇന്ത്യന് വേണ്ടി സംഗീതമൊരുക്കിയ എ ആർ റഹ്‌മാൻ അല്ല ഇന്ത്യൻ 2 വിൽ . അത് അനിരുദ്ധ് ആണ് .

എ ആര്‍ റഹ്മാന്‍ ചിത്രത്തിന് സംഗീത സംവിധാനം നിര്‍വ്വഹിക്കണം എന്നായിരുന്നു കമലിന്റെ ആഗ്രഹം. ഇത് ശങ്കറിനോട് പറയുകയും ചെയ്തിരുന്നു. എന്നാല്‍ ഒരു മാറ്റം അനിവാര്യമാണെന്ന് പറഞ്ഞ് ശങ്കര്‍ അനിരുദ്ധിനെ തീരുമാനിക്കുകയായിരുന്നു.

ഒരു അഭിമുഖത്തില്‍ സംസാരിക്കവെ എ ആര്‍ റഹ്മാന്‍ തന്നെയാണ് ഇക്കാര്യം വെളിപ്പെടുത്തിയത്. എല്ലായ്‌പ്പോഴും തന്റെ സിനിമകളില്‍ പുതിയതെങ്കിലും തിരയുന്ന ആളാണ് ശങ്കര്‍. അതിന്റെ ഭാഗമാണ് ഇതെന്ന് റഹ്മാന്‍ പറയുന്നു.

നന്‍പന്‍, അന്യന്‍ എന്നീ ചിത്രങ്ങള്‍ക്ക് മാത്രമാണ് ശങ്കര്‍ എ ആര്‍ റഹ്മാന്‍ അല്ലാതെ മറ്റൊരു സംഗീത സംവിധായകന് അവസരം നല്‍കിയത്. ഹാരിസ് ജയരാജാണ് ഈ ചിത്രങ്ങള്‍ക്ക് സംഗീതം നല്‍കിയത്. ശങ്കര്‍ ചിത്രങ്ങളിലെ ഏറ്റവും വലിയ ആകര്‍ഷണങ്ങളിലൊന്നാണ് പാട്ടുകള്‍. ഇന്ത്യന്‍ 2 യിലും വേറിട്ട ഗാനങ്ങള്‍ ആസ്വദിക്കാം.

why anirudh replaces a r rahman in indian 2