ബാലൻ വക്കീലിനെ നെഞ്ചിലേറ്റിയ ആരാധകരെ കാണാൻ ദിലീപ് ഇന്നെത്തുന്നു , തിരുവനന്തപുരത്ത് !

ഹൃദയപക്ഷത്ത് ചേർത്ത് നിർത്തിയിരിക്കുകയാണ് ദിലീപിനെ കോടതി സമക്ഷം ബാലൻ വക്കീലിലൂടെ ആരാധകർ . മികച്ച പ്രതികരണവുമായി ചിത്രം മുന്നേറുമ്പോൾ ദിലീപ് തന്റെ ആരാധകരെ നേരിട്ട് കാണാൻ എത്തുകയാണ്.

ചിത്രത്തിന്റെ വിജയം ആഘോഷിക്കാൻ തിരുവനന്തപുരം ന്യു തിയേറ്ററിലാണ് ജനപ്രിയ നായകൻ എത്തുന്നത്. ഇന്ന് വൈകിട്ട് അഞ്ചു മണിക്കാണ് നടൻ എത്തുന്നത്.സിനിമ തീയറ്റുകളിലെത്തി മികച്ച പ്രതികരണം നേടുകയാണ്.

മംമ്ത മോഹന്‍ദാസ് നായികയാവുന്ന ചിത്രത്തിന്റെ രചനയും ബി ഉണ്ണികൃഷ്‌ണൻ തന്നെയാണ് നിർവഹിച്ചിരിക്കുന്നത് . അജു വർഗീസ് , പ്രിയ ആനന്ദ് , തുടങ്ങിയവരും പ്രധാന വേഷത്തിൽ എത്തുന്നു .

പ്രമുഖ ബോളിവുഡ് നിര്‍മ്മാണക്കമ്ബനി വയാകോം 18 മോഷന്‍ പിക്‌ചേഴ്‌സ് ആണ് നിര്‍മ്മാണം. ഛായാഗ്രഹണം അഖില്‍ ജോര്‍ജ്. ഗോപി സുന്ദറും രാഹുല്‍ രാജും ചേര്‍ന്ന് സംഗീത സംവിധാനം.

success celebration of kodathi samaksham balan vakkeel