ലൈഫില്‍ വലിയ പ്ലാനിങുകള്‍ ഇല്ലാത്ത ആളാണ് ഞാൻ ; കുഞ്ഞിന് പേര് കണ്ടെത്താനുള്ള തിരിച്ചിലാണ് ഇപ്പോൾ ; സ്നേഹ ശ്രീകുമാർ
മലയാളി പ്രേക്ഷകരുടെ പ്രിയപ്പെട്ട താരദമ്പതികളാണ് സ്നേഹയും ശ്രീകുമാറും. മറിമായം എന്ന ടെലിവിഷൻ പരമ്പരയിലൂടെയാണ് ഇരുവരും പ്രേക്ഷക ശ്രദ്ധ നേടുന്നത്. ചിരിയാണ് ഇവരുടെ ട്രേഡ് മാർക്ക്. പാട്ടും ഡാൻസുമൊക്കെയായി സോഷ്യൽ മീഡിയയിൽ സജീവമാണ് ഇരുവരും. ശ്രീയുടെ പാട്ടിന് സ്നേഹ ചുവടുവെക്കാറുമുണ്ട്. ഇവരുടെ പുതിയ വ്ളോഗ് ശ്രദ്ധ നേടുകയാണ്.
താന്‍ ഗര്‍ഭിണിയാണ് എന്ന് സ്നേഹ ശ്രീകുമാര്‍ തന്റെ യൂട്യൂബ് ചാനലിലൂടെ പങ്കുവച്ചത് വളരെ സന്തോഷത്തോടെയാണ്. ഏറെ വൈകിയാണ് ഗര്‍ഭിണിയാണ് എന്ന് അറിഞ്ഞത്. ഒട്ടും പ്രതീക്ഷിച്ചിരുന്നില്ല എന്നതൊക്കെ ആ വീഡിയോയില്‍ തന്നെ സ്നേഹ പറയുന്നുണ്ട്. ഗര്‍ഭിണിയാണ് എന്ന് അറിയാതെ ട്രക്കിങിന് വരെ പോയിട്ടുണ്ടെന്നാണ് ഇപ്പോള്‍ ഒരു യൂട്യൂബിന് നല്‍കിയ അഭിമുഖത്തില്‍ സ്നേഹ വെളിപ്പെടുത്തിയിരിയ്ക്കുന്നത്. ഇപ്പോള്‍ ആലോചിക്കുമ്പോള്‍ പേടി തോന്നുന്നു.
പ്രെഗ്നന്റ്‌സി പോസിറ്റീവ് ആണ് എന്ന് അറിയുന്നതിന് രണ്ടാഴ്ച മുന്‍പ് വയനാട് ഒരു ഫോറസ്റ്റ് ഏരിയയില്‍ ഞങ്ങള്‍ ട്രക്കിങിന് എല്ലാം പോയിരുന്നു. കാണിക്കാത്ത സാഹസികതള്‍ ഉണ്ടായിരുന്നില്ല. ഒട്ടും കെയര്‍ ചെയ്തിരുന്നില്ല എന്നതാണ് സത്യം. ഇങ്ങനെ ഒന്നുണ്ട് എന്ന് ചിന്തിയ്ക്കുന്നതേ ഉണ്ടായിരുന്നില്ലല്ലോ. അത് കഴിഞ്ഞ് നാട്ടിലെത്തി, മറിമായത്തിന്റെ ഷൂട്ടിങിന് വേണ്ടി പോയി.
മറിമായത്തിന്റെ ഷൂട്ടിങ് തുടങ്ങി, രണ്ടാമത്തെ ദിവസമാണ് എനിക്ക് അസ്വസ്ഥത തോന്നിയത്. ഭക്ഷണം കഴിക്കുമ്പോള്‍ എനിക്ക് എന്തോ നെഞ്ച് എരിയുന്നത് പോലെ തോന്നി. അടുത്ത ദിവസം എനിക്ക് ദുബായിയ്ക്ക് പോകാനുള്ളതാണ്, അവിടെ ചെന്ന് പട്ടിണി കിടക്കേണ്ട എന്ന് കരുതി ഡോക്ടറെ കാണാന്‍ പോയി. എന്നെ കണ്ടപ്പോള്‍ തന്നെ ഡോക്ടര്‍ പറഞ്ഞിരുന്നു പ്രെഗ്നന്റ് ആണ് എന്ന്.
ബ്ലഡ് റിസള്‍ട്ട് എല്ലാം വന്നപ്പോഴേക്കും പോസിറ്റീവ് ആണ്. അപ്പോഴേക്കും പന്ത്രണ്ട് ആഴ്ച കഴിഞ്ഞിരുന്നു. ശ്രീയെ വിളിച്ച് പറഞ്ഞപ്പോള്‍ പ്രത്യേകിച്ച് വലിയ രീതിയിലുള്ള പ്രതികരണങ്ങള്‍ ഒന്നും ഉണ്ടായിരുന്നില്ല. ഷൂട്ടിങില്‍ ആയിരുന്നു, ലൈവ് റെക്കോര്‍ഡിങ് നടക്കുന്നത് കൊണ്ട് അധികം ആഹ്ലാദ പ്രകടനം നടത്താന്‍ കഴിഞ്ഞില്ല എന്നാണ് ശ്രീകുമാര്‍ പറഞ്ഞത്. പിന്നെ സന്തോഷത്തില്‍ ഒന്ന് സ്റ്റക്ക് ആകുകയും ചെയ്തു.
ഇപ്പോള്‍ ആറ് മാസമായി, കുഞ്ഞിന് പേര് കണ്ടെത്താനുള്ള തിരച്ചിലിലാണ്. ഹോസ്പിറ്റലില്‍ നിന്ന് തന്നെ പേര് രജിസ്റ്റര്‍ ചെയ്യണം എന്നുണ്ടല്ലോ. അപ്പോഴൊരു കണ്‍ഫ്യൂഷന്‍ വേണ്ട എന്ന് കരുതി കുഞ്ഞിനായുള്ള പേരൊക്കെ തിരയുന്നുണ്ട്. എത്ര കുട്ടികള്‍ വേണം എന്ന പ്ലാനിങി ഒന്നും ഇപ്പോഴില്ല എന്ന് ചോദ്യത്തോട് പ്രതികരിക്കവെ സ്നേഹ പറഞ്ഞു. പൊതുവെ ലൈഫില്‍ വലിയ പ്ലാനിങുകള്‍ ഇല്ലാത്ത ആളാണ് താനെന്നാണ് സ്നേഹ പറയുന്നത്.
