കരീനാ കപൂറും സെയ്ഫ് അലി ഖാനും വേർപിരിയും; പ്രവചനവുമായി ജ്യോതിഷി

താരദമ്പതികളാണ് കരീനാ കപൂറും സെയ്ഫ് അലി ഖാനും. കുടുംബജീവിതത്തിനും കരിയറിനും ഒരുപോലെ പ്രാധാന്യം നൽകുന്ന താരദമ്പതികൾ ഉടൻ തന്നെ വേരി‍പിരിയുമെന്നാണ് ഒരു ജ്യോതിഷിയുടെ പ്രവചനം. സുശീൽ കുമാർ സിം​ഗ് എന്ന ജ്യോതിഷിയാണ് സിദ്ധാർത്ഥ് കണ്ണനുമായി നടത്തിയ അഭിമുഖത്തിൽ പ്രവചനം നടത്തിയത്.

ഒന്നര വർഷത്തിനുള്ളിൽ താര ​​ദമ്പതികൾ വിവാഹമോചനം നേടുമെന്നാണ് ഇയാൾ പ്രവചിക്കുന്നത്. കൂടാതെ 2010 ൽ ഇവരുടെ വിവാഹത്തെക്കുറിച്ചും പ്രവചിച്ചിരുന്നുവെന്നും അന്നു തന്നെ ഈ വിവാഹം വർക്കാകില്ലെന്ന് പറഞ്ഞിരുന്നതായും ഇയാൾ അവകാശപ്പെടുന്നുണ്ട്. പിന്നാലെ നിരവധി പേരാണ് വിമർശനവുമായി രം​ഗത്തെത്തിയിരിക്കുന്നത്.

2012 ൽ വിവാഹിതരായ ഇരുവർക്കും രണ്ടു ആൺമക്കളുണ്ട്. തൈമൂർ, ജെഹാംഗീർ എന്നാണ് മക്കളുടെ പേരുകൾ. 2016-ൽ മൂത്ത മകൻ തൈമൂർ അലി ഖാന് കരീന ജന്മം നൽകി. 2021-ൽ രണ്ടാമത്തെ മകൻ ജെഹാംഗീർ അലി ഖാനും ജനിച്ചു. സെയ്ഫ് നേരത്തെ നടി അമൃത സിങ്ങിനെ വിവാഹം ചെയ്തിരുന്നു.

ഈ ബന്ധത്തിൽ സെയ്ഫിനും അമൃതയ്ക്കും സാറാ അലി ഖാൻ, ഇബ്രാഹിം അലി ഖാൻ എന്നിങ്ങനെ രണ്ടു മക്കളുണ്ട്. 2004-ൽ സെയ്ഫ് അമൃതയുമായി പിരിഞ്ഞു. പിന്നീട് എട്ടു വർഷങ്ങൾക്കു ശേഷമാണ് കരീനയെ വിവാഹം ചെയ്യുന്നത്. 2012 ഒക്ടോബർ 16-നായിരുന്നു സെയ്ഫിന്റേയും കരീനയുടേയും വിവാഹം.