Malayalam
എംഎ ഭരതനാട്യത്തില് രണ്ടാം റാങ്ക്; വലിയ മാനസിക സംഘര്ഷത്തിലാണ് പരീക്ഷ എഴുതിയതെന്ന് ആര്എല്വി രാമകൃഷ്ണന്
എംഎ ഭരതനാട്യത്തില് രണ്ടാം റാങ്ക്; വലിയ മാനസിക സംഘര്ഷത്തിലാണ് പരീക്ഷ എഴുതിയതെന്ന് ആര്എല്വി രാമകൃഷ്ണന്
പ്രേക്ഷകര്ക്കേറെ പ്രിയങ്കരനാണ് കലാഭവന് മണിയുടെ സഹോദരനും നൃത്താധ്യാപകനുമായ ആര്എല്വി രാമകൃഷ്ണന്. ഇപ്പോഴിതാ എംഎ ഭരതനാട്യത്തില് രണ്ടാം റാങ്ക് നേടിയ സന്തോഷം പങ്കുവെച്ചിരിക്കുകയാണ് അദ്ദേഹം. കാലടി സംസ്കൃത സര്വ്വകലാശാലയില് നിന്നാണ് പഠനം പൂര്ത്തിയാക്കിയത്.
വലിയ മാനസിക സംഘര്ഷങ്ങള്ക്കിടെ പരീക്ഷ എഴുതിയിട്ടും റാങ്ക് കരസ്ഥമാക്കിയ വിവരം ആര്എല്വി രാമകൃഷ്ണന് തന്നെയാണ് സോഷ്യല് മിഡിയ വഴി പങ്കുവച്ചത്. കഴിഞ്ഞ രണ്ട് വര്ഷമായി കാലടി സംസ്കൃത സര്വ്വകലാശാലയില് എം.എ ഭരതനാട്യം ഫുള് ടൈം വിദ്യാര്ത്ഥിയായി പഠിക്കുകയായിരുന്നു ആര്എല്വി രാമകൃഷ്ണന്.
കഴിഞ്ഞ ദിവസമാണ് റിസള്ട്ട് വന്നത്. ലിസ്റ്റില് എം.എ ഭരതനാട്യം രണ്ടാം റാങ്കും നേടി. കഴിഞ്ഞ മാസം ഉണ്ടായ പ്രശ്നങ്ങള്ക്കിടയിലായിരുന്നുപരീക്ഷ. അതുകൊണ്ടുതന്നെ വലിയ മാനസിക സംഘര്ഷത്തിലാണ് പരീക്ഷ എഴുതിയത്. ഭരതനാട്യത്തിലെ നേട്ടത്തോടെ നൃത്തത്തില് ഡബ്ബിള് എം.എ കാരനായി രാമകൃഷ്ണന്.
ഭരതനാട്യത്തിന് പുറമേ മോഹിനിയാട്ടത്തിലാണ് ആര്എല്വി രാമകൃഷ്ണന് എംഎ നേടിയത്. മോഹിനിയാട്ടത്തില് കേരള സംഗീത നാടക അക്കാദമി അവാര്ഡും നേടിയിട്ടുണ്ട്. കഴിഞ്ഞ മാര്ച്ചില് ആര്എല്വിക്കെതിരെ ജൂനിയര് കലാമണ്ഡലം സത്യഭാമ നടത്തിയ വംശീയാധിക്ഷേപം വലിയ ചര്ച്ചകള്ക്കും വിമര്ശനങ്ങള്ക്കും വഴി വച്ചിരുന്നു.
മോഹിനാട്ടം അവതരിപ്പിക്കാന് സൗന്ദര്യം വേണമെന്നും രാമകൃഷ്ണന് കാക്കയുടെ നിറമാണെന്നുമെല്ലാമായിരുന്നു സത്യഭാമയുടെ വാക്കുകള്. ഒരു യൂട്യൂബ് ചാനലിന് നല്കിയ അഭിമുഖത്തിനിടെ പറഞ്ഞ വാക്കുകള് വലിയ തോതില് വിവാദമാകുകയായിരുന്നു.
അതേസമയം, രാമകൃഷ്ണനെ അധിക്ഷേപിച്ച കേസില് സത്യഭാമ കീഴങ്ങണമെന്ന് ഹൈക്കോടതി നിര്ദേശിച്ചിരുന്നു. ഒരാഴ്ചക്കുള്ളില് കേസ് പരിഗണിക്കുന്ന തിരുവനന്തപുരത്തെ കോടതിയില് ഹാജരാകാനാണ് നിര്ദേശം നല്കിയിരിക്കുന്നത്.
അന്നേദിവസം തന്നെ കീഴ്ക്കോടതി ജാമ്യാപേക്ഷ പരിഗണിച്ച് ഉചിതമായ തീരുമാനം എടുക്കണമെന്നും സിംഗിള് ബെഞ്ച് ഉത്തരവിട്ടു. സത്യഭാമ സമര്പ്പിച്ച മുന്കൂര് ജാമ്യാപേക്ഷ തീര്പ്പാക്കിയാണ് ഹൈക്കോടതിയുടെ നിര്ദേശം.
