വിശ്വസിക്കാന്‍ കഴിയുന്നില്ല, എന്തിന് വേണ്ടി ഇങ്ങനെ ചെയ്തു രാജേഷ് മാസ്റ്ററുടെ വിയോഗത്തില്‍ വേദന പങ്കുവെച്ച് താരങ്ങള്‍
ഡാൻസ് കോറിയോഗ്രാഫറായ രാജേഷ് മാസ്റ്റര്‍ അന്തരിച്ചു. താരങ്ങളെല്ലാം ആദരാഞ്ജലി അറിയിച്ച് എത്തിക്കൊണ്ടിരിക്കുകയാണ്. എന്തിനാണ് അദ്ദേഹം സ്വയം ജീവനൊടുക്കിയതെന്നായിരുന്നു ചോദ്യങ്ങള്‍. ബീന ആന്റണിയും ടിനി ടോമും ദേവി ചന്ദനയുമെല്ലാം രാജേഷ് മാസ്റ്ററിനെക്കുറിച്ചുള്ള കുറിപ്പുമായെത്തിയിട്ടുണ്ട്. നിങ്ങള്‍ പോയെന്ന് വിശ്വസിക്കാനാവുന്നില്ല. ഒരുപാട് നല്ല ഓര്‍മ്മകള്‍ എന്നായിരുന്നു സുഹൃത്തുക്കളും പറഞ്ഞത്.
വിശ്വസിക്കാന്‍ കഴിയുന്നില്ല. എന്തിന് വേണ്ടി ഇങ്ങനെ ചെയ്തു രാജേഷ്, ഒരുനിമിഷത്തെ വികല്‍പ്പമായ ചിന്തകള്‍ നമ്മുടെ ജീവിതം തകര്‍ത്ത് കളയുന്നു എന്നായിരുന്നു ബീന ആന്റണി കുറിച്ചത്. അയ്യോ എങ്ങനെ എന്നായിരുന്നു സോന നായര്‍ ചോദിച്ചത്.
ശരിക്കും ഷോക്കായിപ്പോയി. രാജേഷ് മാസ്റ്റര്‍ നമ്മളെ വിട്ട് പോയെന്ന് വിശ്വസിക്കാനാവുന്നില്ല. എന്റെ ഡാന്‍സില്‍ ബോളിവുഡ് മൂവ്‌മെന്‍സ് കൊണ്ടുവന്നത് നിങ്ങളാണ്. ഇന്നലെ കിട്ടിയത് നിങ്ങളുടെ അവസാനത്തെ മെസ്സേജാണെന്ന് എനിക്ക് വിശ്വസിക്കാനാവുന്നില്ലെന്നായിരുന്നു ദേവി ചന്ദനയുടെ കുറിപ്പ്. വിശ്വസിക്കാനാവാത്ത വാര്‍ത്ത, അദ്ദേഹത്തിന് എന്താണ് സംഭവിച്ചത് ഇങ്ങനെ ചെയ്യാന്‍ എന്നായിരുന്നു കമന്റുകള്‍. ഫേസ്ബുക്ക് പേജിലൂടെ ടിനി ടോമും രാജേഷ് മാസ്റ്ററിന് ആദരാഞ്ജലി അറിയിച്ചിരുന്നു.
