Connect with us

ഞാന്‍ വീട്ടില്‍ മലയാളം തന്നെയല്ലേ പറയുന്നത്, നിലു കണ്ടുപിടിക്കുന്ന വാക്കുകള്‍ എന്നെ അത്ഭുതപ്പെടുത്തുന്നുണ്ടെന്ന് പേളി; പുതിയ വീഡിയോയുമായി പേളിയും ശ്രീനിഷും

Malayalam

ഞാന്‍ വീട്ടില്‍ മലയാളം തന്നെയല്ലേ പറയുന്നത്, നിലു കണ്ടുപിടിക്കുന്ന വാക്കുകള്‍ എന്നെ അത്ഭുതപ്പെടുത്തുന്നുണ്ടെന്ന് പേളി; പുതിയ വീഡിയോയുമായി പേളിയും ശ്രീനിഷും

ഞാന്‍ വീട്ടില്‍ മലയാളം തന്നെയല്ലേ പറയുന്നത്, നിലു കണ്ടുപിടിക്കുന്ന വാക്കുകള്‍ എന്നെ അത്ഭുതപ്പെടുത്തുന്നുണ്ടെന്ന് പേളി; പുതിയ വീഡിയോയുമായി പേളിയും ശ്രീനിഷും

മിനിസ്‌ക്രീന്‍ പ്രേക്ഷകര്‍ക്ക് സുപരിചിതരാണ് പേളി മാണിയും ശ്രീനിഷും. അവതാരകയായും നടിയായും തിളങ്ങിയ പേളിയും നടനായ ശ്രീനിഷും ബിഗ്‌ബോസ് എന്ന റിയാലിറ്റി ഷോയില്‍ എത്തിയതിനു ശേഷമാണ് പ്രണയത്തിലാകുന്നതും വിവാഹിതരാകുന്നതും. സോഷ്യല്‍ മീഡിയയില്‍ വളരെ സജീവമായ ഇരുവരും തങ്ങളുടെ ചിത്രങ്ങളും വിശേഷങ്ങളും എല്ലാം തന്നെ പങ്കുവെച്ച് എത്താറുണ്ട്. ഇവരുടെ മകൾ നിലയും സോഷ്യൽ മീഡിയയിലെ താരമാണ്.

ഇപ്പോഴിതാ സിംഗപ്പൂര്‍ ട്രിപ്പിനെക്കുറിച്ച് പറഞ്ഞെത്തിയിരിക്കുകയാണ് തന്റെ യൂട്യൂബ് ചാനലിലൂടെ പേളി. ഞങ്ങള്‍ സിംഗപ്പൂരിലേക്ക് പോവുകയാണ്. കുറേ ദിവസമായി പ്ലാന്‍ ചെയ്ത കാര്യമായിരുന്നു. ഞങ്ങളെല്ലാവരും പാക്ക് ചെയ്തു. തന്റെ കളി സാധനങ്ങളെല്ലാം ഒരു ബാസ്‌ക്കറ്റിലിട്ട് പാക്ക് ചെയ്യുകയായിരുന്നു നില.

ഞങ്ങളുടെ കൂടെ ഡാഡി വരുന്നുണ്ട്. ഡാഡിയും ഞാനുമാണ് വീട്ടില്‍ ഏറ്റവും ബഹളം വെക്കുന്നവര്‍. ഇത്തവണ ഞാനും വീഡിയോ എടുക്കുന്നുണ്ട്. ഞങ്ങളൊരു പുതിയ ക്യാമറ മേടിച്ചിട്ടുണ്ട്. സ്‌കൂളില്‍ പഠിച്ചിരുന്ന സമയത്ത് ഞാന്‍ സിംഗപ്പൂരിലേക്ക് പോയിട്ടുണ്ട്. പ്ലസ് വണ്ണില്‍ പഠിക്കുന്ന സമയത്തെന്തോ ആണ് ഞാന്‍ പോയത്. അന്നത്തെ ഫോട്ടോകളും പേളി വീഡിയോയില്‍ കാണിച്ചിരുന്നു. ആ ഫോട്ടോ കണ്ട് കമന്റ് ചെയ്യണ്ട, അതൊന്നും എനിക്ക് കേള്‍ക്കണ്ടെന്നും പേളി പറയുന്നുണ്ടായിരുന്നു.

ആദ്യമായാണ് ഇത്രയും ദിവസം ട്രിപ്പ് പോവുന്നതെന്നായിരുന്നു പേളിയുടെ ഡാഡി പറഞ്ഞത്. പ്രാര്‍ത്ഥിച്ചായിരുന്നു പേളിയും കുടുംബവും വീട്ടില്‍ നിന്നും ഇറങ്ങിയത്. നിലു കണ്ടുപിടിക്കുന്ന വാക്കുകള്‍ എന്നെ ശരിക്കും അത്ഭുതപ്പെടുത്തുന്നുണ്ട്. ഞാന്‍ വീട്ടില്‍ മലയാളം തന്നെയല്ലേ ശ്രീനി പറയുന്നതെന്നും ഇടയ്ക്ക് പേളി ശ്രീനിയോട് ചോദിച്ചിരുന്നു. ഞാന്‍ മാത്രമല്ല നിങ്ങളും ബാഗ് പാക്ക് ചെയ്ത് ഞങ്ങളുടെ കൂടെ വരാന്‍ തയ്യാറായിക്കോളൂയെന്നും പേളി പറഞ്ഞിരുന്നു. വീഡിയോ വരാനായി കാത്തിരിക്കുകയായിരുന്നു. നിങ്ങളുടെ വീഡിയോ എത്ര കണ്ടാലും മതിവരില്ല. ഇനി യാത്ര പോവുമ്പോള്‍ ശ്രീനിയുടെ അച്ഛനേയും അമ്മയേയും കൂട്ടണം. ഇവരുടെ കൂടെ നമ്മളും പോയത് പോലെയാണ് തോന്നുന്നത്. ഈ വീഡിയോ മനോഹരമാണെന്ന് ഒരാള്‍ പറഞ്ഞപ്പോള്‍ ഇനിയും കുറച്ച് വരാനുണ്ടെന്നായിരുന്നു പേളി പറഞ്ഞത്.

More in Malayalam

Trending

Recent

To Top