Movies
രാമലീലയ്ക്ക് ശേഷം അരുണ്‍ ഗോപി ദിലീപ് ചിത്രം കളിക്കോട്ട പാലസില്‍ ആരംഭിച്ചു
രാമലീലയ്ക്ക് ശേഷം അരുണ്‍ ഗോപി ദിലീപ് ചിത്രം കളിക്കോട്ട പാലസില്‍ ആരംഭിച്ചു
രാമലീലയ്ക്ക് ശേഷം അരുണ്‍ ഗോപി സംവിധാനം ചെയ്യുന്ന ദിലീപ് ചിത്രം കളിക്കോട്ട പാലസില്‍ ആരംഭിച്ചു. ദുരൂഹതകള്‍ ഒരുക്കി ജേര്‍ണി കം ത്രില്ലറായിരിക്കും ചിത്രം.ഉദയ്കൃഷ്ണയുടേതാണ് തിരക്കഥ.
തെന്നിന്ത്യന്‍ നടി തമന്ന നായികയാകുന്ന ചിത്രത്തില്‍ മറ്റു ഭാഷകളിലെ അഭിനേതാക്കള്‍ ശ്രദ്ധേയമായ വേഷം കൈകാര്യം ചെയ്യുന്നുണ്ട്. ബോളിവുഡിലെ അഞ്ചു പ്രമുഖ വില്ലന്മാര്‍ ഈ ചിത്രത്തില്‍ അഭിനയിക്കുന്നുണ്ടെന്ന് സംവിധായകനായ അരുണ്‍ ഗോപി പറഞ്ഞു.
അജിത് വിനായകാ ഫിലിംസിന്റെ ബാനറില്‍ വിനായകാ അജിത്താണ് ഈ ചിത്രം നിര്‍മ്മിക്കുന്നത്. കൊച്ചി, യു.പി, ജാര്‍ഖണ്ഡ്, ഗുജറാത്ത്, മുംബൈ എന്നിവിടങ്ങളിലായിട്ടാണ് ഈ ചിത്രത്തിന്റെ ചിത്രീകരണം പൂര്‍ത്തിയാകുന്നത്.
സിദ്ദിഖ്, കലാഭവന്‍ ഷാജോണ്‍, ഗണേഷ് കുമാര്‍, എന്നിവരും ഈ ചിത്രത്തിലെ പ്രധാന വേഷങ്ങളിലെത്തുന്നു. സംഗീതം -സാം സി.എസും ഷാജികുമാര്‍ ഛായാഗ്രഹണവും വിവേക് ഹര്‍ഷന്‍ എഡിറ്റിംഗും നിര്‍വഹിക്കുന്നു. കലാസംവിധാനം – സുഭാഷ് കരുണ്‍,മേക്കപ്പ് – രഞ്ജിത്ത് അമ്പാടി, കോസ്റ്റ്യം ഡിസൈന്‍-പ്രവീണ്‍ വര്‍മ്മ,അസോസിയേറ്റ് ഡയറക്ടര്‍ – പ്രകാശ്.ആര്.നായര്‍, ചീഫ് അസ്സോസിയേറ്റ് ഡയറക്ടര്‍ -രതീഷ് പാലോട്, പ്രൊഡക്ഷന്‍ എക്സിക്യുട്ടീവ്സ്- ഷിഹാബ് വെണ്ണല, ആന്റണി കുട്ടമ്പുഴ.കൊച്ചി, യു.പി, ജാര്‍ഖണ്ഡ്, ഗുജറാത്ത്, മുംബൈ എന്നിവിടങ്ങളിലായിട്ടാണ് ചിത്രീകരണം.
