കേ​ര​ള ക്രി​ക്ക​റ്റ് ലീ​ഗി​ന്റെ ബ്രാ​ൻ​ഡ് അം​ബാ​സ​ഡ​റാ​യി മോ​ഹ​ൻ​ലാൽ

കേ​ര​ള ക്രി​ക്ക​റ്റ് അ​സോ​സി​യേ​ഷ​ൻ സം​ഘ​ടി​പ്പി​ക്കു​ന്ന കേ​ര​ള ക്രി​ക്ക​റ്റ് ലീ​ഗി​ന്റെ ബ്രാ​ൻ​ഡ് അം​ബാ​സ​ഡ​റാ​യി താരരാജാവ് മോ​ഹ​ൻ​ലാൽ​. ‘ഏ​റെ അ​ഭി​മാ​ന​ത്തോ​ടെ​യും സ​ന്തോ​ഷ​ത്തോ​ടെ​യു​മാ​ണ്​ കെസിഎ​ല്ലി​ന്റെ ഭാ​ഗ​മാ​കു​ന്ന​​ത്. ഒട്ടേറെ മി​ക​ച്ച പ്ര​തി​ഭ​ക​ൾ കേ​രള ക്രി​ക്ക​റ്റി​ൽ ഉ​ണ്ടാ​കു​ന്നു​ണ്ട്. അ​വ​ർ​ക്ക് ദേ​ശീ​യ ശ്ര​ദ്ധ​യും അ​തു​വ​ഴി മി​ക​ച്ച അ​വ​സ​ര​ങ്ങ​ളും കൈ​വ​രാ​നു​ള്ള അ​വ​സ​ര​മാ​ണ് ലീ​ഗിലൂ​ടെ ഒ​രു​ങ്ങു​ന്ന​തെ​ന്ന്​ മോ​ഹ​ൻ​ലാ​ൽ വ്യ​ക്ത​മാ​ക്കി.

സിനിമാ സംഘടനയുടെ ക്രിക്കറ്റ് ലീഗായ സെ​ലി​ബ്രി​റ്റി ക്രി​ക്ക​റ്റ് ലീ​ഗി​ൽ കേ​ര​ള ടീ​മി​ന്റെ നാ​യ​ക​നു​മാ​യി​രു​ന്ന മോ​ഹ​ൻ​ലാ​ൽ ബ്രാൻഡ് അംബാസിഡറാകുന്നതോടെ ക്രിക്കറ്റ് ലീഗിന് കൂടുതൽ പ്രചാരം കിട്ടുമെന്നാണ് കെസിഎ പ്രതീക്ഷിക്കുന്നത്.ഐ​പിഎ​ൽ മാ​തൃ​ക​യി​ൽ മ​ല​യാ​ളി താ​ര​ങ്ങ​ൾ ഉ​ൾ​പ്പെ​ട്ട ആ​റ് ടീ​മുക​ൾ ആണ് അ​ണി​നി​ര​ക്കു​ന്നത്.

60 ലക്ഷം രൂ​പ​യാ​ണ് ലീ​ഗി​ലെ ആ​കെ സ​മ്മാ​ന​ത്തു​ക. പ​ക​ലും രാ​ത്രി​യു​മാ​യി ര​ണ്ട് മ​ത്സ​ര​ങ്ങ​ളാ​ണ് ദി​വ​സ​വും ഉ​ണ്ടാ​കു​ക. ട്വ​ന്റി20 ക്രി​ക്ക​റ്റ് ലീ​ഗി​ന്റെ ആ​ദ്യ സീ​സ​ൺ സെ​പ്​​റ്റം​ബ​ർ ര​ണ്ടു​മു​ത​ൽ 19 വ​രെ തി​രു​വ​ന​ന്ത​പു​രം കാ​ര്യ​വ​ട്ടം സ്പോ​ർ​ട്സ് ഹ​ബ് സ്റ്റേ​ഡി​യ​ത്തി​ലാ​ണ് സം​ഘ​ടി​പ്പി​ച്ചിരിക്കുന്ന​ത്.സ്റ്റാർ സ്പോർട്സ് 1 ചാനലിലും ഡിജിറ്റൽ സ്ട്രീമിംഗ് ആപ്ലിക്കേഷനായ ഫാൻകോഡിലും ടൂർണമെന്റ് തത്സമയം സംപ്രേഷണം ചെയ്യും.

അതേസമയം, 24 വർഷങ്ങൾക്ക് ശേഷം റീറിലീസിന് തയാറെടുക്കുകയാണ് മോഹൻലാലിൻ്റെ ക്ലാസിക് റൊമാൻസ് ഹൊറർ ചിത്രമായ ‘ദേവദൂതൻ’.

ചിത്രം ജൂലൈ 26ന് തിയേറ്ററുകളിൽ എത്തും. സിബി മലയിൽ സംവിധാനം ചെയ്ത ചിത്രം മികച്ച 4K ദൃശ്യ നിലവാരത്തിലും, ശബ്ദത്തിലും പുനരവതരിപ്പിക്കുകയാണ് ഇപ്പോൾ. റീ മാസ്റ്റേർഡ് & റീ എഡിറ്റഡ് പതിപ്പാകും തിയേറ്ററുകളിൽ എത്തുക.

കൊച്ചി ആസ്ഥാനമായി പ്രവർത്തിക്കുന്ന ഹൈ സ്റ്റുഡിയോസ് നേതൃത്വത്തിലാണ് ചിത്രം 4K നിലവാരത്തിലേക്ക് റീമാസ്റ്റർ ചെയ്ത് പ്രേക്ഷകരിലേക്ക് എത്തിക്കുന്നത്.

സംഗീതസംവിധായകനും ഗായകനുമായ വിശാൽ കൃഷ്ണമൂർത്തിയായി മോഹൻലാലും, വിശാൽ തൻ്റെ പ്രാരംഭ പോരാട്ടങ്ങളെക്കുറിച്ചും പാട്ടുകൾ രചിക്കാൻ അവനെ പ്രേരിപ്പിക്കുന്ന ഒരു അജ്ഞാത ആത്മാവിനെക്കുറിച്ചും ഓർമ്മിപ്പിക്കുന്നതിനെ ചുറ്റിപ്പറ്റിയാണ് കഥ.