മലയാളികള്‍ക്ക് സുപരിചിതയായ നടിയാണ് മീര വാസുദേവ്. മോഹന്‍ലാലിന്റെ നായികയായി തന്മാത്ര എന്ന ചിത്രം മാത്രം മതി സുമിത്രയെ പ്രേക്ഷകര്‍ ഓര്‍ത്തിരിക്കാന്‍. പിന്നീട് നിരവധി സിനിമകളില്‍ അഭിനയിച്ചുവെങ്കിലും ടെലിവിഷനിലൂടെയുള്ള തിരിച്ചുവരവിലാണ് മീര താരമായി മാറുന്നത്. ഈ വർഷം ഏപ്രിൽ 21-നായിരുന്നു നടിയുടെ മൂന്നാം വിവാഹം. ഛായാ​ഗ്രാ​ഹകനും മലയാളിയുമായ വിപിൻ പുതിയങ്കമാണ് മീരയെ വിവാഹം ചെയ്തത്.

സോഷ്യൽമീഡിയയിൽ വളരെ സജീവമാണ് മീരയും വിപിനും. പക്ഷെ വിവാ​ഹം കഴിഞ്ഞ് അ‍ഞ്ച് മാസം പിന്നിട്ടെങ്കിലും ഇരുവരും ഒരുമിച്ചുള്ള ചിത്രങ്ങളൊന്നും പങ്കുവെയ്ക്കാറുണ്ടായിരുന്നില്ല. രണ്ടുപേരും ഇരുവരുടെയും പ്രൊഫഷണൽ ലൈഫുമായി ബന്ധപ്പെട്ട വിശേഷങ്ങൾ മാത്രമാണ് പങ്കിട്ടിരുന്നത്. അതുകൊണ്ട് തന്നെ ഇരുവരുടെയും ദാമ്പത്യ ജീവിതത്തെ കുറിച്ച് സോഷ്യൽമീഡിയയിൽ ചർച്ചകളും ആരംഭിച്ചിരുന്നു.

ഇപ്പോഴിതാ മീരയ്ക്കൊപ്പമുള്ള ചിത്രം പങ്കുവച്ചിരിക്കുകയാണ് വിപിൻ. നീയാണ് എനിക്കെല്ലാം എന്ന കാപ്ഷനോടെയാണ് ചിത്രം പങ്കിട്ടത്. നിറ ചിരിയുമായി നിൽക്കുന്ന മീരയെയാണ് ചിത്രത്തിൽ കണാനാകുന്നത്. ഹണിമൂൺ ആഘോഷത്തിന്റെ ഭാ​ഗമായി പകർത്തിയ ചിത്രമെന്നാണ് കരുതുന്നത്. മീര ഒരു ഹാർട്ട് ഇമോജി കമന്റായി ഇട്ടിട്ടുണ്ട്.‌

പാലക്കാട് ആലത്തൂർ സ്വദേശിയാണ് വിപിൻ. കുടുംബ വിളക്കെന്ന പരമ്പരയിലെ മീരയുടെ സുമിത്ര എന്ന കഥാപാത്രം മിനിസ്ക്രീനിൽ താരത്തിന് നിരവധി ആരാധകരെ നേടികൊടുത്തിരുന്നു. ഈ സീരിയലിലെ ക്യാമറ നിര്‍വഹിച്ചിരിക്കുന്നത് വിപിന്‍ പുതിയങ്കമാണ്. ഈ ബന്ധമാണ് സൗഹൃദത്തിലേക്കും ഇപ്പോള്‍ വിവാഹത്തിലേക്കും എത്തിയത് എന്ന് മീര പറഞ്ഞിരുന്നു.

വിവാഹ ചടങ്ങില്‍ ഇരുവരുടേയും അടുത്ത കുടുംബാംഗങ്ങളും സുഹൃത്തുക്കളും മാത്രമേ പങ്കെടുത്തിരുന്നുള്ളൂ. 42 കാരിയായ മീര വാസുദേവിന്റെ മൂന്നാം വിവാഹമാണിത്. അരീഹ എന്നു പേരുള്ള ഒരും മകനും താരത്തിനുണ്ട്. വിശാല്‍ അഗര്‍വാളുമായി 2005 ല്‍ ആയിരുന്നു ആദ്യ വിവാഹം. 2010 ജൂലൈയില്‍ ഈ ബന്ധം പിരിഞ്ഞു. പിന്നീട് 2012 ല്‍ നടന്‍ ജോണ്‍ കൊക്കനെ വിവാഹം കഴിച്ചു. ഈ ബന്ധം 2016 ലാണ് പിരിഞ്ഞത്.

രണ്ടാം വിവാഹ ബന്ധത്തിലാണ് മകനുള്ളത്. തന്റെ രണ്ട് വിവാഹ ബന്ധങ്ങളുടേയും തകര്‍ച്ചയെ കുറിച്ച് മീര ഒരിക്കല്‍ പറഞ്ഞിരുന്നു. ആദ്യ ഭര്‍ത്താവില്‍ നിന്ന് ശാരീരികവും മാനസികവുമായ ഉപദ്രവങ്ങള്‍ ഉണ്ടായിരുന്നു എന്ന് മീര പറഞ്ഞിരുന്നു. ഇതിന്റെ പേരില്‍ പൊലീസ് പ്രൊട്ടക്ഷന്‍ വരെ തേടിയിട്ടുണ്ട്. മാനസികമായി പൊരുത്തപ്പെടാന്‍ സാധിക്കാത്തത് കൊണ്ടാണ് രണ്ടാം വിവാഹ ബന്ധം വേര്‍പിരിഞ്ഞത് എന്നും മീര പറഞ്ഞിരുന്നു.

2003 ലാണ് മീര സിനിമ അഭിനയത്തിലേക്ക് എത്തുന്നത്. പ്യാര്‍ കാ സൂപ്പര്‍ ഹിറ്റ് ഫോര്‍മുല എന്ന ഹിന്ദി ചിത്രത്തിലൂടെയാണ് തുടക്കം. അതേ വര്‍ഷം ഉന്നൈ സരണടയിന്‍ന്തേന്‍ എന്ന തമിഴ് ചിത്രത്തിലും ഗോല്‍മാല്‍ എന്ന തെലുങ്കു ചിത്രത്തിലും നായികയായി. ഉന്നൈ സരണടയിന്‍ന്തേന്‍ എന്ന ചിത്രത്തിലെ അഭിനയത്തിന് ആ വര്‍ഷത്തെ മികച്ച നടിയ്ക്കുള്ള തമിഴ്‌നാട് സര്‍ക്കാരിന്റെ സ്‌പെഷല്‍ ജൂറി അവാര്‍ഡ് ലഭിച്ചു.

ഇതോടെ തെന്നിന്ത്യയില്‍ താരം ശ്രദ്ധിക്കാന്‍ തുടങ്ങി. 2005 ല്‍ തന്മാത്ര എന്ന സിനിമയില്‍ മോഹന്‍ലാലിന്റെ നായികയായി മലയാളത്തില്‍ എത്തി. ഈ ചിത്രത്തിലെ വേഷം ഏറെ ശ്രദ്ധിക്കപ്പെട്ടു. പിന്നീട് ഓര്‍ക്കുക വല്ലപ്പോഴും, ഗുല്‍മോഹര്‍, 916 എന്നിവയുള്‍പ്പെടെ ഇരുപതിലധികം മലയാള ചിത്രങ്ങളിലും നിരവധി തമിഴ്, തെലുങ്ക് ചിത്രങ്ങളിലും മീര വേഷമിട്ടിട്ടുണ്ട്.